لييييييييييييه ياحافز اااااه اوجعت قلبي.....

السلام عليكم ورحمة الله وبركاته

حافز هذا مدري وش اخرتها معهم انا طبعا ارضاء لامي وعشان خاطرها سجلت ولا انا عارفه انه ماعندهم ماعند جدتي :mad:

المهم انا في الغربه وطلبت من امي تدور شهادتي وتعطيني سنة التخرج وقالت تبين بعد النسبه النسبه 88% وهذاك الوقت مافي قياس وانا كنت لي لي ثلاث سنين متزوجه يعني وانا ادرس ثالث ثانوي وانا حامل كنت ادرس منازل وانتظمت الفصل الثاني وتعب وبيت وحمل وماشاء الله علي تبارك الله جايبه 88% :35: يعني هاذاك الوقت كان بسهوله اسجل في الجامعه والقسم اللي ابيه وبيقبلوني المهم وهي تعطيني المعلومات خنقتني العبره ويوم قفلت جلست اشاهق واصيح اقول لييييييييييييييييييه ماكملت ليه سمعت كلام الناس اللي تقول خلاص الوحده لي تزوجت وش تبي بالدراسه واللي تقول ماتقدر اللي متزوجه وعندها اطفال صعب تكمل وكان حلمي انه ادرس علم نفس او ادب انجليزي وكنت اسمع يقولون وش تبين بعلم النفس تتعقدين وتطلعين نفسيه :mad:

وادب انجليزي مستحيل يبي له وحده متفرغه وضعت في الكلام وعجبتني جلسة البيت وراحت السنين كنت ادرس في معهد على بالي بينفعني بس يالله الحمدالله على كل حال ماكتب ربي لي اللهم لك الحمد بس جد تضايقت لانه وقتها الدراسه سهله ومافيها تشديد و وضعي حلو ومهيأ للدراسه بس ماكتبه ربي :44:

مو الحين تعقيدات وقلة حيا :icon33: بنات تكفون لاتفكرون تتركون دراستكم حتى لو مافي وظائف ادرسو لانفسكم ولاتسمحو لاحد انه ياثر عليكم ترى والله تتندمون قسم بالله تقطع قلبي اليوم من كثر ماانقهرت اني استسلمت وتنازلت عن دراستي مع اني شاطره ومستواي ممتاز كان عندي طموح وقتلته باهمالي وسماع كلام الناس اللي لايودي ولا يجيب :44:

اللهم لك الحمد على كل حال اللهم لا اعتراض والعوض ان شاء الله عند رب العالمين العوض ان شاء ببناتي الله يبلغني فيهم خير واشوفهم في احسن حال من عبادته وطاعته ويرزقني بالولد الصالح والله لايحدنا للحافز ولا لغيره :icon33: