بداية...
أدارة مدرسة (..... ) بالخبر.
من أنسانة تشهد لكم بالأحترام..وسعيكم الجاد للنهوض بأبنائنا..كتبت هالموضوع..لعشمي فيكم..
ربما أجمع المزيد من وجهات نظر الأخوة والأخوات...عل وعسى ترجع مدرسة (....... ).. الى سابق نهجها..
اللذي كان بحق مفخرة...(وكنت شغالة لهم دعايات بين كل من اواجه... )
مدرسة محترمة جدا وراقية بالخبر..
مخصصة فقط للفتيات..ومن ضمنها...رباض للأطفال ..بجد قمة في كل شي..
نهج اسلامي بحت..بعيد كل البعد عن التأمرك ...اللي انتشر بين المدارس انتشار النار في الهشيم..!!
أدخلت ابني الكبير فيها قبل حوالي اربع سنوات اولا روضة ثم تمهيدي..وهالسنة سجلت فيها ابني الثاني..عمياني زي مايقولون..( بل اني فضلتها على الخيار اللذي كان زوجي يود تجربته وهو مدرسة جديدة تركز على القاعدة النورانية في حفظ القرآن الكريم كمنهج..لكن يعيبها حداثتها فخشيت عدم تمكن المعلمات فيها من السيطرة على الفصول..)
سالخص الموضوع على شكل نقاط ولكم الحكم :
1- كان منهجهم..عاديا..يعني عربي كل الأيام..مع دراسة الأنجليزي ساعة تقريبا كل يوم..
2-فصولهم ..كانت اسماءها على أسماء الصحابة والصحابيات رضوان الله عليهم..
3- لا يوجد رسومات لذوات الأرواح في كامل المدرسة ولا حتى بكتب المناهج العربية..
4-لا توجد موسيقى او غيرها من المنكرات اللتي تمتلئ بها كثير من المدارس..
الآ، اليكم الوضع هذه السنة:
1-فجأة غيروا نظامهم...وصار نظام الدراسة يوم عربي يوم انجليزي ..ويوم الأنجليزي مافيه قرآن.. (بس حلقة الأذكار الصباحية اول مايجون.. !! )
2-قرروا هالنظام..ومافكروا يعطون الناس خبر عن تغيير نهجهم خصوصا الكثير من الناس اللي مختارينها من بين كثير من المدارس لمنهجها..(منهم نحن على الرغم اني من سكان الظهران يعني مشوار الصبح ..)
3-الفصول تغيرت اسمائها من اسماء الصحابة..الى اسماء مالها اي قيمة مثل الكرز او الألوان ..( ولدي الكبير كان بفصل خالد بن الوليد..وكان كل يوم يخلونه يردد انشودة:
خالد بن الوليد **** سيف الله المسلول
هاللحين فصله صار .. (((الكرز)))... كانت معلمتهم تنمي فيهم قيم الشجاعة وتحبيب شخصية خالد بن الوليد رضي الله عنه فيهم...هاللحين..وش بتحبب فيهم..الكرز..؟؟ )
4-المدرسة صارت ماشاء الله مليانة بالرسومات والصور لذوات الرواح من غير اي طمس للوجوه...بينما السابق..صور اولاد وبنات لكن الوجوه مطموسة...بالله شلون الملائكة راح تدخل فصول عيالنا..وهي كانت من اوائل المدارس بالمنطقة اللي اتبعت نهج طمس ذوات الارواح...هاللحين...لاعزاء..!!!
اعتراضاتي انا وكثير من الأمهات...
أن مدرستهم انشهرت بمنهجها ليش..تقلد باقي المدارس وتصير زي الغراب اللي قلد مشية الحمامة..
الانجليزي ....مهم ...لكن...ذبذبة الطفل وتشتيته بيوم عربي ويوم انجليزي مش من مصلحة الطفل..وان كان ولابد ..لا يشيلون القرآن من يوم الانجليزي...!!
ووالله ..ماجبنا خبره ..هذانا نرطن فيه من يومنا صغار بس عزتنا بدينا وقرآنا..هي اللي تونا نبدا نتعلمها..
أتمنى ماينفهم من كلامي اني معارضة لتعليم النجليزي..بالعكس..أنا كثير حريصة عليه بس بدرجة ثانية..يعني الولوية بالنسبة لي ولكثير من الأمهات..هي الجانب الديني وعلى راسه القرآن..ثم اللغة العربية والشخصية الاسلامية ..ثم النواحي العلمية وحب الأستكشاف وتنمية الذكاء والانجليزي ..والطفل قادر على استيعاب كل هذا..ليش التهميش لباقي النواحي ..لو نبغى انجليزي مكثف..ياكثر المدارس عندنا اللي مافيه عندهم حتى كلام بالعربي والتخاطب كله انجليزي ..!!
وهالمدرسة كانت متميزة بنمطها..قهر انها صارت مع الخيل ياشقرا..
والقهر ان ماتغيرت ادارتها ولا اصحابها..معناه ان فكرهم هو اللي تغير..!
سكت بعد ماابديت ملاحظاتي واعترضت وعقبها انشغلت..وقلنا خلاص..يدرس هالترم بعدين نغيرها..(مع اني اكره تغير مدرسة الطفل عقب مايتعود عليها..)
الطامة الكبرى..
من فترة وانا الاحظ ان ولدي يكره يوم الانجليزي ويصيح الصبح مايبغا يروح..عقب سألته ليش..
قاللي ماما..فيه صور خنزير عندنا بالفصل..أنا توقعت ان صورة وحدة ولا شي ماهي عمدا ولا يدرون عنها..وتغاضيت..
بس ..
يوم الأثنين اللي فات..رحت لموعد لأمهات الأطفال ..ولما جا دوري ..قلت هالشي للمعلمة ..
قالت لي ايه صحيح..
وورتني صورة خنزير ببطاقة كبيرة...كمثال على حرف p ..قلت ليش طيب مافي غيره امثلة يعني..
قالت هذا منهج شارينه ..ومانقدر نغيره..وحنا وضحنا للأطفال ان هذا مخلوق من مخلوقات الله وحنا مانحبه ونكرهه وماناكله..
طيب ونفسية الأطفال..
ليش تجبرونهم على التواجد مع رمز يكرهونه ..وبرائتهم ماتسمح لهم انهم يتعايشون معه طوال يوم كامل..!!
طبعا ماعلقت..
السالفة مش كذا وبس ..
رحت وفتحت كتاب الواجب تبع هالمنهجوانا ماكنت انتبهت له من قبل لأن ماتصفحته كله.. لقيته
فعلا مليان بهالصورة وصور غيرها للخنازير..!!
شوفوا الصور :
هذا هو المنهج ..(مدري مالقوا واحد غيره يعني عشان يغثون الطلاب بالفصل والبيت بعد..) :
وهذي صفحة تتكرر بين كل وحدة والثانية:
وهذي صفحة حرف البي طبعا الاساس عند الأجانب هو( البيج) :
وهذا تمرين لتنمية المهارات ومالقوا احسن من الخنازير اللي تلعب على البحر :
وهذي هي الصفحة الأخيرة :
