السلام عليكم وحمة الله وبركاته
لاحول ولاقوة الابالله والله يابنات حنا بحاله مايعلم بها الاالله
ابي اقولكم القصه من البدايه ..انا من زمان شاكه ان ابوي متزوج بس كل مره أطمن نفسي واقول لامستحيل ابوي يسويها من ورى امي ...المهم يوم الجمعة كنا عالعشا نتعشى الافجاءه يتصل جوال ابوي وعلى طول حطه عالصامت لو تشوفون وجه راح الوان كلنا لاحظنا هذا الشيء المهم عا لطول قام وراح لغرفة اخوي ويكلم بصوت واطي وامي دخلت عليهى وبسرعه سكر الجوال سألته امي مين؟ قال هذا المكيناكي ..وراح نام الا امي تناديني وتقول بسرعه سجلي الرقم الي اتصل على ابوك.. وسجلته ومن بكره اعطينا اخوي الرقم وراح اشترى شريحه وكلمها بعد المغرب وردت عليه حرمه قالها كيف حالكم وشلونكم وهي تجاوب عليه وقالها هذا جوال خالتى ام ناصر قالت لا قال انا متأكد انو رقمها قالت لا انت غلطان وسكر ودق مررره ثانيه الاالجوال مقفول شكلها شكت ..
وعالساعه 9جا ابوي وحط جواله بالصاله وراح عند التلفزيون واخذت جواله والا اشوف الحيوانه راساله رساتين بس ابوي ماسحهن واتصالات منه ومنها المهم دخل بينام انا قلت لامي لاتروحين له خليه لين نكشف الموضوع الا امي بسرعه لحقته وسكرت باب الغرفه وقالت له
انا تجيني احلام وكوابيس ان في احد راح يخرب حياتنا وانا مررره خايفه لايكون انت متزوج قام يحلف ويقسم انه مومتزوج قالت امي انا ذقت العذاب من أهلك وصابره(اقسم بالله لو اقولكم قصة امي مع عمتها وبناتها ماتصدقون قصص يشيب لها الراس) وصارت بينهم نقاشات بس موراضي يعترف ترى امي ماقالت له على مكالمة اخوي ..
وعالساعه 11ونص دق اخوي عليها يقول ردت وكان عندها طفل يصيح وسالها مرره ثانيه انا متأكد انو رقم خالتي
وهي قالت له انت غلطان وبسرعه تسكر الخط وتقفل الجوال ..
انا بقولكم بعض من صفات ابوي (كريم وطيوب ويصلي بس الحين صار يترك بعض الفروض الله يهديه وبعد تررررى شخصيته مرررررررررررره ضعيفة ادنى شخص يقدر يضحك عليه )
وامي الله يصبرها مررره حزينه ومقهوره تقول انا ماقصرت معاه ليش يسوي فيني كذا
قولولي وش نسوي تفكيرنا مشلول ان سكتنا تحسبنا اغبياء وهو وهي يضحكون علينا وان تكلمنا الناس كلهم
بيدرون بالموضوع وتصير فضيحتا ياكبرها وياشماتت الناس فينا ..
الي عندها الحل ياليت تقولنا اكيف نتصرف بهالمصيبه..هل نواجه ابوي والا نرسلها رسايل نهددها ؟
الله يسعدكم ردووووو ااااااااااااااااااه يابوي طحت من عيني والله اني احبك واعزهك ليش تسوي فينا كذا.
أعذورني يابنات كلامي ملخبط من القهر اللي فيني وسامحوني اذا ماقدرت ارد عليكم لان مشاركاتي 3
ولكم مني جزيل الشكر .
هلاليه وتحب كت كات @hlalyh_othb_kt_kat
عضوة نشيطة
هذا الموضوع مغلق.
هلاليه وتحب كت كات
•
للرفع
السالكين
•
عاد تبين الصدق ايهم احسن انه يصير متزوج بالحلال وعلى سنة الله ورسوله اوانه يخون ويعاكس حريم وله علاقات سيئه بالحرام بس اهم شي تنقدونه على الصلاة وتخلونه يحافظ عليها لان الصلاة هي اساس الدين كله اذا صلحت صلح الحال واذا فسدت وتسيهل بها فالله يخلف فلا ترجين خير كانه متزوج قولي لامك توسع صدرها ولاتشيل همه وتشغل نفسه بطاعة ربه واجتماعته مع اهلها وابنائها يوم لها ويوم لضرتها تروح عن نفسه العناء والمشقه
الصفحة الأخيرة