لي شهر وزيادة مع العلاج والرقية واليوم الصبح وانا نايمة قلت هالكلام سبحان الله !!!!

السلام عليكم ورحمة الله وبركاته

يا اخواتي اكثر من مرة نزلت موضوع عني وعن
المرض الروحي اللي اعانيه انا وولدي والله اعلم انه مس عاشق وعين
المهم انه مر علينا شهر وحنا نتعالج بالطب النبوي و
الرقية والحجامة مرة وحدة سويتها لي انا بس
واستغربت انه العلاج طول شوي ( ولدي مازال يسمع اغاني الله يهديه
كيف راح يتعالج ومايبغى القرأن لا الرقية وبالبيت عيالي يرفعون صوت التلفزيون
وموسيقى الجوالات كيف راح نتشافى وهم كذا يارب صبرني ) المهم انه
مع العلاج لاحظت في الواقع مثل اصوات صفير واشياء تتحرك وتتخبط حتى
عيالي تأثروا من هالاشياء !!!
وبرضو في المنام شفت واحد شكله مثل مناحي
بنفس شعره وطاقيته وثوبه الا انه هذا اعرض وجه شوي
وكان مكحل عيونه ويطالعني وهو معبس !!!!
يعني طلع لي ثواني واختفى !!!!
المهم واشياء حصلت لي مثلا قبل اسبوع وانا نايمة سمعت شخص
يقولي فكت منك 4 عقد والله اعلم وش هالعقد ؟؟؟!!!
وانا اسمعه اشوف قدامي 4 حريم لابسات عبايات ومتغطيات
ومو واضحات يعني كانهم خفيات شوي وكنت اسئل الشخص اللي بالحلم واقوله يعني
باقي 4 عيون ؟؟؟ وهو مارد علي !!! لأني صحيت بلحظتها !!
المهم اني استمريت ع الرقية ولما عرفت اني غلطت باشياء
مثل الصلاة بوقتها كنت ما اصلي الفجر بوقته وحتى اذكار النوم ماكنت اقرأها
وكنت اكتفي بالرقية فقط وصلاة الليل ماكنت اصليها في وقتها ؟؟؟!!!
وبعد ماطبقت كل العبادات واديتها صح بإذن الله انها صح
اليوم وانا نايمة جلست اردد هالجملة (( اللهم آجرني في مصيبتي واخلفني خيرا منها ))
ووالله اني ماكنت اقول هالدعاء ابدا وكنت اشوف الدعاء هذا في بعض المواضيع بالمنتديات
يعني اقرأه في لحظته وخلاص !!!!
لكن وانا نايمة رددته ولماصحيت على طوووول جلست اردده وبكييييت من قلللللب
واليوم كله اردده ما ادري هل احد حصل له نفس الشي وهل له علاقة بمرضي هذا او انه
ضروري اردده او ايش بالضبط والله اني في حيرة من امري
زوجي يقول انه المشكلة اللي انتي فيها ماتعتبر مصيبة انما ابتلاء من الله
وقالي اللي حصل لك هذا يعتبر حديث نفس !!!
انا ما اهتميت لكلام زوجي واستمريت بالدعاء ويارب يارب يشفيني انا وولدي وجميع مرضى المسلمييين
ياااارب العالميييين ...