السلام عليكم..
ما ادري هل هذا المكان الصحيح للموضوع
لنا 2سنتين ندور على بنت الحلال لأخوي ولحد الان ماحصلنا :44:تقولون يمكن شروطه تعجيزيه لالا ابدا اقولكم شروطه..
بيضاء,طولها متوسط, وجسمها متوسط مو نحيفه ولا سمينه,تناسب عادات وتقاليد العايله,متوسطة العمر بين ال20 الى 24 ربة منزل يعني مو تدرس او متوظفه او تشترط الوظيفه(لأن راتبه ماشاء الله يكفي وزياده)
كل ماحصلنا ناس مناسبين نواجه بالرفض لأسباب غير منطقيه..
ليش البنات كذا ليش الاهل مايبون يسترون على بناتهم.؟!ولا ايش:(
الرسول عليه الصلاة والسلام يقول إذا جائكم من ترضون دينه وخلقه فزوجوه..
ايش تبغى الوحده اكثر من :arb:رجال يستر عليها ويكون موظف ويصلي واخلاقه كويسه ومن عايله محترمه ومعروف عنهم حسن الاخلاق..ما اقول كذا لأنه اخوي لا..
بذكر لكم اسباب رفضهم..
عمرها 23 <<<<<ويقولون لسه صغيره البنت نفسها تقول ما ابغى اتزوج الان توني صغيره
عايله ثانيه البنت موافقه لكن الاب يبغى واحد جامعي؟! ايش دخل الشهاده طيب فيه جامعيين وعاطلين عن العمل هو الحمد لله معه شهاده بس مو جامعي وواعي ومنفتح وقادر انه يدير بيت ويتحمل المسؤوليه..( العذر هذا من عايلتين)
العائله الثالثه البنت موافقه والام كذلك عجبناها استدعى الاب اخوي بيتكلم معه على انفراد.. ومن حسن نيه اخوي بيتكلم بصدق وصراحه ماتوقع انه بيكون محل شك..سأله الاب هل سبق وسافرت خارج.. قال اخوي ايوه وعدد المدن اللي سافر لها وهو طبعا بيسافر مع اخواني وقرايبي .. يعني مو اصدقاء علشان الواحد يشك فيه..ومن كم لكم حتى يسافر فرفض الاب يقول شكله راعي سفرات؟!!!!:09: وماكلف على نفسه يسأل عنه
غير اللي يشترطوا الوظيفه واللي عمرها 25 رفظت تبغى تكمل دراستها وياليت تخصصها بيفيدها بوظيفه ولا حاجه؟؟
استغرب ويقولون ليش البيوت مليانه عوانس؟!
وين اللي يطبق حديث الرسول عليه الصلاة والسلام (إذا جائكم من ترضون دينه وخلقه فزوجوه ... الخ الحديث)
غير بعض الامهات اللي ماعندهم اسلوب بالرد على طول هجووووم من وين جبتوا رقمنا ومن دلكم علينا انتم جيران ولا ايش؟ رقمنا مافيه احد ياخذه؟!
فيه ناس اسلوبهم عسل حتى لو ماعنده بنات للزواج او ماتناسب يقولون الله يوفقه ويسخر له بنت الحلال اللي تناسبه
تعبنا ويأسنا حتى اخوي بطل يتزوج.. ويقول باخذ اجنبيه احسن..
بسألكم عن الخطابات كيف طريقتهم؟
كيف بيجيبوا ارقام البنات؟ هل الاهل هم اللي يحرجوا على بناتهم ولا كيف . لأن اخوي مو عاجبته هذي الطريقه ابدا
ويتوقع ان البنات اللي عند الخطابات اكيد فيهم عيب يا اما انها كبيره بالعمر او مطلقه او فيها حاجه لأنه يقول مستحيل فيه اهل بيحرجوا على بنتهم وهي صغيره الى اذا كان فيها حاجه(وهذي فكرة اخواتي برضوه)مانعرف عن الخطابات شي
وهل هم مضمونات؟
خبزة لوز وعسل @khbz_loz_oaasl
عضوة نشيطة
يلزم عليك تسجيل الدخول أولًا لكتابة تعليق.
الله يوفقكم اعرف بناااااااااات مهم الا ماديه ولا شي اهم شي الولد يكون صااااااااااااالح
الصفحة الأخيرة
بس لسه ماجا نصيبه
الله يوفقه ويرزقه بنت الحلال اللي تسعد قلبه
موفقه حبيبتي