ليه تدلعون و تحرجونا 😡

السلام عليكم


بصراحة يا بنات أنا من أكثر مشاكلي اللي أعانيها من ضيوفي هي دلعهم و حركات الثقل حقتهم يعني يجوني صديقاتي أضيفهم ما ياكلون و لا يشربون


يعني أنا ما اعرف هل يقرفون؟ ولا يعني الوحدة فيهم مسوية أنا الرقيقة الدلوعة اللي ما اكل


في البداية كنت أقبل أعذارهم زي اللي تقول أكلت قبل شوي أو ما احب هالعصير أو ما اكل لحم بس مرة بعد مرة مصخت صار مافي عذر اللي ما تاكل لحم اسوي لها خضار و اللي ما تشرب عصير اسوي لها شاي و اللي ما تحب أكل البيت أطلب لها من برا بس بعد نفس الدلع و المياعة و الحركات البايخ


أروح عندهم أكل و اشرب عشان اخلي الحال طبيعي بس بعد مافي فايدة تعبت منهم و الله ، المشكلة إني أحس بالذنب ما ضيفت ضيوفي او طلعوا من بيتي و دوروا الأكل برا عيب حد يطلع من بيتك بالليل بدون عشا او بالنهار بدون ما تكرميه عدل


تخيلوا أمس وحدة قالت لي لي بتزورني و هي صديقتي يعني تكون على بعض ، المهم قلت لها أنا أعرف انك ما تاكلين اي شي و النظام الغذائي حقك صعب بس قولي لي شو تحبين تاكلين او تشربين و بعد إصرار قالت لي و أنا سويت اللي تحبه في الاخير اخذت شوية من الاكل و ما شربت اي شي و راحت طيب عالاقل جاملي


نحن يوم كنا صغار امي تقول لنا لا تحرجوا الناس اذا حد ضيفكم خذوا منه ولا تكسفوه و اذا مسكتي كاسة العصير تشربين كلها و لا تخلين باقي لأنه بينكب