السلام عليكم
راح ادخل بالموضوع على طول مع العلم اني متأكده ماراح يعجب الكثيرات هنا
لاحظت تهاون البنات بمسألة تبليغ الهيئه وحده تشتكي ان زوجها يغازل يقولون لها بلغي الهيئه تأدبها اللي تخرب بيوت الناس!!!!!
وحده تدور حل تساعد فيه قريبتها او صديقتها عشان تبعد عن العلاقات المحرمه يقولون لها بلغي الهيئه خل تربيها اللي ماتربت!!!!
وحده تجيها اختها تقول عندنا بنت تطلع وتدخل يقولون لها بلغي الهيئه الساكت عن الحق شيطان اخرس!!!!
بأفهم هالبنات اللي ماخذات التبليغ زي شربة الماء وش يحسون فيه؟؟؟؟؟
وش تستفيدين من فضيحة عايله بأكملها؟؟
ليه تكسرين عين (أب) او تنومين ( أم) بالمستشفى ؟؟؟
ولاتجي وحده تقول لي تبينا نشوف الحرام ونسكت لا وربي لكن..
فيك تنصحين وتحاولين تصلحين وتسترين لكن ماتوصل انك تفضحين ..
قبل ماتقدمين على هالخطوه حطي نفسك مكان هالبنت او مكان امها او اختها
وش راح يكون موقفك ممكن تبلغين على نفسك والا على بنتك والا على اختك ؟؟؟
لا وربي ماتبلغين لان الموضوع لما يتعلق فيك وبأهلك راح يكون لك نظره ثانيه ووقتها بس تعرفين تنصحين وتوجهين وتسترين عشان ماتصيرون سالفة ديرتكم
ولاتجيني وحده الحين تقول انا بنت ناس ومتربيه مااسوي هالسوايا
ترى حتى اللي بلغتي عليها بنت ناس ومتربيه ويمكن اهلها تعبانين فيها اكثر مما تعبوا اهلك فيك
وابن ادم ضعيف ومايدري قلبه كيف يتقلب والدليل دعاء الرسول صلى الله عليه وسلم ( اللهم يامقلب القلوب ثبت قلبي على دينك )
اذا ممكن دينك يتغير فما بالك بخطأ او معصيه الله يثبتنا على دينه
لا تاخذون الموضوع بأنانيه انا واهلي ومن بعدنا الطوفان فكروا بغيركم وموقفهم اش راح يكون؟؟
وأختم كلامي بقصة حدثت لنبي الأمة ومعلمها، ففيها العبرة والعظة، ممن عرف للأعراض قدرها ومقدارها.
فقد جاء هزّال بن يزيد الأسلمي إلى النبي صلى الله عليه وسلم ورفع له شأن (ماعز) قائلاً :
يا رسول الله : رأيت ماعزاً يزني !!
تتوقعون وش قال الرسول عليه الصلاة والسلام ؟
توقعون أمر أصحابه يجمعون الحجاره ويرجمونه ؟؟.
لا ماامرهم برجمه مع ان الرسول عليه الصلاة والسلام كان يعرف ان ماعز محصن
تدرون وش سوى ؟؟
عاتب هزّال بقوله :
والله يا هّزال لو كنت سترته بثوبك كان خيراً مما صنعته به !
هلاّ سترته بثوبك ؟
الان صار (ماعز) مدان قدام الصحابة كلهم !!!
وهنا دعاه سيد الخلق صلى الله عليه وسلم وحاول أن يعطيه مساحة لتبرئة نفسه، فالتمس له العذر وقال :
لعلك قبلّت أو غمزت !!
ويأتي ماعز من الجهة الأخرى ويقول : لا يا نبي الله لقد زنيت فعلاً.
وبعد إثبات الواقعة.
أمر عليه الصلاة والسلام برجمه.
وعندما لامست الحجارة ماعزاً هرب من شدتها !
ليدركه عددُ من الصحابة ، ويقيموا عليه حد الله.
