لي الحق ارفض هالاشكال ولا كيف

السلام عليكم
بقولكم الموقف واحكموا فيه
اخو زوجي تربطه علاقة قوية ب شخص من جنسية مارح احددها على كفالته وبينهم زيارات وعزائم والحريم مع بعضهم
انا بالمقابل تربطني علاقة ب زوجة اخ هذا الشخص والرجال كان على كفالة زوجي قبل مايتوفى وبعد ماتوفى نقل كفالتها هي وابنها على مؤسسة عنده
علاقتي بهذي الحرمة قوية جدا من سنين واعرف عنها كل شي وماشفنا منها ومن زوجها الا كل خير وبالمقابل انا وزوجي نعرف انه سمعة اخو زوجها مثل الزفت عند كل الناس وعند اهل بلده
امس عالعشاء اخو زوجي جاب هالرجال وجاو ل زوجي وجات سلفتي وحرمته ومالقيت الا زوجي يقولي قومي استقبليهم
والحرمة هذي ذمتها وسيعة تبدأ قرقرة وحش ب خلق الله ماتخلي احد وزوجها نفس طباعها عند الرجال
وجابت طاري هالرجال لي توفى من زمان وطاري حرمته وحتى ولده المسكين بكل شر وذمت فيهم الين طلعتهم اوسخ خلق الله على الارض والعكس صحيح وسلفتي تعزز لها
قلت لها يابنت الحلال من وين جبتي كل هالكلام حرمة بحالها مع ولدها وغايبة قاعدة تتكلمي عليها بكل هالجرأة وش اثباتك طيب والولد يشتغل عندنا وماشفنا منه الا كل خير وهي سكتت وصار وجهها احمر
والله يابنات طلعت الرجال حرامي ونصاب والحرمة داشرة والولد وسخ وحق بنات وفاشل مع العلم انه لما توفى هالرجال زوجها هو من تخلى عن ولد اخوه وتركه ب ايام عزاء ابوه والولد ماله غير عمه
انا غصب عني لئمت نفسي فيهم ولا جبت ضيافة ولا شي يعني طفشتهم تطفيش
بعدها قلت ل زوجي هذي الاشكال لاتدخلها علينا ثاني الله يجزاك خير حرمة ماتخاف الله ب ايام فضيلة وصلت لشرف سلفتها وابنها ما ابغاهم ولا ابغى زيارتهم ولا تعارفهم لا هي ولا زوجة اخوك
وسلفتي ترسلي تقولي وش فيكي كذا مع الحرمة تراها طيبة
قلت لها ماتشوفي انتي جاية بكل وقاحة تحش بخلق الله وتتهم بالاعراض ماخلت احد من شرها الا حشت فيه وسبيت الحرمة
تجي سلفتي تقولي لا تسبيها تراها صديقتي بقوة وبيني وبينها خبز وملح
قلت لها الطيور على اشكالها تقع وقفلت الجوال