ليه يقرفون منها !

السلام عليكم ورحمة الله وبركاته
متضايقه وبكيت الى أن تعبت
هل أنا حساسه ولا حركاتهم تستاهل زعلي وهوشتي
بنتي والله نظيفه وملبستها تمام وريحتها نضيفه دائماً
ووقت مايجتمعون حمواتي ونروح عندهم مايخلون عيايلهم يلعبون مع بنتي !
مشيتها وصرت اخذ معها كم لعبه و احطها بشنطتها واخليها مع الخدامة وقت مانروح لهم واعلمها من البيت لاتروحين تلعبين مع احد لأني اشوفهم قدام عيني يسحبون عيالهم لما يقربون من شهانه !
أنا عمري ماسمعت أن المتلازمين يعدون متلازمة للي يلعب معاهم وبنتي مافيها ولا مرض معدي وشكلها مرتب ولا هيه مقرفه ونظيفه طيب ليه هذي الحركات هذا وهم عماتها !
اليوم كنا مجتمعين و بنتي تتمشى قدامي بين الحريم لو اجلسها غصب جمبي بتجلس تصيح ودامها ما تأذي خليتها وجلست جمب عمتها وحطت يدها بالكيكه الي بصحن عمتها وعمتها سحبت الكيكه من يدها وضربتها بيدها قالت لها الله يقرفك وش هالقرف !
قمت شلتها وقلت لعمتها لو انك اخذتيها بعطفك واكلتيها كان كسبتي فيها اجر حسبي الله ونعم الوكيل هذا وانتي عمتها كذا قلبك عليها كيف عاد البعيد يكفي انكم ماتخلون عيالكم يقربون منها جاتني الصيحة غصب ورحت لجدتها وبكيت بحرقه اش معنة بنتي مايسمحون لعيالهم يلعبون معها ولا يقربون منها عمتي هدت الوضع وكنت بروح البيت بس عشان جدتها جلست للعشى وعمتها اعتذرت وانها مو قصدها مشيت لها وسامحتها من كل قلبي والله ويوم جا العشى حاطين للأطفال سفره لوحدهم وبنتي راحت معاهم وعمتها قامت تقول بشوف ولدي وراحت ورجعت وهم بغرفه ثانيه مو بنفس الغرفه الي احنا فيها و شبعت وقمت اشوفها القيها تاكل في صحن لوحدها ووراهم ! وقلت لهم ليه ماتخلوها تاكل معاكم ولد عمتها الي قامت قال ماما حطتها هنا !
طيب ليه هالحركات كلها ليه والله بنتتي ماتقرف ولا هي فيها مرض معدي وشلتها واغسلها وروحت واقول لأبوها على حركاتهم يقول اسفهيهم يمكن مايقصدون
كل مره مايقصدون!
الى متي !
أنا مابغى تصير بيننا قطيعه
بس حرام الي يسونه الى متى وانا اتحمل 😭
ذولا كيف اتفاهم معاهم ووش الحل برايكم غصه خانقتني 😭بكيت الى ان راسي نشف أنا ماصدقت تروح شوي شوي مع الناس الي تشوفهم دايم ويسون فيها كذا
مايخافون من الله يبلاهم