شاهه2 @shahh2

محررة

ليه بعض البنات يتنكرون من لهجتهم وقدام صاحباتهم يتكلمون بلهجه ثانية؟

بسم الله الرحمن الرحيم
و السلام عليكم و رحمة الله و بركاته عسى الكل بخير

موضوعي اليوم ان بعض البنات لهن لهجة خاصه غير لهجة المنطقه الي عايشات فيها و هذا شي طبيعي بعد انقتاح و توسع المملكة ماعاد فيه لهجه واحده بس بالرياض او جده او الشرقية خلاص اختلاف اللهجات امر لابد منه

بس البعض يتحسس او يستحي
مثلا اعرف واحده زبيرية و كلامها اغلبه كويتي بس مطعم بالمفردات الزبيرية تستحي تتكلم لهجتها قدام صاحباتها
من جت الرياض و ادخلت الجامعه اقلبت لسانها و قامت تتكلم بلهجة اهل الرياض كذا و امك و ابوك
و بالبيت تقول امج ابوج قفشه يعني ملعقة ومن تمسك التلفون تقلب خخخخ
انا اختها تسولف لي و تضحك عليها تقول مستغربه ليش هالتلون و عدم الثقه بالنفس طيب لهجتك واضحه لانها 90 بالمية لهجة كويتية ماله داعي تقلبين و اللهجة الكويتية مفهومه لكل العرب من مسلسلاتهم
مثلا اللهجة المغربية او الجزائرية هذي مو واضحه لنا ومن الطبيعي صاحبتها تتكلم اللهجة البيضه المفهومه للكل
لكن مثلا واحده قصيمية او زبيرية او اي واحده لهجتها واضحه بس مختلفه ليه ما تعتز بلهجتها
و الله جيرانا سعوديين بس كانو عايشين بالكويت طول عمرهم بس استقرو اخيرا بالرياض
و الله يعجبوني معتزين بلهجتهم و واثقين بانفسهم محد منهم قلب لسانه و تصنع لهجة ما تربا عليها
انا مدري هل الي تقلب لسانها هذي مو واثقه من نفسها ولا وش قصتها؟
اصلا من الجمال انك تعيشين ببلد فيه تعدد باللهجات واصلا الواحده لمن تكون لهجتها غير شلتها يحسها الواحد متميزه
بس بعض البنات الله يهداها فاقده الثقه بهذي النقطه تبي تكون مثل صديقاتها بكل شي باللبس و اللهجه و التسريحات و الشناط؟؟؟؟
البعض بتقول تاثرت طيب هي لو مولوده بمكان يتكلمون فيه غير لهجتها تاخذ لهجته اكيد بس واحده جايه على كبر ليه تغير لهجتها عشان ترضي الاخرين ولا تحس بالنقص؟؟

اوكي الواحد ممكن يلقط كلمه ثنيتن عشر عشرين من لهجه ثانية بس ما يغير كل لهجته لان كل لهجه لها نغمه خاص فيها
الصراحه انا اشوفه قلة ثقة بالنفس يمكن وجهة نظري خطأ بس البعض فعلا يستحي من لهجته
لاتظنون اني اجبر احد او اصادر حرية احد بس اذا الكل قلد الكل وين التميز يا جماعه؟؟
و اترك المايك لكم و لارائكم الحلوه

هذا الموضوع مغلق.

عزي بقرآني • 13 سنة

دايما اشوف حريم كذا انا عندك اهلي يتكلمون ((شلونك)) واهل زوجي ((شلونتس)) وضيعت الطبختين مره كذ وكذا

roro-mozza20010 • 13 سنة

انا موستحيل اغير لهجتي الحجازية المدينية لاني من المدينة

وه ياندامه ايش هادا ياخوتي مافي احلا من لهجة الواحد الاصلية بس ممكن يغير كم كلمة اما اللهجة كولها موستحيل

فدوى الجبل • 13 سنة

حنا لهجتنا الاساسية بال"تس " :biggrin:

امتس , ابوتس , زوجتس ..وهلم جرا

مع اهلي واهل زوجي وصديقاتي اتكلم قصيمي بحت ..بس بالمدرسة اتكلم بالكاف ..مو لاني مو معتزة بلهجتي .ابدا ..بس لان الكاف اكثر رسمية من ال"تس "

$ دمــوع الــورد $ • 13 سنة

مدرررررررررررررررررررررري

قمر المنتديات • 13 سنة

بالعكس انا اتكلم بلهجتي البدويه وافتخر واشوف الي واثق من نفسه مايغير لهجته