كله مقدر و مكتوب من الله سبحان حب الأولاد فطره من الله و فيه ناس تحب العائله الكبيره حتى الأجانب اللي حاطينهم مضرب لأمثالكم يحبون العائله الكبيره بس الفرق بيننا و بينهم أنو أحنا الحمد لله مسلمين نؤمن بأن الله هو الرازق و المعطي و ما نقول كثرة العيال فيها تكلفه و ماديات لأن كل طفل يولد و معه رزقه و ربطك لخيانة الرجل بكثرة الأنجال مو صحيح اللي برأسه الشر بيسويه معه واحد و إلا أثنين و إلا عشره و ما كد سمعت برجل يكره الكثره الحمد لله و الأولاد و تربيتهم كلها تعب كانو كثار و إلا شويه لكن التنظيم بالحمل و أعطا كل ذي حق حقه هو سر أستقرار العائله الكبيره و سعادتها و كل أنسان حر بنفسه و بحياته أكره فرض الوصايه و التدخل بالغير و هالشيء غلط و محد له حق بشؤون غيره نهائياً

الحد هنا الحلال والحرام
ولو ما عندها قدرة على الحمل كان ربي عالم كل شي وقف وقت الانجاب للاربعين ووقف الدورة و بدا سن اليأس
عندي قناعة ان كل انسانة لها حق تقرر حياتها وكم تبغى من اطفال وكم تخلي بينهم وايضا اذا تبي تنجب وهي صغيرة او كبيرة
خلاص خليكم من الخلق وبسكم تقطيع في الناس
انا قررت اني انجب وانا صغيرة ما يعني اني اعيب على اللي تبغى تقرر يكون فيه فرق بين اطفالها وتستمر في الحمل وهي كبيرة !! ما سوت عيب ولا حرام
كله بالحلال
اعتب بس على اللي ما عندها قدرة جسدية او نفسية او اجتماعية في التربية وتتعب وتجيب كم واحد في سنوات قليلة وهي تعبانه اصلا وهي مي يم التربية الصحيحة ولا هي عندها القدرة العقلية والنفسية لتربية طفل
ربي لما خلقنا خلقنا مختلفين
ومر علي نساء ماشاء الله لاقوة الا بالله حلم وقدرة على التربية مهما كثروا عيالها صوتها واطي وتعامل محترم وتعطي كل طفل حقه من التربية وعندها نفس وتلاقين حياتها لها ولعيالها وهذي سعادتها اصلا وابتسامتها ما تفارقها وهي بينهم
وفيه اللي عصبية ونفسية وهي عارفة نفسها زين ثم تبي تصير زي هذيك
طيب انت قررتي تتعبين نفسك خافي ربك في ذريتك وهذول ما اقول لا ينجبون بالعكس من حقها تكون ام ولا فيه انسان يقدر يمنعها او يعتب عليها لكن ترتب امورها
وطريقة الاطفال زي ما يناسبها ويناسب شخصيتها
لكن ارجع واقول من حقها تقرر العدد والسن ووقت التوقف او عدمه
وسبحان الله نستنكر ان المرأة تنجب في الاربعين ولا نستنكر هذا الشي على الرجل حتى لو هو اكبر ! الين متى جلد الذات و نكون اعداء لجنسنا ونحارب النساء مثلنا !

يعني بس حريم السعوديه تحب الخلفة
عملتي احصائيه؟ ولا كيف ماشاءالله عرفتي؟
وباقي نساء العالم مخلفة 1 و2 وتوقف؟
وازواجهم ماعندهم خيانه بسبب الخلفة؟
مااعرف وش سبب كتابة الموضوع.
هل هو تشويه لصورة المراة السعودية ولا لان مجتمعك كذا يخلفوا وراء بعض وطاشين عيالهم في الشوارع
مفكره كل السعوديات كذا ..

حبيبتي المشكله مو بكثرة الحمل وكثرة الاطفال
المشكله بالحرمه الي تهمل نفسها
من يوم تولد تنسى كل شي وتكدس حياتها ورا الاطفال وتهمل بيتها ونفسها وزوجها
المفروض الحرمه سواء عندها طفل واحد او عندها مليون طفل تقدر توفق بينهم وبين بيتها وزوجها ونفسها
تسوي جدول لنفسها يوم للعنايه ويوم لتنظيف البيت و تنوم عيالها بدري وتنظم نومهم وتقضي باقي الوقت لزوجها
لاحظي الحريم حتى لو عندها طفل واحد بس وتوه مولود تلاقي نومها انقلب وتقول الطفل مسهرني معلييييييييييييييش الطفل ما سهرك انتي الي سهرتي نفسك وانتي يلي ماعرفتي تنظمي نومه وتنظمي وقته ووقتك


يعني زبدة الموضوع المشكله مو بكثرة الاطفال المشكله بالحرمه نفسها و اهمالها

والله السعوديات اهون من غيرهم شوفي الشاميات ماشالله الكبير اول ابتدايي وتحته سته
شوفيهم الاسواق والمجمعات والحدايق
بعدين تكلمي
ودعي الخلق للخالق مو من جيبك ولا تعبك