ليه كدا يا صحبااااات ..افضل اعيش لحالي ولا انخذل

ما اعرف ايش اقول والا فايش ابتدي
يا الله
الحياه ليه كدا كلها فراق
عندي وحده من صاحباتي عشرة عمر ايام الجامعه
قريبين من بعض مره
اتخرجنا سوا
جات فتره ابوها توفى وعزيتها واتواصل معاها
من قبل عيد الحج اتصل ماترد قولت يمكن متضايقه
او ساير لهم شي في البيت ارسل واتصل
وارسل اقولها بس طمنيني ولامجيب
واخذتني الافكار وجابتني
بعدها بشهر اتصلت على البيت لاني
قلقت سبحان الله هيا اللي ردت عليا
قولتلها فلانه انتي طيبه قالت ايوا
اهلك فيهم شي قالت لا اشبك ماتردي على جوالك
قاللت ضايع <<<ضايغ شهر يدق ماترد كان قفلت البطاريه
:06:
قولتلها اسفه اجل على الازعاج مع السلامه قالت مع السلامه ببرود
وقفلت ارسلت لها مسج انو محتصل عليها مرا ثانيه وانو ليتها قدرت حق العشره

قبلها موقف صارلي هنا فعالم حواء اتعرفت على زوجة سجين لها نفس وضعي
كنا يوميا نتقابل مسن وتحكيني ايش صار معاها لاحظت ماتبغى تعطيني رقمها
قولت عادي براحتها مع انو في بنات من هنا متواصلين كنا جوال
جلسنا كم شهر على دا الحال بعدها زوجها خرج ماشاء الله وسحبت عليا
اكلمها ماترد مع انو المسن مفتوح تقول بيتي والشغل وزوجي
قولت الله يهنيك ولاحظت انا بعدتتت وخلاص انقطعنا
فجاه جا يوم ارسلتلي هنا ع الخاص الحقيني ورحت المسن
اتفاجئ انو زوجها رجع انسجن ثاني

ناس مايعرفون ناس الا وقت المصلحه
صديقات مصلحه وش ذنب القلوب اللي تتعلق فاخوات لها قضت معاهم الحلوة واللمره
ليش وقت حاجتهم يجون جري ووقت مانحتاجهم وخلصت حاجتهم يروحون
خسارة العشره والايام خساااره
ناس كثير تغيرت قريبه ليا اختي اللي ماولدتها امي
اتزوجت من هنا واتغيرت صارت الناس تخاف من العين وتبعد
والله اتمنالهم كل خير

لاتقولوا حساسه لكن دا واقع انا لمستو مع ان في ناس تغيرت الا في ناس
ربي يسعدهم اوفياء


حبيت افضفض ...قولو مواقفكم