ياليت يابنات

يعني البيرمت؟

:3_3_103:يا اخواتي مايريد الموضوع كل هذا التعب اولا الامتحان مش صعب وفرصتك اتقدميه اكثر من مره واول شي لازم تعمليه _ انك تحفظي الاشارات وهادي عالميه في كل البلاد موجوده _ وبعد الاشارات تحفظي سرعة الهاي واي (الطريق السريع في ولايتك) كم سرعته لانه يختلف من ولايه لاخرى_ وبعدين تحفظي كم نسبة الكحول المسموح فيها وهي نسبه قليله جدا ولازم يجيكي سؤال عنها _ هادي بعض الاسئله وتلاقي اجاباتها في الكتاب . وطريقة الامتحان انك تروحي لقاعة الامتحان وتجلسي على مكتب صغير عليه كمبيوتر وتلاقي سماعه حطيها على راسك لانه حيبدا يقرا لك الاسئله وطبعا قراءته احسن من القراءه الي لنا واسرع وكل سؤال بتخطاي فيه برجع لك في الاخير فلازم تتذكري ايش اخطاتي في المره الاولى . وكمان حتلاقي بعض الاسئله سخيفه مثل العلامه الموجوده قبل الجسر والعلامه الموجوده عند ممر المشاة وفين بيسجنو المراهقين تحت سن ال18 اذا كانو شرابين كحول طبعا بالاصلاحيه .. هذي بعض النقاط الي تذكرتها والمره الجايه احاول اكتب اسئله اخرى وبالتوفيق للجميع

مرحبا بالحبيبات
شكراً لتفاعلكم
أخت kinan_201025
الله يجزاك كل خير على إستعدادك للمساعده

أخت نور وميس
مشكوره على التوضيح والتعاون
وجزاك الله خير.

مسموح تدخلي دكشنري في الاختبار بس طبعا كتاب مو جهاز واالباقي تحفظي الاشارات ونفس كلام الاخت نور وميس مره الموضوع سهل وانا نجحت من اول مره ,وفي شي مهم السوال الي ماتعرفي تجاوبي عليه لاتجاوبيه غلط سوي سكيب وراح ينتقل للسوال الي بعده لانه الاجوبه الغلط محدده عشان كذا الافضل ماتعلطي في البدايه عشان لايقفل الاختبار عليك وبعدين يرجعو لك الاسئله الي ماجوبتي عليها واحيانا اذا عديتي نسبة النجاج خلاص يطلع لك في الجهاز انك عديتي بدون ماترجعي تجاوبي على الي ماتعرفيه .

سوري ما اعرف اشرح بس ان شاء الله يكون كلامي واضح وتوكلو على الله لا الموضوع مره سهل .