ليه حريم السعوديه يحبون الشي هذا؟

السلام عليكم
مستغربه شي يابنات ليه الحريم حتى لو انها كبيره تدور الحمل
يعني وش المتعه بتجميع البزران
ليه الاجانب يكتفون بثنين بالكثير اربعه
وحنا الوحده يصك عمرها 45 ومعها 7 او 8 وتروح تعالج وتشرب من هالادويه الشعبيه بس عشان تحمل
طيب عندك ماشاء الله درزن ليه تتعب نفسها بالادويه والمراجعات كانها محرومه وهي عندها عدد كذا
ولا تجي تقول الله يصبرني على هالعيال جننوني لانوم لاراحه طيب مين اللي جابهم ومين حمل فيهم غيرك
شي طبيعي بتتعبين اذا كانو كثير وتحت بعض مع ذلك مستمره بالحمل لاتقولون يمكن غصب
او زوجها يبي وربي يابنات هي تراجع المستشفيات ولا باقي حرمه شعبيه ماراحت لها
خاصه اذا شافت خوات زوجها او حريم اخوان زوجها حوامل هل هو غيره؟
ولا ايش بالضبط

ولا استغرب نماذج عندنا اقسم بالله امهم تكون قاسيه مافيها رحمه على عيالها بس تكفيخ وضرب قدام الناس فيهم
وحارمينهم لايشترون لهم اي شي لايطلعونهم بس عيالهم يناظرون بزران الناس وجولاتهم وايبادتهم وهم محرومين
مع ذلك تدور الحمل ليه تجيبين اطفال تعقدينهم ولا توفرين لهم احتياجتهم
وربي اكثر شي ارحمه هالنوع من الاطفال اللي بس امهم تولدهم وخلاص تبيهم يعتمدون على انفسهم واذا صار لهم شي ذبحتهم ضرب وتكفيخ

قدام العالم وحارمتهم من اي شي مثل الاطفال
ولا اكثر شي يضحكني بنات اعرفهم شخصيا قبل الزواج يقولون لا ان شاء الله ماجيب تحت بعض
واذا جابت الولد الاول تقول ان شاء الله بصبر لين يدخل المدرسه< ايه هين
ماتدرين بعد الاربعين بخمس شهور الا كرشتها قدامها وتخلص تصبر سنتين يقالها طولت بالسنتين الحين حطمت الرقم القياسي
وتحمل بالثالث وبعد سنتين الرابع وهي عمرها ماتعدى 30
وتقولون الرجل السعودي مايبين بعينه
وخاين ويتزوج من برا مالومه صراحه
اول شي دمرتي جسمك بالحمل والولادت ترهلات تشقاقات اقصد اللي وراء بعض وكانك فقاسه <اقصد اللي مايكمل ولدها سنه الا حامل
ثاني شي تلهين عن زوجك مع الاطفال وصراخ صياح طول اليوم مع الاطفال خاصه اذا العدد اكثر من 2 تحت بعض
بعدها تجين هنا ولا عند اهلك تبكين زوجي خانني زوجي بيتزوج الثانيه زوجي مايحبني زوجي مو مالي عيني

سوال عمركم فكرتو فيه؟
ليه الزوج يخون
لانه مالقى الشي اللي يبغاه
اذا طول وقتك وراء المبزره

متى يحس الزوج انه متزوج انثى؟
متى يحس بالرومانسيه والحركات اذا كل وقتك حمل وولده وملاحق وراء هالمبزره
اصلا انتي بنفسك فكري ماتبين تدلعين نفسك ماتبين تحسين انك لسى بدري على تجميع المبزره
ليه تقبري نفسك وهو عايش مبسوط وانتي كانك شغاله وراهم وبالاخير ليته يبين بعينه بيخون وبيقول
متى عمرك لبستي لي متى عمرك دلعتيني متى عمرك سويتي وسويتي
طبعا ماقلت هالكلام الا امس خالي قايل لخالتي دوري حرمه هاللي عندي ماكاني متزوجها ماغير مطارد وراء المبزره
عنده 9 عيال ويحلف من اول ولدين وهي ماتدري عنه ولا شاف دلال ولا شاف اي شي يقول كل همها حمل ولاده هذا اكبر همها
وقالها اذا رفضتي تخطبين لي اروح اجيب احسن عروس من برا بس انا ابيك انتي وهي رفضت قالت لاتدخلني مشاكل مع اهلك
والرجل صامل يقول راح عمري مانبسطت