لي عندها توأم تدخل وتساعدني

مساء الخير أخواتي أنا جديدة في المنتدى ولما قرأة العنوان شدني الموضوع وقررت إني أحكيلكم قصتي مع التوأم
أنا عندي توم بنات الحقيقة تعبت كتير في تربيتهم وخاصة أنهم لما ولدو كان وزنهم كتير قليل (كيلو وثمان مئة غرام )
وعلى فكرة هادي أول ولادتي يعني كنت ما عندي خبرة في تربية الاولاد
كانو لما واحدة تنام التانية تصحى يعني أنا ما أرتاح أبدا وبقيو على ها الحال لحد السنة ونصف
وهلا صار عمرهم سنتين وثلاثة أشهر ولساتهم متعبيني في كل شي في أكلهم في نومهم طول اليوم نازلين خناق مع بعضهم
يعني شو راح قلكم الله يعيني
بس المشكلة مش هون
أنا أكتشفت من أسبوعيين إني حامل مع أني كنت عم باخذ حبوب منع الحمل مش عارفة أفرح ولا ازعل
أنا عارفة إنو هاذا أمر الله والله راح يساعدني على تربيتهم
بس خايفة كتير
أرجوكم أعطوني حل أو على الأقل أرفعولي من معنوياتي لأني من يوم عرفت إني حامل وأنا كتير خايفة
أرجوكم أنا في انتظار ردكم