لي ثلاث سنوات وهاذي حالتي ؟

مرحبا حوائيات
انا لي ثلاث سنوات متزوجه ولله الحمد انا وزوجي حياتنا حلووه المهم مشكلتي مع مرة اخو زوجي
تخيلو من يوم تزوجت انا ماشفتها وهي جنبي في الشقه الا بعد اربع شهور من زواجي و
عزمتني مره عندها وجلست تحش باخت زوجي وامه قدامي تحذرني منهم تتكلم عن بيت الحموله وانا بصراحه علاقاتي فيهم جد ممتازه ...
المهم انا علمت زوجي بكلا مها لي قال طنشيها وماعليكي منها ... وانا ارحم ام زوجي عشانها لوحدها اجي كل يوم اشوفها تبي شي لاني انا ساكنه فوقها
وهي ماتننزل ابدااا الا اندر من النادر اذا نزلت ماتتكلم معي ولا تعطيني وجهه تخيلو تعطيني ضهرها اذا جت تجلس معنا انا مطنشتها ولا علي منها اذا تكلمت تتكلم عكس كلامي لو هو كذب المهم تبي تطلعني انا نصابه وتحفظ الكلام اللي اقوله واذا تكلمت وقلت شي تتذكره لي انتي قلتي كذ وكذا
مره انا كنت جالسه عند حمولتي تحت وجالسين نسولف جت قالت لي انتي اذا تبين تقولين شي قوليه قدامي مو من وراي واذا انا غلطانه سامحيني انا انقهرت منها تبي تبين لهم اتي راعية كلام وانا ماتكلمت في احد منهم عند احد اسرار البيت ماطلعها بعد لاي كان
ومره سافرت انا وام زوجي مع زوجي واخوانه رحنا الشرقيه يومين يوم رجعنا جلسنا نعلم اخت زوجي عن سوالفنا قامت مطوعة بريده تقول حرام تكلمين مع اخوان زوجك وتضحكين معهم وووو
بعد فنره لقيتها تنزل كل يوم وتتكلم مع اخوان زوجي وهي خمس سنوات معهم حتى السلام عليكم لهم ماقالتها وجايه بعد تتكلم علي لاني سولفت معهم وانا والله العضيم ماسولف معهم ابدا بالبيت بس اذا ركبت مع ام زوجي معهم بالسياره اسلم عليهم واسولف شوي معهم
وبعد فتره جابلي زوجي هديه لاب توب ماركه غاليه عديتي منه
وهي بعد فتره قالت جبتي الفتنه بالبيت واللحين جابت لها لاب توب نفس ماركة اللي عندي احسها تغار مني وانا ماكنت ارد عليها ابدا اطنشها بس تعبت نفسيتي منها وصرت ارد عليها انا اعصب وهي بارده بردها لي وانا اعصب زياده منها
وراحت تقول اني انا اغار منها كيف اغار منها وانا ماشاء الله ماشوف نفسي على احد
واتعامل مع الناس بنيهزينه ومااغلط على احد بالعربي محترمه نفسي
ومحترمه اهلي قبل كذا
المهم هي تطلع الواحد من طوره وتتكلم عند ام زوجي وتقول هي اكيد مسويه شي للشغاله عشان كذا كانت تحبها كانها تقول هي ساحره الشغاله وتقول بعد ليش زوجها دايم جالس عندها المهم المره حاطتني ببالها مادري ليش
انا ابي لي حل معها انا صرت ماعاد اداني اشوف وجهها لا وازيدكم من الشعر بيت تخيلو تقول لاخت زوجي قوميها انا بنزل اللحين يعني اطرديها انا بنزل اللحين خليها ترقى لبيتها حسبلي الله عليها وانا اقسم بالله كنت مارد عليها كانت تقط علي كلام قدام ام زوجي وانا معتبرتها مو موجوده وتقط على ام زوجي احيانا قدامي تحسب نفسها صريحه وهي وقحه انا ماعاد اداني اشوفها قدامي ويش اسوي كارهتها مرره تقول اني اغار منها انا مافي شي فيها يخليني اغرا منها والله
لاااخلاق لا احترام للناس لاتوجيب للضيوف مادري احس ودي اصفقها من القهر علموني كيف اتعامل معها وانا والله العضيم كنت اسال عنها دايم اقول هي ليش ماتنزل تجلس معنا كنت افكر فيها طلعت وحده ماتستاهل قولو كيف اتعامل معها اتعب اذا شفتها نفسيتي تتعب اصير ساكته ماتكلم مادخل مع العالم شي غصب عني لاني مو مرتاحه
انصحوني ياحلوووووووووووووات