ليه مانبني بيوت من طين

بسم الله الرحمن الرحيم
السلام عليكم و رحمة الله

بنات أنا دائم أفكر في البيوت و هالناس اللي أكثرهم مستاجرين
و أقول ليه مايبنون بيوت من خشب خصوصاً أن بيوت الخشب تكون بربع ثمن البيوت السمنتيه لكن المشكله أو أقل من الربع حتى الأراضي غاليه الله يعين بس في بعض المناطق و بعض الأحياء السعر الرخيص
و اليوم قريت موضوع يقولون أن بيوت الخشب ماتصلح في دول الخليج وأن دول الخليج مافيها أشجار نأخذ منها خشب وجلست أفكر في بيوت الطين وذكرت علي بيوت أشوفها بحائل لها أكثر من 100 سنه وباقيه على حيلها ما نهدت بعضها طابقين وفيه قصر حكومي بحائل نسيت أسمه باقي على حيله ومنظره جميل وقصر المصمك بعد من طين .
صراحه مادام البيوت هذه جالسه من 100 سنه ليه مانبني بيوت من طين ونصبغها ونضبطها ونخلي منظرها أحسن من السمنتيه

جبت لكم صور من النت عن بيوت الطين



بيت طين حديث



بيت طين محاط بالاشجار





قصر المصمك



وهذا بنجران



هذا بيت طين بنفط عاد مادري وش النفط بس أتوقع انه جريد النخل
يقولون أن النفط يطيل في عمر البيوت الطينيه


أدري أن الكثير بيضحك علي لكن ليه نغز خشومنا وحنا مانقدر نبني بيوت عاديه وسعر البيوت العاديه بنصف مليون و ربع مليون ومليون خلاص نبني بيوت من طين أرخص لنا خصوصاً أنها في الصيف بارده و الشتاء دافئه ونقدر نصبغها ونزينها ونطلعها في مناظر عصريه في البدايه الناس بيضحكون على اللي باني من طين وبعدين يروحون يسوون زيه