ليه زوجها تركها وتزوج عليها أكيد مهملة وبيتها وسخ ؟!

السبب وراء نكد الزوجة وقلة اهتمامها ببيتها وابناءها هو......دار حوار بيني وبين اخواتي وخالاتي وكنا نتكلم عن مشكلة وحده انها كانت قبل الزواج شعلة من الحماس والتفاؤل وبعد الزواج بسنتين تغيرت تماما ذبلت و انطفى ذاك الحماس الي كان فيها واختفت ضحكتها وملامحها تغيرت واصبحت وحده ثانية كئيبة و كسلانه ماتقوم بواجباتها المنزلية على اكمل وجه مثل السابق واتفقنا انه من اهم الاسباب الي تطفي حماس الزوجة هو الابناء و تحمل مسؤليتهم ولكن اختلفنا انا وهم في سبب اخر وهو تعامل الزوج .. بقولكم كيف يطفي الزوج حماس زوجته وحده تقول قبل الزواج كان زوجي شي وبعد الزواج بشهرين شي ثاني و تغير تماما وتقول صار مشغول عني يتحجج بالشغل واصبح مايناديني باسمي واصبح لجواله رمز سري واصبح صاااامت غامض في دخوله وخروجه يتحاشى اي حوار معي ويتأذى من طلباتي ومن اي كلام او اي تصرف حتى لبسي وشكلي مايعلق عليه ولا الاكل الي بسويه واتعب فيه مابكلف نفسه يقول يديك العافية ولا اصناف الحلويات الي اتفنن فيها ماتلفته بس همه يخرج ويبغاني سااااكته وما اتكلم ولا اضحك ولا حتى ألبس ملابس نوم ولا خرجه ولا اصحاب ولا احد يجيها بالبيت اصلا يكون مخربلها المجلس وقالبه مستودع وغرفة نومها يكسر فيها مع كل مشكلة درفه من الدواليب وكاسرلها تحفه وهكذا الين اصبح المكان مشوه وهو مبسوط انه ماتقدر تجيب أحد ببيتها وهي كل ماطلبت حاجه ماطلها لسنين .. وبالنسبة للابناء مايشاركها في تربيتهم ولو جات تربي على حاجه هو يعمل عكسها ومو مهتم اصلا بالتربية تلاقيه يسب ويضرب اولاده وعصبي جدا ....؟؟والله اكلمكم وانا شايفه وضعها ....؟؟متصورين الاسلوب هذا كيف ممكن زوجة تتحمل كل هذا ولسنييين ؟؟ فتصير تشتكي امها اهلها واهله والناس والكل مايبغا يخرب بيتها ويعطوها نصايح اصبري وطنشي عيشي لنفسك ضحي عشان ابناءك ..؟؟ ولا أحد يحس بالنار الي فيها فبتصير في خذلان وصدمه وتبدا تدخل في نوبات غضب معاه ومهاترات ويبدا جو المشاكل والتوتر لانه مالقت شخص طبيعي سوي تتفاهم معاه زي الناس و يمدها بالطاقه الزوجية الي ربنا خلقها بين الازواج يعطي زي ماياخذ ....و هذا الموضوع أخذ كل تفكيرها وتبدا تدور حلول وللاسف هذا الشيء بيستنزف طاقتها يوما بعد يوم وبعد سنيييين تصبح الزوجه مجهدة جدا و تعبانه جدا ومرهقة ماتقدر تشيل منديل من مكانه وتركيزها مشتت ومشوش وكثير اعرفهم صبروا سنييين على ازواج من هذا النوع والنتيجه الي راحت مصحة نفسيه والي جاتها امراض جسديه ونفسية سكر وضغط واكتئاب ووسواس قهري والي جاتها جلطه وماتت والي تركت دينها وتمردت على مجتمعها اتكلم عن عينات من واقعنا ..للاسف كل الي حوالين هذه الزوجه سلبيين وايضا المجتمع سلبي وغير منصف لأنه يجرموها ويضعوها السبب في نفور زوجها وانها مهملة بيتها وابناءها وهذا تحليلي انا الي قلته انه غلطانه الي تصبر على زوج من هذي النوعيه وغلطانه الي تخلف من هذي النوعيه والي على بالها تجيب راس زوجها وبالها طويل ماتلوم الا نفسها وحتكون ظلمت نفسها وضيعت عمرها وصحتها ودينها .. وانتوا ايش رايكم بالله مو هذي النوعية هم السبب في اهمال البيت والابناء وانتاج عاهات للمجتمع...؟