ياترى وش كان تعليقُه عليه الصلاة والسلام لما طاردوه ؟
قال معاتباً : هلاّ تركتموه ؟
لعله يتوب.. فيتوب الله عليه ؟
هذه الرحمة في أسمى معانيها.
وهذا النبل، والشعور بالآخرين في أقصى درجاته.
لنتعلم الستر على العباد..
قال صلى الله عليه وسلم
(ومن ستر مسلماً ستره الله في الدنيا والآخرة)
طيبة قلب @tyb_klb
محررة
يلزم عليك تسجيل الدخول أولًا لكتابة تعليق.
جزاك الله خير وبارك فيك
كلامك درر..سترك الله في الدنيا والآخرة
الواحد لازم يحكم عقله قبل ما يتصرف بهذه الأمور ويوزن الأمور عدل
ومافيه احد معصوم من الخطا ولا يقول أنا مستحييييييل يصير لي هذا الشي.. ربي سبحانه هو مثبت القلوب ويقدر بين طرفة عين وانتباهتها يغير الحال
كلامك درر..سترك الله في الدنيا والآخرة
الواحد لازم يحكم عقله قبل ما يتصرف بهذه الأمور ويوزن الأمور عدل
ومافيه احد معصوم من الخطا ولا يقول أنا مستحييييييل يصير لي هذا الشي.. ربي سبحانه هو مثبت القلوب ويقدر بين طرفة عين وانتباهتها يغير الحال
أم أسما
•
اختي الكريمة جزاك الله خيرا على نيتك الطيبة و حب للمسلمين لكن ليتك ادعمت موضوعك بفتوى لعالم من علماء المسلمين
انا احب الستر و الله و يعلم الله العظيم ما اقصد من كلامي التقليل من اهمية موضوعك بل العكس صحيح وفعلا من تتبع عورات المسلمين تتبع الله عورته
لكنك وضعتي حديث عن رسول الله صلى الله عليه و سلم و لم تضعي تعليق علماء الحديث عليه اصحيح هو ام لا و ما هو مرجعه او رقمه فما يكفي ان نبني موضوعنا على حديث لم يذكر دليل على صحته
اخيرا ارجو ان ترسلي و تستفتي احد المشايخ في مسألة تبليغ الهيئة عن الاوضاع المخلة و شقق الدعارة و العلاقات المحرمة بشكل عام و تفيدينا و بكذا يكون موضوعك افيد و اقنع للجميع و لك جزيل الاجر
انا احب الستر و الله و يعلم الله العظيم ما اقصد من كلامي التقليل من اهمية موضوعك بل العكس صحيح وفعلا من تتبع عورات المسلمين تتبع الله عورته
لكنك وضعتي حديث عن رسول الله صلى الله عليه و سلم و لم تضعي تعليق علماء الحديث عليه اصحيح هو ام لا و ما هو مرجعه او رقمه فما يكفي ان نبني موضوعنا على حديث لم يذكر دليل على صحته
اخيرا ارجو ان ترسلي و تستفتي احد المشايخ في مسألة تبليغ الهيئة عن الاوضاع المخلة و شقق الدعارة و العلاقات المحرمة بشكل عام و تفيدينا و بكذا يكون موضوعك افيد و اقنع للجميع و لك جزيل الاجر
+سديم+
•
كلامكم 100% صح
بس احس انك راده على وحده من الخوات اللي البارح قريت موضوعها لانها بلغت عن وحده من زميلات اختها وادى هاذا لهروب البنت و و و
يمكن موقف هالبنت شوي مختلف ،،، لان زميلة اختها وصل فيها سوء الأخلاق انها تسحب معها بنات ناس وهاذا الشي فيه هتك عرض (انتو فاهمين قصدي) طبعا انا ماقول ولا انصح احد بالهيئه بالعكس انا رديت على هالإخت وقلت لها ليه مابلغتي المدرسه بالأول وهي تتفاهم معها لان موضوعها مره كبير ،،،
