اجلسي معه وتناقشي قولي له اعرف اننا في خطوبتنا ماتعارفنا ولاجلسنا مع بعض يعني زواجنا مرتب من الأهل

بدون تدخل مننا وأنا حاسة انك ماتبيني لكن ودي انك تصارحني هل انت تحبني وودك نستمر مع بعض

ونكون اسرة او انت ماحبيتني وانجبرت فيني وودك ننفصل ؟

خلنا نوضح حالتنا اللي احنا عليها قبل لايجينا عيال ويكون انفصالنا اسوأ هل ترغب نستمر او لا ؟ لأن حياتنا باردة

وصعب نستمر على هالحال فلازم نغير كل شيء اما بتحسن العلاقة او بالانفصال وشوفي حسب رده لك يكون تصرفك

فاءذا قال لك انا احبك وماستغني عنك لكن مااعرف كيف اعبر لك عن حبي لك كذا حاولي تغيرينه وتدخلين على حياتكم

الرومانسة بالطرق والنصائح اللي ذكروها البنات اللي قبلي .

واذا هو ماحبك وبقاؤه معك مجرد تحصيل حاصل عاد اتفقي معه بماهو افضل لكما إما الإستمرار او الطلاق قبل لايجيكم عيال .

لأن صعب الوحدة تستمر بالحياة مع واحد ماحبها ويتهرب من البيت ولايحب مجالستها لأنه بعد فترة من الزمن اذا لقى

غيرها تزوج وتركها هي وعيالها وعذره ماحبيتها من اول ماتزوجتها طيب هي وش ذنبها المفروض تقول لها وتحطها

بالصورة معك من الأول وتشاركها بالمشكلة والحل المناسب لكليكما علشان ماتظلم المسكينة بعدين وهي معلقة بأطفال .

الطلاق خليه اخر حل انتي لسا م جربتي ولا حل
على طول حطيتي الحل الطلاق
عموماً المتزوجات اكيد بيفيدونك في هذا الموضوع
بس الطلاق خليه اخررررر حل

فيه بعض رجال بعد زواجهم ما يتخلصو من حياة العزوبيه بسرعه ولذلك ما يستشعرو قيمة الحياة الزوجيه
انتي حاولي تسحبيه لك شوي شوي

اقل شي يوم يطلع قولي له تعال انا خايفه لوحدي بالبيت

اعملي له حاجات واكلات واجواء هو يحبها

واولا واخيرا ادعي الله سبحانه وتعالى انه يسخر لك زوجك ويسخرك له

ياحبيبتي عادي يمكن مايعرف ولايفهم
او يخجل انتي بادري ضميه واحضنيه واحببببك وامووت فيك
ولبغيتي تنامين خذيه معك وخليه ينووومك
ولبغى يخرج ضميه وادعيله وقولي راح توحشني
لين يتعود وراح هو يبادرك
وترا الانفصال صعب مره واسئلي المطلقات
انتي لاتخجلين بادري ودلعيه واطلبيه عادي يمكن جاهل بهالامور او مايعرف
واستغفري وادعي الله لك وله
وترا توكم متزوجين ايش حيقولون الناس ترا مراح يفكرون فيه لا يتوقعون ان انتي فيك شي
والزواج مسؤليه وتنازل عن اشياء ومجاهده وصبر وتحمل
اصبري وسوي اللي قلتلك
والله يسخره لك يارب

ياعسل لايجي فبالك ان لو تطلقتي ورجعتي لاهلك بترجعين زي ماكنتي لا ياقلبي حياتك عند اهلك بتتغير عن.لما كنتي بنت وحتى تعاملهم معاك بيكون غير لاتقولين اهلي واعرفهم انتي بتكونين حساسة وهم نفس الشي ..فالافضل حاولي بزوجك غيريه حاولي مرة مرتين وعشر لاتملين مادام يصلي وطيب ومكرمك ليش ترفسين النعمة خلي عندك عزيمة وعيشي تحدي مع نفسك وبادريه انتي بالرومانسية مادام انه مايعرف.يتعلم منك ارسلي له روابط عن العاطفة بين الزوجين واشياء كذا تزيد ثقافته ..
ونصييييحة ادخلي دورات ناعمة الهاشمي مبدعة هالانسانة ماشاءالله كثير تحسنت حياتهم بفضل الله ثم بسببها ومن القصص تجربه لقريبة لي شفتها بنفسي ..وعموما أول سنة زواج اصعب سنة بتكون ف خلي عندك صبر