السلااام عليكم
كيف الحال اخواتي ان شاء الله بخير ؟؟
جايتكم اليوم بموضوع من زما ا ا ا ن ونا ودي اتكلم عنه .. وأتمنى تكملونه للأخير .. لانه تهمني قرائتكم للموضوع ..:heart::heart:
يا اخواتي انا ببساااطة انسانه ماحب احد يسب الملتزمين اكره أي شخص يتكلم عنهم باي شي واكره اللي يعيبونهم بكلمة ( مطاوعة) ^^^<< على سبيل الذم
يا اخواتي بعض الناس ياخذونها سبه واسمع كثير من الناس يقولون : يووه جتنا المطوعه .!!. او مسوية مطوعه !!
يا اخواتي انك تكونين مطوعة هذا شرف عظيم لك .. وشرف عظيم لغيرك ..
ليش الملتزمه تسب عند بعض الناس ؟؟؟
تدرون يا اخواتي ان هالملتزمه اللي يسب البعض فيها هي الفايزة باذن الله ..؟؟
تدرون ليش هي تتعب وتنصحكم وتبتعد عن المحرمات ..؟؟
مو لانها ماتقدر او انها ماتحب هالاشياء.. لاااا انما هو لهدف واحد وهو دخول الجنه ,,
كل انسان في الحياة يقدر يلبس الضيق عند الرجال
ويقدر ينمص شعره ويقدر ويقدر ..
بس الملتزمه هي اللي تعرف ان هذي شهواات والناار حفت بالشهوات .. اما الجنه فحفت بالمكاره .. الجنه يااخواتي يبغالها اجتهاد يبغالها صبر.. صبر بالبعد عن الشهوات وصبر على اداء ماامر الله به ..
يا اخواتي ::
فيه صنف من الناس يحسون انفسهم وااااااو وشي بلبس العباية الضيقة و بلبس الفاضح وسماع الاغاني وغيره ..
واذا مرت من عندهم وحده محافظه على حجابها ومستقيمة ))>>تلاقونهم يتهزون عليها ويحسون انها مسكينه وانها ماجربت اللي هم جربونه من الونااسة .. !!!
يا اخواتي والله والله اني ارحم هالفئه وادعو الله انه يهديهم ..
ودي اقول لهالفئه ماااااتدرون انهم الفايزين في النهاية ؟؟ماتدرووون انهم يقدرون يسوون مثل اللي تسووونه واكثر .. ؟؟
ماتدرون ان الله جعل لهم طريقين مثل ماجعل لكم طريق الخير والجنه وطريق الضلال واتباع الشيطان واختاروا الطريق الصحيح .. طريق الالتزام والهداااية لانهم عرفووو ان في شي اعظم من كل تفاااااهات الدنيا وهو دخول الجنه والحشر مع الانبياء والرسل والصحابة والتابعين ,, ؟؟
والله اني اذا رحت للسوق ارحمهم والله اني ارحمهم واتمنى اروح لهم واهزهم واقول :
اصحو اصحو من هالضلال اللي انتم ماشين فيه ,, صدقوني كلها سنواات بسيطه وانتم ميتين ..!!
هل كل اللي سويتوه من حقارااات ووسخ الدنيا بيحسب لكم او عليكم ..
ايش تقولين لربك اذاسألك عن شبااابك فيم افنيتيه ؟؟ وعمرك في ايش استغليتيه ؟؟
كلنا بنموت العاصية والملتزمة والي منغمسة بالدنيا والمطيعة لربها ... وفي القبر كل واحد مننا بيحاسب على اللي عمله .. من خير او شر .. اللي اعمالها خيرة بعد الموت وتتقي الله وتلتزم بماجاء به الشرع بتكون مرتاحه وكل اللي بتمر فيه بيكون سهل وميسر من قبر وحشر وحساب وجزاء وعند مرورها من النار على الصراط ..
