ليه ما يصير شي للناس اللي ادعي عليهم

السلام عليكم

انا مطلقة لكن طليقي ما يريد يعطيني ورقتي و كذب على القاضي و قال ما طلقت و حاضرني من كل مكان

صارلي معلقة سنتين و عندي عيال

و دايم ادعي ربي ينصرني على طليقي و اهله لكن ما يصير لهم شي

هو ما يريد يعطيني ورقتي عشان ما احصل ضمان و حتى قال لاهلي هي طمعانه بالضمان

انا اهلي عندهم ظروف صعبه صحية و مالية و اجتماعية و ما عندنا حد يشتغل في البيت يستلمون من الضمان و حتى مرات يوقف الضمان بسبب اوراق و غيره

و انا عندي عيال و مرات اوصل لمرحله ما عندي فلوس اشتري حفايض لعيالي و ما عندي فلوس اشتري جبن او حليب كنت مرات اخبزلهم من الطحين و اعطيهم اياه بدون شي لان ما عندي فلوس اشتري

و انا ما حصلت وظيفة و اصلا اهلي متشددين ممنوع الوظايف المختلطة

و عيالي عندهم مواعيد في المستشفى و مرات كثير ما اقدر اوديهم لان ما عندي فلوس ادفعها لشركات توصيل طبعا ممنوع اروح مع شركات التوصيل الا و اخواني معي و اشياء كثير ممنوعه

و كلمنا ناس كثير يكلمون طليقي قال انا ما اريد اطلقها عشان اريدها تعطيني عيالي طيب كيف بتاخذ العيال و الحضانة عند الام ؟
و هو اصلا انسان مو زين و مدمن و مرات افكر اعطيه العيال لكن اهلي مو راضين و ما بيخلوني
و هو يستلم ضمان و حساب مواطن باسمي و اسم عيالي و اخوه قال لابوي ان هذا السبب ما يبي يعطيني ورقتي ان يستلم اكثر من 3000 من الضمان كل شهر


و في كل اوقات الاستجابة ادعي عليه هو و اهله و ما في فايدة و هم ما كانوا زينين معي و يقذفوني و تحملت مصايب و في الاخير حتى بعد ما تطلقت مو راضين ان ولدهم يعطيني ورقتي

حسبي الله و نعم الوكيل فيهم و الله العظيم مرات افكر انتحر و اقتل نفسي و افتك لان حياتي ما صار منها فايدة لا انا اقدر اصرف على نفسي و على عيالي و لا انا اللي اقدر اعيش حياتي و لا انا اللي اقدر اشتغل اي وظيفة حتى لو مختلطة و لا انا اللي اقدر انتظر ربي يرزقني الزوج الصالح لان حتى ورقة ما عندي و ولدي لازم اوديه مستشفيات عشان يدخل الروضة و مواعيد كثير راحت علي بسبب ان ما عندي فلوس حق التوصيل و هو لا يتكلم و لا يفهم و هذا كلام اخصائية النطق قالت لازم تودينه اخصائي نمو و سلوك و إخصائي مهني تعبت اريد اوفر لعيالي كل شي و ما اقدر اوفرلهم شي