ليه تغيرت علي تتوقعون وش السبب ..

مساء الخير اخواتي ..
بدخل بالموضوع ع طول ..
وحدة من صديقاتي المقربات مني مرررة كانت كل يوم تراسلني تكلمني المهم نتواصل باستمرار ..ما نقطع بعض ما نستغني عن بعض .. وهي تدري ان عندي فلوس ع الرغم اني مو موظفه بس مؤخر طلاقي ولانها صديقتي اعزها والله واتمنى لها الخير .. المهم مرت بظروف مادية واحتاجتني وطلبت مني مبلغ .. والله من دون تردد والله عطيتها ..
لكن ..
من بعدها تغيرت علي مرررة .. صارت نادرا تتواصل معاي صارت تخبي عني كل شيء صارت ما تهتم .
وبعدها بفترة صارت تراسلني ووو ورجعت طلبت مني مبلغ اكثر من هذاك .. وقتها والله انقهرت على نفسي وقلت ليه تسوي فيني كذا بس للمصلحه ..
كذا مرة قلت بجيها وصرفتني وكذا مرة اقولها تجيني وتصرفني ... قلت ممكن علشان ما اطلبها واقول لها رجعي فلوسي ..
الي صرت احسه .. اني انا لاني مطلقه .. ماعاد تبي تتقرب مني او بالاخص ما تبي نكون مثل قبل .. ولا تبغى تحكي او تتكلم او تراسلني .. الي يقهرني علشان خايفه احسدها او اعطيها عين على حياتها لانها متزوجه .. ليه هذا التفكير صار منتشر ..
انا احاول اطنش واتجاهل واقول ممكن مو هذا السبب .. لكن احس صارت واضحه .. والله العظيم وقفت معاها باصعب الظروف وقفت معاها بكل لحظه واسيتها كنت قريبة منها مررة ..
اللحين ادري انها تخاف اني اراسلها .. تخاف اطلب منها المبلغ .. والصراحه انا بحاجة الفلوس مرررة .. وبما انها موظفه كان بامكانها ترجعها من 6 شهور لانها قالت باقرب فرصه برجعها ...
تتوقعون سبب تغيرها علي .. ليه تغيرت ليه صارت كذا .. وابي اطلبها وكيف اطلبها ..
ليه هذا الزمن صار زمن المصلحه ليه .. والله اني انقهرت منها المفروض تكون قريبه مني لكن الاقيها بعيدة ..