ليه يامي تسوي بنفسك وفينا كذا ...

السلام عليكم ورحمه الله وبركاته
كيفكم يابنات .....انا بصراحه مره متضايقه وجايه اشكي وافضفض لكم لاني ماقدر اصارح احد لا صديقاتي ولا احد غيرهم ... ماحب مشاكلنا تطلع للناس
المهم مابطلول عليكم رغم اني مو عارفه من وين ابدء ... احنا عائله محافظه مكونه من ام واب و4 بنات و3 اولاد البنات 2 متزوجات انا واختي الا اكبر مني والا اصغر مني في سادس والاخيره عمرها سنتين واخواني 2 بالجامعه والاخير في 2 ابتدائي ... المشكله في امي مشاكلها كثيييييييره صوتها عااااالي جدا كل سوالفها خصاااام حتى واحنا في بيوتنا تتصل وتخاصم وبس متوتره وكل حياتها فلووووس لو احد من اخواني طلبها 20 ريال تحرق الدنيا والله ان بابا راتبه 15 الف في يدها
منكده علينا ومنكده على اخواني وبس البيت صياح في صياح انا اجلس بالشهر والشهرين ماروح لهم من المشاكل تتضايق من عيالنا وطول ماحنا عندها وهي عيالكم وعيالكم احنا جايين عندها عشان نغير جو نشوفهم ونتعشى مع بعض ونمشي بس هي مررررره ماتعطينا فرصه رغم ان امي مو كبيره في السن عمرها 42 سنه بس دائما متوتره وموتره الجو معاها بابا اليوم كلمني يقول وحشتوني لي شهرين مارحت لهم قلت له هاربه من المشاكل قال معاك حق وانا معاك لاخر كلمه تقوليها وانا راح ارميها واريح نفسي انا تعبت انا مليت مافي جو اسري مترابط بس مشاكل وصياح مافي عندها رحمه الام مافي عندها حنيه والله اني اتألم لما اشوف بنات يحضنو امهاتهم في حفلات التخرج والزواجات ..............اه بس ايش اسوي دلوني

تصدقون ان امي مالها صديقات كلهم نفرو منها حتى قرايبنا كلهم مقاطعينا زوجات اعمامي بنات اعمامي عماتي حتى خالاتي تصدقون والله العظيم اني ماأبالغ والله العظيم باب البيت في باب بيوت اعمامي ومانعرفهم طبعا فرقت بيننا من زمان من يوم احنا صغاااااار واتوقع حتى انهم يكرهونا من تصرفاتها وبخصوص الهدايا صح اختي ماتهديها دائما بس انا والله دائما اهديها ومن احلى الماركات بس والله ماتبين في عينها

وحتى اخواني العيال مساكين متفرعنه عليهم لدرجه ان اخويه كانت تبغى تخطب له وحده ولما رفض قامت له بالسكين ومره غلط بشئ معها كسرت اللابتوب وهو جديد ماله اسبوعين مشتريه ومره دخل حمامها وهي نايمه قامت كسرت له جواله تقول له مثل ماقهرتني وانا نايمه وصحيتني انا الحين اقهرت واشياء كثيره تقهر والله