السلام عليكم ورحمة الله وبركاته
ياليت الي نحفت على حبوب ياسمين تقول لنا
الكرتون البوكس فيه كم حبه سمعت الي فيه 21حبه يضعف والي فيه 28 يمتن مو اختلاف الكميه لا اختلاف المحتويااات

اتمنى تردوووووون علي بللللليز

أهلين...

بالنسبة لحبوب ياسمين أستخدمتها 3 سنوات ونصف وفكيتها وحملت على طول....

أول ما كلتها نحفتني السمنة حقت الحمل بس..يعني قبل ما أحمل ..وهي 21 حبة..

ممتاااااااااااااااااااااازة..أصلا الدكتورة تقول أنه كل جديد يستدركون أخطاء الحبوب اللي قبل..

فما دام ما معك ضعف في المبايض ودورتك منتظمة فتوكلي على الله وخذيها..بس يكفيك 4 سنوات, والسنة اللي بعدها سوي عزل وعدد حتى تعودي جسمك على الاستعداد للحمل..وبالتوفيق..

استخدمتها هذا الشهر والكل يقولي متنانه مع اني كنت اخذ منع الي 28 حبه وما متني

بالنسبة لي صار لي شي ما كنت اتوقعه ولا اتخيله بالمره ، اولا انا زدت اكثر من 12 كيلو من خذيتها والمدة سنة ونص ولا اكلي تغير ولا زاد وعلى فكرة يومتركتها زادت شهيتي للاكل هذا اولا المصيبة الكبري والمخيفة اني بديت احس بألم في رجلي اليسار في بطة الرجل الم الم الم وماني عارفه السبب كنت اقول يمكن تعب او عضلات رجلي مشدوده والالم كان عبارة عن نقطه معينه تؤلم بشدة وكانه تيار كهربائي مار فيها و حرارة وتكرر معاي الموضوع وحتى الفخذ واليد نفس نوعية الالم وعمري ما فكرت ولا شكيت في حبوب ياسمين ورحت للطبيب وقال لي يمكن تعب بس بعدين عرفت ان السبب هو من حبوب ياسمين لانه وحده خبرتني انها صارت تعاني من جلطة في الساق بسبب حبوب ياسمين وهذا ما حدث لي فياخواتي للامانه حبيت اخبركم بما حصل لي والله يبعد الشر عن الجميع
تقبلوا تحياتي

وانا معي دوالي واستعملت حبوب الرضاعه 8 شهور وما صار لي شيء ولما فطمت بنتي كنت متلهفه على حبوب ياسمين من كثر مامدحوها لي انها حتى مفيده للبشره والشعر!!
ولما استعملتها حسيت ان فخذي اليسار ينمل مع القدم واستعملتها شهرين وغيرت الى حبوب ميكروجين30ونفس الشيء ولما رحت المستشفى قالت لي الدكتوره اني كنت بموت نفسي بالحبوب لانها لاقدر الله تسبب جلطه للي فيهم دوالي ...!!!!
ولاتسمن ولا تنحف هذي كلها دعايه ...بس الوحده تعزل وتتوكل على الله...اموت نفسي علشان مااحمل!!!!ليه وغيري يدورونه..وهي نعمه من نعم ربي علينا..الحمد لله والشكر...
اختي اتركي الحبوب وتوكلي على فاطر السموات السبع...