السلام عليكم ورحمه الله وبركاته
اخباركم خواتي طيبين
انا عندي مشكله قاهرتني وادري انه فيه كثير مننا يعاني هالشيء
الا وهو ظلم الاخت الصغيره عشان الكبيره او ظلم الاخ الصغير علشان الكبير
المهم ببتدي بالمشكله:::
انا عندي اخت كبيره برمز لها برمز ((ز)) ومتسلطه عليناوبذيئه
علشان حضره جنابها كبيره وماحد يقدر يقول لها شيء يعني مستغله كبر سنها
وانها اكبر منا يعني اكيد الناس بتوقف معها بسبب كبر سنها
وهي نمامه درجه اولى وكذابه ومنافقه تخيلوا حتى الطق طقت زوجها واخوي ضربته وعيالها طردتهم في الشارع وفي الاخير تقول هو اللي طردني واخذ عيالي مني
ومره تقول لا عيالي هم اللي اختاروا ابوهم
وفيها غيره مو طبيعيه حتى حنا خواتها تغير منا الحمدلله ياربي وكل مشكله تصير في البيت على طول عند عمامي وطبعا تكذب لصالحها ؟؟!!!
وكل كذبها نعرفه شلون نعرفه ؟؟؟ياهي تفصح عن نفسها وتنكشف الكذبه,,, ياعيالها يفضحونها ماحد سلم منها ؟؟!!!
فيه طبعا عده مواقف تصير منها هي بالذات :::
وهي دايما تتكلم عن بر الوالدين طبعا مو الام والاب اثنينهم تتكلم عنهم لا؟؟!!! تتكلم بس عن الأم اما الاب لا ليه تسوي هالحركه عشان عيالها ماتبيهم يبرون في ابوهم لأنه تزوج عليها
وبالرغم زوجها صدق تزوج عليها بس مو معناته انها تكره عيالها فيه حرام هذا ابوهم طبعا هي تتكلم كذا وكل مالهم يزداد تعلقهم فيه مو طبيعي لأنه حنون مره وطيوب
المهم مسويه روحها انها باره بأمي وانها البنت الحنون ,, طبعا كلنا نعرف انها كذابه تسوي كذا عشان تسوي بيننا مشاكل وامي توقف معها ؟؟!! يمه على هالخبث اللي تسويه
المهم اخوي خطب من شهر 3 المهم مابعد تجي الملكه اللحين واخوي متسرع الله يهديه قال وحنا جالسين على الغدا اليوم العصر بنروح نشتري الشبكه والصباحيه يعني الموضوع
مو مخطط عليه من قبل صار فجأه ؟؟!! المهم على طول خلصنا الغدا ومشى هو وامي واختي برمز لها برمز ((ع)) وشروا وجاوا من السوق المهم جاوا جلسوا الا هي جات ((ز))
والمهم اخوي هذا اللي خاطب مايكلمها مسويه مشكله معه
يتكلم مع اختي ((ع)) عن الشبكه وكذا سمعت هي الكلام قامت تهاوش انتوا ماتبوني انتوا كذا وانتوا كذا وتذم فينا وهي تروح وتجي ولا احد يدري عنها فيها انانيه اخذوني في كل مكان
بس انا اخذكم لا وقامت زعلت وقامت تصيح وانا ربيتكم وخذلتووني <<<وهي لاربتنا ولاشيء تكذب مسويه فيها ومدري وش تقول ومن ضمن كلامها
تقول انا مافتخر اني بنتكم انا اقول عن نفسي لقيطه ولا اقول اني بنتكم وانسوا انه عندكم بنت ولا اخت ؟؟!
امي بعدها مرضت وتعبت نفسيا منها وتمت 6 شهور مقاطعتنا ولاتتصل ولاشيء الا مرتين بس ..ولدها يجي اما عيالها الباقين مايجون وطبعا ولدها يجي من وراها ويوم عرفت لعبت فيه لعب وتقول
له اهلك لعبوا فيني ومنعت عيالها عنا مانشوفهم ولايجوونا ؟؟!! واذا جا ولدها من وراها يطلع بسرعه خايف منها ياعمري عليه طلع ولدها احسن منها .
وزوجها يقول لها هذولا اهلهم لاتمنعينهم منهم خليهم يروحون لهم قالت لا هم لعبوا فيني وانا امهم
لازم يوفقون معي انا
وهي الكذابه اي وحده تلعب في امي تروح لها وتزوها وعلى عمرها مارضت
..المهم ثاني يوم راحوا لها اخواني
وتوقف في وجيهم وتقول لهم نعم وش تبون جايين في بيتي قوموا طلعوا برا قالوا لها اخواني حنا جايين نزورك حطي لنا اعتبار واحترام حنا ضيوف وبعدها قال اخوي الكبير
لأخوي الصغير قوم نطلع ..طلعوا الا هي على طول صاحت ...والله هي كذابه يابنات مدري ليه هالتمثيل والكذب
المهم امي عرفت اناه كذابه وقامت تتذكر كلامها وين اللي الاول تقول عن صله الرحم وعن الام وكذا واللحين تقطعها 6 شهور ؟؟!!!
