انا عيالي يحبون الحيوانات خصوصا القطط الصغيرة
الى الحين ادور ومالقيت
وياليت اختي تعطينا بالتفصيل الممل المشاكل اللي ممكن تواجهنا وكيف نحلها
انا عن نفسي ابد ماالمسهم اقرف واخاف عيالي عكسي
نفسي اصير زيهم بس ماقدرتش
انا عيالي يحبون الحيوانات خصوصا القطط الصغيرة
الى الحين ادور ومالقيت
وياليت اختي تعطينا بالتفصيل...
شوفي اول شي اذا حتشتري البسة لازم تكوني مستعدة نفسياً انك حتكوني مكلفة بحيوان في البيت او بمعنى اصح طفل !
لانه يمرض لو اهمل ويزعل ويفرح ويحب ويكره
ثاني شيء القطط انواع كثيره
اول شي الوجه ودرجاته فيه بيكي فيس و مون فيس وهاف
البيكي وجهها مفطوم وانفها بين عيونها كانها زرار والهاف تكون نص نص والمون يكون وجهها زي حقت الشارع طبيعي وانفها طويلة مش مفطوسة يارب فهمتي عليا
طبعا لمن تحترفي تربية القطط تربي البيكي لانها تزكم وتجيها امراض تنفسيه من البخور والعطور وكذا وسعرها مرتفع يعني توصل 10000 ريال هذا نادر بس الاسعار الموجودة حالياً تتراوح بين 2000 و 5000
والهاف اسعارها من 500 لـ 1500
والمون من 200 لـ 1000
انتي طبعا تشتري مون تعرفي ليه ؟ سعرها رخيص تتحمل كل الظروف القاسيه هههههههه
نشيطة تحب اللعب واليفه البيكي تجيكي تاكل وتشرب وتلعب شوية وتنام
المهم هي تحتاج اكل وموية نظيفة وشوية حب وحنان وانتي لما تخشي محل القطط حتشوفي لهم حلويات واشياء نقدر نقول عليها كماليات يعني للي حاب واللي مو حاب براحته
يعني انتي حتحتاجي شامبو قطط مشط للقطط صندوق توسخ فيه ويكون لو رمل معطر يكتم الريحة وماتشمي شي
طبعا القطة تمسك حالها يوم كامل لو مافي صندوق ! وهذا دليل على نظافتها
المون هذه تجي نوعها شيرازي منفوشة وحلوة ومثل ماقلت لك
تبغي تجيبي لها اكل من بره او تطبخي لها مثلا صحن دجاج تطبخيه مسلوق مع كاسة رز مع حبة بطاطس وتحطيه بالفريزر يكفيكي اسبوعين تقريباً
او تجيبي لها دراي فوود وتوفري التعب
جيبي القطة عمرها شهرين ونص الى ثلاث شهور ونص هنا تكون قد فطمت من امها وتجي انتي تاخديها تكونو بمثابة الام لها وبكدا خلااص ماتمخش ولا شيء لكن لو جت كبيرة بعضهم يصيرو عدوانيين لانك اخدتيهم من عائلتهم فكل ماقربتي منها تبخ عليكي
تشوفيها تلعب ومبسوطة بس تكرهك كذا ماتبغاك تشيليها او شيء عكس اللي تتربى على يدك
وبالاخير هذا فيديو يوضح لك البيكي والمون انا عندي بيكي الله يحفظها ليا
هذه مون
http://www.youtube.com/watch?v=HRg45Lhksos&feature=fvwrel
هذه البيكي
http://www.youtube.com/watch?v=eI79or48Z3c&feature=related
بالنسبة للون البيكي هذه نوعها هيمالايا وهي تكون بيضا او سكري والاطراف ملونة اورنج او شوكليت او بلو
والهيمالايا مو مقتصر عالبيكي يعني تحصلي هيمالايا مون واعرف بنت عارضة قطة هيمالايا عمرها كم شهر للبيع بـ 1000 في منتدى قطط
ولو انتي مو من جدة وعزمتي عالقطة راسليني وقولي لي السعر اللي يناسبك ومدينتك وانا راح ابحث لك من عيوني
لانو محد يحس بالمتعة غير اللي مربيها وابغى الكل يحس باللي نحس فيه
اي سؤال اطرحيه
خيتو عسكريمة