السلام عليكم جميعا والشهر مبارك على الجميع وصيام متقبل ان شاء الله
ابدخل بسالفتي على طول والله فيني تكه وضيقه الله يفرجها من عنده ,,,
ابي رايكم هو انا غلطت بشي ولا لا وكيف اتصرف بعد اللي صار ...؟
حنا زي كل رمضان نفطر عند اهل زوجي وزي كل مره ندخل عليهم ومايبقى على الاذان الا خمس ولا عشر دقايق نادر نادر نروح بدري المهم اتصل على زوجي العصر والله ماذكر الساعه بالضبط بس اتوقع
خمس وربع او خمس ونص >>الخطأمني انا ماادري كم بالضبط
وقالي اجهزي قلت له تونا قال يالله يمدي يبي لي نص ساعه واطلع من هالزحمه قلت طيب خلاص
قمت يوم جت الساعه ست الا عشر ولبست البزران وخلصت وجهزت الشنطه ودخلت دورة المياه اتوضئ يوم طلعت الا زوجي توه يجي الساعه بالضبط كانت ست وربع قلت جيت قال ماخلصتي ويقولها بنفخه شوي قلت يلا بس البس قال يلااااا اخلصي بنفخه بعد سكت ورحت اركض البس
جئ وقال مافيه غير هالبس يقصد ولده قلت ليه وش فيه قال كنها وسخه ولا رايح لونها >>اللبسه والله موكثير يلبسها ومرره حلوه
قلت مو وسخه مغسلتها قال ماقلت وسخه انا طارت عيوني قلت والله قلت وسخه قال انا اقول رايح لونها
المهم جيت ابحط مكياج وبعدين ابدل اللبس للولد قلت انت وش فيك معصب قال قايل لك تجهزين وانت ماجهزتي قلت حتى لو جهزت بنروح الحين انا على اساس زي كل سنه ليه هالمره بنروح بدري
قال ماابي اروح وهو ياذن قلت اصلا تونا على الاذان وبيت اهله ماياخذ خمس دقايق مشوار
قال انا قلت اول مااجي بنروح وهو والله والله ماقالها ولا نطقها قلت والله ماقلت لي كذا اللي قلته يالله يمدي يبي لي نص ساعه واجي ويقول كلامه وهو يهاوش ويصارخ قلت خلاص مو لازم احط مكياج احط هناك >>مكياجي مرره خفييف ماراح ياخذ وقت بس قلت بلاش احطه هناك
واروح البس جزمتي وقام يقول يلا حطي مكياج قلت خلاص مو لازم الحين احطه هناك قال يلاااااا حطي قلت خلاص احط هناك >>تخيلوا معي الوضع كله مكهرب صراخ ومعصب ومكشر كيف يبي احط
قام قال خلاااااااااااص لاتروحين واخذ عياله وراح ولا كن فيه وحده بتروح معهم
انا خلاص انهرت قعدت ابكي لين قلت بس
والله ماتاأخرت عليه وتونا كان باقي على اذان المغرب نص ساعه
لاحظو معي بيتي وثلاجتي تصفر مافيه ولا شي يصلح فطور لاني بعد فتره ان شاء الله ابنزل عند اهلي وماقضيت لرمضان شي
وهو عارف هالشي
قمت انا واكلت 3 تمرات وشربت مويه وصليت وسكرت علي المجلس وجلست فيه جئ هو وبزرانه ويلعبون ويتفرجون على التلفزيون ومدري وش رايح يسوي له بالمطبخ وياكلون
ولا حتى فكر يطل يشوف وش صار علي انا تعبانه ودخلت الشهر العاشر ماولدت الله يسهل على وعلى الجميع
وانا وقاعده في مكاني ولا طلعت
وجلس لين الساعه عشر وتروش وجئ فتح الباب وينادي قال قومي عند البزران ا نتبهي لهم قلت طيب
اللي ابيه منك وش رايكم انا غلطت بشي وكيف اتصرف معه اذا جئ وبكره اروح معه ولا ارفض
لاني حسيت نفسي مهزله جاهزه ومابقى الا البس عباتي ويروح ويخليني ماني شي ضروري ويعنيه ويهتم له
ممكن في اي وقت انه يستغني عنه ولا يلقيه بال
زوجي من النوع اللي لو اتصرف تصرف حازم معه ممكن يخاف ويهاب من ردة فعلي
بس قولو لي وش اسوي تكفووون قبل مايجي
ابي ارد كرامتي ويعرف قيمتي ويقدر من انا ووش اكون بالنسبه له ....؟
الله يجزاكم كل خير ويفرج عنكم همومكم
انتظركم :(
رغم العناء @rghm_alaanaaa
عضوة نشيطة
يلزم عليك تسجيل الدخول أولًا لكتابة تعليق.
ام رموسة 77
•
الله يسخره لك حبيتي
مدري انتي ادرا بزوجك
امممممممم
جربي تزعلين اليوم و ما تكلمينه و سويله اللي يبي بس بدون ما تكلمينه
امممممممم
جربي تزعلين اليوم و ما تكلمينه و سويله اللي يبي بس بدون ما تكلمينه
$جووودي$
•
معليه حبيبتي الرجال اذا جاعوا سارووا وحوش يبون كل شي حالآلآلآ لاتهتمين روقي وهدي بالك وبكرا خليك جاهزه من بدددددددري واسأليه تبيني اروح معك اليوم والا لا؟؟ واكيد راح يحس بغلطته.....روقي ياقلبي مو عشانه عشان البيبي اللي جاي ان شاء الله
سممر
•
انتي الله يسهل ولادك وتقومين بالسلامه لاتقومينها وتقعدينها والله يفشلني زوجي ببيتي عادي احمدي ربك انه مافشلك عند اهله وقال هي اللي اخرتني وحط الملامه كلها عليك امكن خيره انك مارحتي وعوضي الروحه لاهل زوجك بكره واذا جاء زوجك نصيحه لاتفتحين للشيطان باب قومي تزيني وصلي وفرفشي ولو مافيك ضحكه اضحكي وسعي صدرك الله يهدي سركم ويوفقكم ويخليكم لبعض ويخلي اولادكم لكم واتمني انك تدعين لي في ولادتك ان زوجي مايشوف غيري ولايفكر بغيري ويخليلي اولادي ولا يحرمني منهم ااااااامين
الصفحة الأخيرة