ليه ياامهات الازواج كذا ؟ليه ماتبون الخير لعيالكم(انا زوجي وحيد امه وتعبت)

السلام عليكم

احكي لكم معاناتي

واقولكم اني تعبت نفسيا

حتى ذبحني الوسواس😥


اولاً انا ساكنه مع اهل زوجي وزوجي وحيدهم

وعندهم بنات ووحده ساكنه معهم

المهم

انا ابداً مو ماخذه راحتي معهم

ولا احس بحياة زوجيه خاصه مثل كل الناس

اذا جينا نطلع لازم يروح لامه تراي بروح للمكان الفلاني تبين شي

طيب هذي مومشكله وامه ومعه حق ماقلنا شي

بس ليه يقولها وين نروح<<حتى هذي ماتهمني كثير لكن تضايقني

والشي الثاني اذا سافرنا واخذناها معنا تجلس متضايقه وتتضايق اذا كلمني والا شاورني

وبعدها حرمت اسافر اذا هي معنا

واشوفها تستانس اذا كانت لحالها

والمشكله زوجها فيه وبشبابه لكن ماتروح ولا تسافر معه

متمسكه بزوجي وتتضايق اذا سافرنا لحالنا تقعد بس تبكي واذا شافها تبكي وسافرنا يجلس يفكر فيها وكل شوي يتصل عليها😥 والله كرهت السفر معه

والمشكله قبل الزواج ماكانو كذا(نعرفهم قبل الزواج هو ولد خالتي)

المهم ماكانو كذا

كان يروح ويجي ويسافر ماكانت تنشب له

كان يطلع ولا يدق عليها

عشان كذا وافقت عليه

بالبدايه خفت لانه وحيد امه
بس لاني اعرفهم زين حسيت انهم غير ووافقت

واللحين هم سافرو مكه وانا ماطعت اروح

راحت هي وياه اول

وزوجها عنده شغل

وراح بعدهم من بكرا

واللحين رجعت مع زوجي وزوجها جلس يوم زياده

استغرب ليه ماجلست معه؟!

ليه ماقالت اخلي ولدي يروح اكيد مشتاق لزوجته

اللحين جت معه وزوجي مايقدر يخليها لحالها لان البيت مافيه احد

البنات مسافرين مع ازواجهم ماشاءالله عليهم



وغير كذا ماتبيني امزح مع ولدها ابد

تقعد تقولي ليه حرام عليك وليدي ليه كذا

وكرهت حتى الجلسه معهم


واذا سافرنا لديرتنا عيد والا زواج

ورجعنا قبلهم تجي معنا وتخلي زوجها !!
ليه طيب اجلسي معه متى مارجع !!

وتبي زوجي يتغزل فيها😥

انتي لك الحنان والبر مو الغزل
انتي ام افهمي انتي ام😥


والله يابنات صارت عندي حاله نفسيه ووسوسه
كل ماطلعنا ابدأ اوسوس اكيد بحصلها بالسياره جايه معنا

او اذا طلعنا هي مو معنا اوسوس وتجيني كلمات وتنعب نفسياً
(انتي ماتبين احد انتي ربي بيعاقبك بولدك)


تعبببببت والله تعبت

واللحين ماودي اشوفه ولاحتى اتصلت عليه

احس ودي اطلع من حياتهم

ماودي يكون شي بينه وبين امه وانا السبب

اعلن انسحابي وارتاح





واخيراً

ياامهات الازواج خافو الله فينا

واحمدي ربك

دام ولدك ساكن معك وكل يوم تشوفينه ومرتاح ومستانس ولا يقصر معك وبار فيك


ليه لازم تخربين حياته الزوجيه

ليه ماتفرحين اذا شفتيه مرتاح مع زوجته

والله استغرب من بعض الامهات الله يهديهم

عساني مااكون من هالنوع يااااااربي ياكريم