مايصح السكوت على مثل هالأمور اللي فيها ان انسانه صار ارتكاب الرذيله امر هين جدا عليها لان ممكن لو تكلمينها او تنصحينها تطيحك في مصيبه خوفاً من انك تبلغين عليها
الموضوع هاذا حساس شوي يعني الوحده قبل ماتبلغ الهيئه باي شي لازم تحاول هي تصلح وبعدين وش تسوي دام انها خايفه على اهلها من أفه مثل هالناس
الهيئه وجدو للنهي عن المنكر اللي احنا مانقدر ننهيه
طبعا ردي بس عن موقف الإخت اللي بلغت عن زميلة اختها
اما بالنسبه للي تبلغ عن زوجها وهالامور اقول انها ماعندها سالفه بصراحه تنفصل عنه وهو بكيفه يسوي اللي يبيه
الستر على مسلم ،،، تختلف من امر لأمر (الغيبه والحش والنميمه) هاذي من الأمور اللي فيها فضايح علشان كذا لازم نبتعد عنها
الستر في امور زي العرض والشرف اظن لا ،،، خاصه اذا قربت هالأمور من اقرب الناس لك لازم تدافعين وبشراسه
الله يستر علينا وعلى بنات المسلمين يارب
والله يبعد عننا اولاد وبنات الحرام اللي للأسف كثرو هاليومين اعوذ بالله (صارت الفاحشه عيني عينك والله وللأسف الشديد)
بس احس انك راده على وحده من الخوات اللي البارح قريت موضوعها لانها بلغت عن وحده من زميلات اختها وادى هاذا لهروب البنت و و و
يمكن موقف هالبنت شوي مختلف ،،، لان زميلة اختها وصل فيها سوء الأخلاق انها تسحب معها بنات ناس وهاذا الشي فيه هتك عرض (انتو فاهمين قصدي) طبعا انا ماقول ولا انصح احد بالهيئه بالعكس انا رديت على هالإخت وقلت لها ليه مابلغتي المدرسه بالأول وهي تتفاهم معها لان موضوعها مره كبير ،،،
مايصح السكوت على مثل هالأمور اللي فيها ان انسانه صار ارتكاب الرذيله امر هين جدا عليها لان ممكن لو تكلمينها او تنصحينها تطيحك في مصيبه خوفاً من انك تبلغين عليها
الموضوع هاذا حساس شوي يعني الوحده قبل ماتبلغ الهيئه باي شي لازم تحاول هي تصلح وبعدين وش تسوي دام انها خايفه على اهلها من أفه مثل هالناس
الهيئه وجدو للنهي عن المنكر اللي احنا مانقدر ننهيه
طبعا ردي بس عن موقف الإخت اللي بلغت عن زميلة اختها
اما بالنسبه للي تبلغ عن زوجها وهالامور اقول انها ماعندها سالفه بصراحه تنفصل عنه وهو بكيفه يسوي اللي يبيه
الستر على مسلم ،،، تختلف من امر لأمر (الغيبه والحش والنميمه) هاذي من الأمور اللي فيها فضايح علشان كذا لازم نبتعد عنها
الستر في امور زي العرض والشرف اظن لا ،،، خاصه اذا قربت هالأمور من اقرب الناس لك لازم تدافعين وبشراسه
الله يستر علينا وعلى بنات المسلمين يارب
والله يبعد عننا اولاد وبنات الحرام اللي للأسف كثرو هاليومين اعوذ بالله (صارت الفاحشه عيني عينك والله وللأسف الشديد)
الصفحة الأخيرة
انا رحمت ام البنت وابوها حييييل .. وتمنيت تردعها بطريقه افضل
ولكن قدر الله وماشاء فعل
ونقيس على قصتها كثير من التهاون بفضح بنات المسلمين "الماشيات بدرب سيئ الله يسترهم "
ويارب تكون عضه وعبره قصتها لجل باقي العضوات مايتهاونون ويستخدمون طرق افضل واقل ضرراً ع البنت واهلها
مشكووره يالغلا
مودتي ..