اما العاصية واللي ماخذه الدين لعبة فايش تتوقعون حالها في القبر !! ويوم يحشر الناس !وعند الحساب !وعند اخذها لصحيفتها اللي مكتوب فيها كل صغيرة وكبيرة عملتها في الدنيا ؟وهل بتاخذها بيمينها ام بشمالها ؟وعند مرورها ع الصراط ..؟؟
فانا اوجه نصيحتي لكل اخت .. استغلي كل وقتك وسخري كل جهدك من الحين والى ان ياتي اجلك في طاعة الله .. خلي هدفك في الحياة الجنه الجنه الجنه ولاشيء غيرها .. استمتعي في الحياة لكن بحدود .. وفيما احل الله ولاتقتربي مما حرم سبحانه .. ولاتنسون يااخواتي ان الاصل في الامور الاباحة .. اما اللي حرمها ربنا فنتركها من دووون رجعه . . .
اما اللي تقول مطاوعة ومطاوعة .... (وكأنها ملكة زمانها)... وتدور فيهم أي نقص وأي زلة عشان تتكلم عنهم وتسبهم عند الناس وكان هالملتزمين ملائكة ماعندهم اخطاء ..
فأقول / اتقي الله اتقي الله اتقي الله
ورب كلمة تهوي بصاحبها الى النار سبعين خريفا ..
اكثر شي آلمني صراحة يوم قريت موضوع في عالم حواء عن النظرات وجو بعض الاخوات – الله يهدينا واياهم- وبدو يتكلمون في نظرات الملتزمات لهم في السوق وانهم يناظرولهم باستنكار عشان عبايتهم ..
اسألك بالله يااختي لو كنتي ماشية في طريقك وبعدين شفتي ناس تشرب شيشه مو تستنكرين وتناظرينهم نظرات مو حلوة لاارادي ؟؟ يااختي هذا مثل الملتزمات بالضبط يشوفون منكر قدامهم يشوفون ناس تعصي الله وتخالف كلامه في الامر بالتستر ..
ناس للاسف يقرون قوله تعالى ( ولايبدين زينتهن ) ومع هذا يتزينون ويتمكيجون ويتعطرون في السوق ومثل مانعرف ان اللي تضع عطر ثم تمر من عند الرجال فهي زانية كما جاء في الحديث عن الرسول .. شي طبيعي الملتزمات بيستنكرون هذا الشي لو عن طريق النظرات لا ارادي .
> انتي لو شفتي اخوك يسوي غلط او ذنب عظيم أسألك بالله هل بتبتسمين له وهو يسوي الغلط ولا بتجلسين تناظرينه نظرات استنكار ..؟؟؟؟؟؟؟؟
فاذا كنتي تسبينه الملتزمين وتنتقدينهم لاجل عبايتهم ولاجل القفازات اللي يلبسونها فمرحبا بالتطوع ومرحبا بطاعة الله سبحانه ومرحبا بالاعمال الصالحة التي تساعد لدخول الجنه ..
وفي الاخير اقول يااخواتي مااااااافيه انسان كامل حتى الملتزمين مو كاملين .. وفي النهاية كلنا مسلمين وكلنا نحمل هدف وغاية وحدة في هالحياة وهو اننا نعبد الله ونبتعد عن المعاصي ونحاول قد مانقدر نعمل الطاعات .. قال تعالى ( افحسبتم انما خلقناكم عبثا وانكم الينا لاترجعون ) وقال سبحانه {وَمَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ }الأنعام32 تأملي في هالأيتين وراح تكتشفين اشياء كثيرة وراح تعرفين حقيقة الحياة وليش خلقنا فيها .. وتذكري ان الشيطان وعد انه يضل كل الناس ويزين لهم معاصيهم ..
ختاما الله يجعلنا جميعا من المتقين المحافظين على دينهم والملتزمين بماجاء به الله وما جاء به رسوله
والسلام عليكم ورحمة الله وبركاته ..
اختكم المحبة :::