هلا والله بنور ماشاء الله عليك معي هنا وهناك......
اي نعم من التربية والتربية والتربية........انتبهي لا تغلطين نفس الغلطة مع اولادك.........
مشكاتنا نعتبرها رحمة بينما هي ذنب........

مشكوره خموللللللللللللللللللللله
والله انك صادقه باللي قلتيه

صدقتي خململ وهذا اللي احاول فيه مع ولدي

أذن ..سنتفق على الكثير من النقاط

لابد من تربية الولد على تحمل المسؤوليه
كأمهات

من سن العاشره يروح للمسجد كل الفروض..
عوديه يقوم الفجر..لا ارى داعي للخوف عليه من ظلمة الفجر

من ظهور السواقين ..وخدمة توصيل المنازل ..لن يجني ابناؤنا خيرا
ولن تجني زوجاتهم منفعه منهم
كيف
لابد من تعليم الولد..أن يقضي حاجيات الاسره..لو شئ بسيط
حتى لو عندك سواق
لازم يخرج بنفسه.يحاسب..يغلط اليوم..بكره يتعلم
كيف سيتعلم..وسيفتح بيت ..وهو لايعرف الفرق بين هذا وذاك في الاسعار

وقت العزايم ...أكثر الشباب الصغار ما هم موجودين يباشرون مع أهلهم
لماذا؟؟
بكره ..ما يقدر يسوي أي عزيمة في بيته ..والا في النهايه حياكم في بيت الوالد الله يطول عمره
هذا اذا تعلم يعزم فلان وفلان ..
أذن
لابد أن يحضر مجالس الرجال ليتعلم الاصول والعادات ...

متى سيتعلم الشاب النخوه والشهامه
وهو تعود على ذهاب امه للسوق مع السواق وبدونه
خذي ابنك للسوق ..أذا لم يكن الاب موجود
خليه يحاسب عنك ...يصبر عليك شوي
واصبري عليه شوي
المهم يتعلم كيف يصبح رجل ...!!!

كثيرة النقاط التي يجب ان نعتني بها يا أم الخمائل

للأسف
المشكله أكبر بكثير
شباب لامباليين ..بنات لايقدرن عظم مسؤولية الانوثه ..
أمة ترجع للوراء
افليس هذا مؤلم والله ...

من بيوتنا
ومن داخلها
سيتعلم الابناء كيف يصبحون رجالا
وسيتعلمن البنات كيف يصبحن زوجات وامهات

أعتقد لو كل فرد التزم بواجبه نحو نفسه ...
لن تكون هناك معاناه كيره

كلامكم صدق وكله في الصميم...
ذكرتوني باخوي قال ابوي لولده ليه ما تروح تعزي جيرانكم..حتى لو ما تعرف فيه احد..وصار ولد اخوي طول ايام العزاء وهو يقول هالشي لابوه وابوه رافض في النهاية ابوي قاله لازم يتعلم ..هذا بالابتدائي متى يتعلم..
تصدقون احنا نعاني في بيتنا...في الاجازة اخواني ما يحبون عيالهم عندهم ويخلوهم عندنا الحريم...
واحنا نهاوشهم كيف تصيروا رجال اذا ما جلستوا مع الرجال ويروحو للرجال يهزؤهم انتو مزعجين ..ماتسكتوا...والنتيجة ما يحبوا يجلسوا عند الرجال..بحكم انهم كبار وما يقدروا يدخلوا للحريم صار شي من الاصطدام..
طيب الولد اللي ذكرته لكم بالبداية له اخ اصغر..مسمينه حارق الاعصاب..وهذي نتيجة تربية امه...كان يحرق اعصابي...مرررره...
لا وبعد تقول امه حرام هذا مسكين ناقص حنان...ما شاء الله اخذ كفايته وزيادة..جلست امه بعدها سنتين وزيادة وبعدين حملت وخلفت..

صحيح انه الحين عقل عن اول بس الحمدلله تداركو الخطأ في التربية....
كنت لما اهاوشه ولا اضربه...تزعل وتقول انا ما احب اولادي ينضربوا اخاف عليهم يتعقدوا..والنهاية عيالها اشقياء جدا...ولا احد قادر يتحملهم حتى خالاتهم حتى ابوهم عنده الضغط..واوقات امهم ينخفض عندها الضغط وتتعب.....بالله وش فادتها الحساسية الزايدة..وش فايدة الدلع وتخليلي البزر يتحكم باسرة فيها كبار واجداد ...يا انك تضربيهم ..يا تخلي عماتهم وخالاتهم يضربوهم...
بجد الحياة اللي في بيتنا والخليط في التربية..والاشكال المتنوعة عندي علمتني اشياء كثيرة...
تدروا ايش علمتني...علمتني ااجل الخلفة..بقدر الامكان...لمدة سنة على الاقل..
وكمان اكره الاطفال..على قد ما شفت احس اني اكره هالشي فعلا...بسببهم تصير مشاكل كثيرة في البيت..ليه لأنهم يصدقوا اي كلمة يقولها البزر ولو غلط..وما يصدق هالبزر تلاقونه يستانس لا شاف احد انضرب..لأن هذي نشوة النصر عنده..والسالفة كلها غلط xغلط..

والحمدلله جتنا سنة ما عندنا شغالة وكنت ادرس وحوسة..:eek: بس فعلا قدرت اعتمد على نفسي..
واكتشفت اني قدرت اسوي اشياء كثيرة..
والحين بتعلم طبخات وحلويات واسجلها..عشان وقت الحاجة...والحمدلله حتى ملابسي من زمان اغسلها من يوم انا صغيرة..وغرفتي ما احد يرتبها غيري..
بس اكتشفت ان من اقاربي في ناس امهم ترتبلهم غرفهم وتغسلهم ملابسهم من يوم وهم صغار لين ما يتزوجوا...
عشان كذا تلاقونهم فاضيين فايش يسووا..يهتموا بالشعر اللي انا ما عرفت الاهتمام فيه الا بعد ما تخرجت..يصبغون..ينظفون بشراتهم...يروحون للكوافيرات << ما اقدر اروح لأن اهلي يكرهوا شي اسمه كوافيرات..وياويلي ويا سواد ليلي لو رحت..فبالاجازة اروح مع عيال اخواني من وراهم..
يبدوا يفكرون وش يلبسون للزواجات ...ويرقصون....يعني انواع الاهتمام..<< وما شاء الله على طول يروحون..يتزوجون..
وهالاشياء ما عرفتها الا بعد ما تخرجت وجلست فاضية في البيت..مع اني مو فاضية مره..

اللهم احسن بالاعمال الصالحة خاتمتنا...