وقمنا قلنا لأمي عنها وعن كلامها الكذب وامي ياعمري ماتدري عنها بشيء ...والمهم ملك اخوي توه ورجعت ولا كانها مسويه شيء وتوها تشوفنا في يوم الملكه ولا طبعا اخوي سامحها
على انه غلطها ماينتسامح عليه بسهوله ؟؟طبعا بعد فضيحتها لنا اتصلت على عمي وقالت له انهم ظلموني ولايبوني وانهم وانهم والله كله كذب ؟؟!! المهم اخوي كلمها او انها
اتصلت عليه وصار الوضع عادي وشفناها في يوم الملكه تخيلوا 6 شهور مقاطعتنا وترجع ولا كأنها مسويه شيءيمه منها قسم بالله اني استحي اسوي مثل كذا شين وقوي عين
وتقابلت مع امي وقالت لها امي انك تكلمتي علينا قامت كالعاده تكذب وتقول ولاتكلمت ولاقلت شيء ولا سويت وتحلف بالله كذب حمدلله والشكر ؟؟
عيب والله عيب كبيره ومعلمه وتكذب
الموقف الثاني لها ::
غيرتها من اختي ((ع)) ليه؟؟؟
لأنه اختي ((ع))زوجها يحبها من الصغر وهي ماخذه ولد خالتي وزوجها ماشاء الله رئيس كتابه عدل وراتبه ماشاء الله حلو وكل المميزات فيه الا اللهم العيب منه
مايجيب عيال واختي صابره عليه من حبها له وعاد ماشاء الله مدلعها اختي واحسن لبس وكل اللي تبيه موفره لها ماشاء الله بس هاذي الاخت مو موظفه واللحين بتسكن بيت كبير
وطبعا بناه بيته بدون لاديون ولاقرض ومع ذلك طلع سياره قيمتها 100,000 عشان كذا اختي تغير منها غيره مو طبيعيه
اما اختي ((ز))المتسلطه موظفه وعندها عيال وزوجها ماشاء الله رئيس او مشرف لمستشفى بس اللهم مسكنها في شقه ...ومدلعها بس هي مايبين في عينها شيء تكذب والله ظلمت زوجها
بس عشان قال لها انه عليه ديون اصبري عليه ؟؟
وهي دايما تتهاوش مع اختي هواش سخيف في الاخير طلع من غيرتها الحمدلله والشكر ؟؟!!!
ولا بعد اتهمت بنتها انها تشتري مخدرات وبنتها ماشاء الله عليها
تحب تكتب شعر وموهبه في الرسم
وش راحت تسوي مزعت دفترها وقالت لها انتي تحبين واحد وشكاكه مو طبيعيه يعني بالله حتى شرف بنتها تكلمت عليه خبله ذي
وولدها نفس الشي اتهمته انه يكلم بنات
وولدها الثاني فيه مرض كله خايف خوف مو طبيعي من كثر
ماتضرب فيه مسكين ياعمري
وكل ماشتكينا لأحد قال هاذي اختكم الكبيره سكتوا لها عيب تقولون هالكلام على وحده كبيره ؟؟
يعني بالله تظلمنا ونسكت عشان حضره جنابها كبيره واما الصغير تنهان كرامته ويسكت علشان الكبير
المفروض لازم يكون الاحترام متبادل بين الصغير والكبير وكل واحد فيهم يحترم خصوصيات غيره ويعرف حدوده ولايتجاوزها
مو بس الصغير هو اللي يحترم ويقدر ويوجب
اما الكبير مايحترم اللي قدامه ويهين ؟؟!!...
والكبير له احقيه يسأل عن خصوصيات اللي اصغر منه وكم عندك من فلوس وكذا
اما الصغير لا حرام مايجوز تسال عيب عليك تسال اللي اكبر منك وتدخل في خصوصياته
صراحه احتقر اللي يسوي نفس كذا لأنه يفرق بين عياله وهو مايدري ويولد الحقد بينهم والكراهيه
امي كانت كذا بس اللحين عرفت هالخايسه وتفكيرها قامت كل شيء تسويه اختي امي لها بالمرصاد
وابي حل لها المشكله اللي ذبحتنا فيها اختي الكبيره المصون ..
واسفه اني طولت عليكم
شجره طيبه @shgrh_tybh
محررة برونزية
يلزم عليك تسجيل الدخول أولًا لكتابة تعليق.
اميره القلعه
•
رفع
الله يعينكم عليها ... هاذي مريضه مو صاحية ابد
طيب تصدقي بنية ان الله يصلح حالها ويحببها فيكم ويشفيها من اللي هي فيه
طيب تصدقي بنية ان الله يصلح حالها ويحببها فيكم ويشفيها من اللي هي فيه
الصفحة الأخيرة