كيفكم يابنات عالمي المفضل ....ان شاء الله تكونون بخير جميعا ..ويعلم الله انني احب الخير لكم وأدعو لكم ولهذا المنتدى اللي ماعرفت منه الا خير واتمنى يظل بهالشكل على طول
انا عندي ملاحظه وبغيت منكم تتقبلونها بصدر رحب لأني ماقلتها الا من محبتي لكم
انا ملاحظه ان القسم هذا صار فعلا اسم على مسمى لكن ياليت يرجع لسابق عهده نطرح فيه مشاكلنا ونلاقي حلول وكل وحده تشتكي همها لخواتها هنا وتلاقي مين يدلها وينصحها ويرشدها
كنا يد وحده (المؤمن للمؤمن كالبنيان يشد بعضه بعضا) وهذا أكثر شي حببني بالمنتدى وخلاني أحب كل عضوه فيه
لكن اللي انا أشوفه من فتره فتنه وأعوذ بالله من شر الفتنه فهي أشد من القتل
من فتره كل مادخلت هالقسم الاقي مواضيع كلها سب وشتم واختلاف في وجهات النظر بشكل غريب وعدم تقبل العضوات لبعضهم البعض
مواضيع تسبب الفتنه والشحناء بين العضوات ..مواضيع بدع ...مواضيع تحذف لكثرة النزاع فيها والشد والجذب
ليش ليش وصلنا لهالحال
بدل مانحتوي بعضنا...بدل مانساند بعض...بدل النصيحه والدعاء والمشاركه صرنا عداوات وأحزاب وطوائف وفلانه تكتب وفلانه ترد عليها وفلانه تزيد بهارات من عندها
اتقوا الله يابنات عالم حواء ..عودوا لسابق عهدكم ..انبذوا الخلافات والشحناء
انتم ماتدرون انكم تفرحون الشيطان بأعمالكم .....بغض وحسد وكره ومواضيع تثير المشاكل أكثر من انها تحلها
يعلم الله انني ماقلت هالكلام الاعن محبه ..وربي يشهد..
الله يجمع بينكم ...ويهديكم ...ويصلح أحوالكم...وأرجو من كل عضوه انها تحكم عقلها قبل أي رد والموضوع اللي تحسونه راح يثير الفتنه بلاش تردون عليه تجنبوه
تقبلوا كلامي بصدر رحب ...والله يجمعنا في جنات الخلد ..أمين