حبيبتي هذه اختك من لحمك ودمك يعني تبغينا نقول ماتفهم في الاصول وقليلة حيا ونسب فيها وبعدها نحرضك انه اذا زارتك استقبليها بنفس خايسه ولاتقدمي لها حتى كاسة عصير خليها تحس على دمها وعلى تصرفها معاك؟!!!
شوفي ياقلبي اولا حكاية ذبيحه وعشا وعزايم لاتكبري الموضوع اختك مابينك وبينها رسميات حتى لو كنتي كل مازارتك ذبحتي وضيفتي ووجبتي لك الاجر والكرامه وبياض الوجه
مانقول الا كثر الله خيرك وبيض الله وجهك
التمسي لها العذر راحت والا جت هذه اختك مالك في الدنيا غيرها
ماذبحت لك هذا مو عذر تزعلي منها ماتعرفي ايش ظروفها او ايش صار مع زوجها قبل لاانت توصلي عندها
روقي يابنت الحلال وان شاء الله حصل خير وروحي لامك زوريها ولاتزعلي من اختك لحمك ودمك على اشياء زي كذا لاتتحسسي يعني
واذا زارتك فانت تعملي باصلك وكرمك مو لازم تردي لها الصاع صاعين وتتنافرو على شي مايسوى
صدقيني ماتكرهك ونلتمس لها العذر انه صار شي من زوجها او ماوافق يسوي لها شي والدليل رده على زوجك وزوجك زعل
فلا تشيلي على اختك الله لايجيب الزعل بينكم ولايفرقكم عن بعض

بقولك شي
انا ساكنه قريب من اهلي واحيان اكون هلكانه شغل او متناقره مع زوجي او بيتي فيه شغلات يبي لها نفض يعني مو رايقه
وتتصل امي او وحده من خواتي او اخوي ويقولون جهزي القهوه حنا بالطريق والله العظيم اطفش واتضايق مااقدر اقول لا لانهم اهلي عيب وخلاص بالطريق كيف ارجعهم
واستقبلهم واسوي القهوه والشاهي بس وربي استقبالي بارد ويفشل ماااالي نفس
بعكس اذا جوني وانا رايقه وكلش ع ماابي
تأكدي انك جيتيها بوقت ممكن تكون متضايقه او مارتبت تستقبل احد
ترى تحصل كثير

معليش مو لازم تحط لك ذبيحه ودنيا
تراك مزودتها مره والناس ظروف وعيب التشرط
خلاص سلمي واطلعي وكفايه كلافه ع خلق الله الحين محد طايق شي
اذا انتم تحطون ذبايح غيركم مايقدر واحمدي ربك ع النعمه وانها عشتك من المطعم اللي مو عاجبك !!

لا والله مالك حق تزعلين

لا والله مافيه شي يزعل كان سلمتي ومشيتي مع زوجك
وجلستي عند امك وريحتي من الخط ورحتي لها ع رواق
والعصر او المغرب مو ع وجبه
ترى بين الاهل لازم تشيل التشره والتدقيق والرد بالمثل
والوحده يكون خيرها لاهلها ممكن متضايقه تعبانه اي شي
لاتقولين انا سويت وهي ماسوت اهم شي انها ماغلطت وسبت واهانت
تفرق كثير انا مايطفشني الا الزيارات بعد الساعه 9 مع اني في اوقات اسهر بس اقهويهم والا اعشيهم
مع ان عندي خدامه اطفش
خلو الزوارات في بيت امك احسن بدال قالت وحطت وسوت
الله يسخركم لبعض