ليه كذا أخوات الزوج؟!!!

أنا ولله الحمد والشكر متزوجه من اكثر من 13 سنه وعلاقتي بأهل زوجي ما شاء الله لا قوة الا بالله ممتاااازه، أم زوجي حرمه مصليه ومسميه وتخاف ربها في كل تصرفاتها وعمري على عشرتي الطويله معها ما اشتكيت منها الله يطول في عمرها ، واخوات زوجي عددهن 11 أخت ما شاء الله وكلهن عسسسل وطيبات ما عدا وحده منهم الله يصلحها ويهديها اكبر مني بسنتين واصغر من زوجي بسنه ، احيانا تدق بالحكي علي مع اني وبشهادة الجميع طيبه معهم 
يعني آخر موقف ان وحده من اخواته تقول لي خبري أخوي( اللي هو زوجي) بكذا وكذا ، قامت اخته هذي وقالت لأختها وليه تخليها مرسال بينك وبين أخوك نحن ما نحتاج واسطه بيننا وبين اخونا اتصلي فيه بنفسك وخبريه باللي تبين
انا سكت وما تكلمت
وبعدها مشيت الموضوع عااادي
ودااائما تحسسني بأن هذا اخونا ونحن اقرب له وهكذا
مع اني عمري ما تدخلت في علاقة زوجي بأهله
وفي مره من المرات قالت كلام بهذا المعنى وردت عليها وحده من اخواتها : لا زوجته اقرب له هي ام عياله واولى فيه