لي صديقة ........

السلام عليكم و رحمة الله و بركاته

الصداقة هي كلمة حلوة و غالية على اي احد .... و اي انسان يحب يكون له صديق يحس به و يكلمه

بالنسبة لمشكلتي .. انا احب انه يكون ليا صداقات كثيرة ... لانه الصديق بيتستفيد من صديقة اشياء كثيرة .. بيتعلم و بيتثقف ... و يزداد خبرات من تجاربه و تجارب غيره

بس المشكلة .. انه عندي صديقة او زميلة لي بالمدرسة .. احسها فارغة :29:

اسفة للفظ .. بس ما لقيت كلمة ثانية اشرحلكم بيها

يعني ما لها هدف من حياتها .. لا قريب و لا بعيد .. و ما تتحمل كلمه مني اذا كلمتها علطول تعصب و تتنرفز و ما يعجبها احد ينصحهااو حتى يقلها شي .. يعني مو انا بس اعاني منها .. كتير الي يحسو بهذا الشي .. تتضحك على اي شي حتى لو ما كان بيضحك لها تصرفات غريبة

تعبت .. بعض الاحيان اقول خليني اطنشها .. بس ما في فايدة .. هي تجي و تتكلم و تتكلم

و لو اتكلمت تتكلم في مواضيع تافهة :06:

و كمان هي من الطبقة المترفة .. احس انه التربيه هي الي خلتها كدة .. بعض الاحيان احزن عليها

انا ما اكرهها .. على العكس .. احس بعض الاحيان انه قلبها طيب .. بس احيانا احس انها منافقة

يعني في علاقات احسن الواحد انه يخرج منها

و انا من النوع اتأثر بسرعة ... خايفة مع الايام يصير تفكيري مثل تفكيرها :(

صدقوني ما كتبت هذا الموضوع .. الا بعد ما حسيت انه لازم اقول لاحد .. لاني احتاج للنصيحة

تحياتي