ليوم الجمعة سمك بالفرن على طريقة منال العالم وبالصور

السلام عليكم
جمعة مباركة علينا وعليكم
طبعا هذه اول مرة انزل طريقة وصفة وابغى تشجيع منكم:27:
وعشان اليوم جمعه عندنا عادة حنا اهل الحجاز لازم يوم الجمعة سمك فحبيت اسوي لكم صينية سمك اخدت طريقتها من منال العالم بنات انصحكم بجد تجربوها بقووووة لزيزة بس لازم اللي تبغى تطبقها ماتنقص ولا مقدار


المقادير:
سمك هامور وسط _ بطاطس مقطع حلقات _بصل حلقات_ حزمة كزبرة_ حزمة شبت_ من 3الى 4ليمونات معصورة_بهارات سمك_ كركم_ ملح_ اي بهارات اضافيه اذا حبيتو تحطو _ زيت

الطريقة:
نقطع شبت صغار والكزبرة معاه ونخلطه مع البهارت والملح والليمون والزيت ونتبل فيه السمك ونحط السمك بالصينية وباقي التتبيلة نخلطها مه البصل والبطاطس ونحطها فوق السمك واضيفي قليل موية تقريبا فنجان قهوة
وغطيها بقصدير ودخليها الفرن وبعد ماتستوي فوكي القصدير وحمريها من فوق
ممكن تاكلوها مع صيادية او رز ابيض او عيش زي ماتحبو
واعذروني على طريقة الوصف ادري انها زي وجهي:35:
http://forum.hawaaworld.com/<img title='' alt='08092010429' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/7024c7fcf08a672b62c4ced0a3382d8a.jpeg'/>http://up.hawaaworld.com/up/sites/up.hawaaworld.com/files/imagecache/approved_watermarked_thumbnail/up1/images/images-16783/154587.jpeg