لي ١٢ سنه الى الان عجزت اتقبلها ورافضتها وكل مره مشكله

السلام عليكم اخواتي
تقريبا من تزوجت زوجي وهو عاشق جدا للسفرات العائلية اللي تكون مع امه وابوه واخوانه
ومع بعض في شقه والحريم في غرفه والرجال في غرفه اختصرها السفرات البسيطه سفرات طاش ماطاش يعشقها زوجي
وكل مره يقررون اهله يسافرون لازم تصير مشكله بيني وبينه وزعل هو يقولي تعالي وانا ارفض واقول روح استانس مع اهلك الحالك لكن لاتجبرني اروح معاك انا هذا النوع من السفر ما اطيقه ولااتقبله ومن يقولون اهله بيسافرون انا هينا خلااااااص يبداء القولون يلعب لعب والهواجيس واقول اللي يعيني على زوجي وحنته لكن اهله كلمة حق مايجبروني اجي اذا بجي اهلن وسهلن واذا مابي براحتي
لكن زوجي الله يصلحه مدري ماى راح يمل والله في ذا الكورونا ارتحت من حنته بسبب الاوضاع ومافيه سفر
المشكله اول زواجنا كان يسافر برى الحاله مع اصدقائه مثل مصر المغرب دبي تركيا وشرق اسيا وكنت ازعل واعصب وانكد وازعل لكن بالاخير رضيت بالامر الواقع واستسلمت وعرفت اني ماراح اقدر امنعه واستمر بالسفرات الخارجيه بالسنه مرتين يروح الحاله مع اصدقائه ماوقفه الا الكورونا
لكن انا عجزت اخليه يقتنع برغبتي بعدم السفر مع اهله المشكله هو الوحيد من بين اخوانه المتزوجين اللي ناشب الاهله باقي اخوانه ٣ ماعمرهم سافرو الا وحدهم بدون احد
وزوجي كللل سفره الاهله يا يروح معهم يا يسحبني معه غصبن عني
حتى السكن رافض الحالنا يقول تبين اهلي يقولون ماتبينا نامي بالغرفه مع امي وخواتي وانا مع اخواني
واذا رفضت اروح يفسرها اني اكره اهله لو اكرهم ماطلعت معهم اسواق وكفيات وتمشينا هنا كان مبتعده عنهم لكن انا احبهم واحب اطلع معهم لكن مو سفر سفر لا تكرهه ما يعجبني مافيه اي خصوصيه
تعبت لي سنوات ولازلت اعاني لا وابشركم صرنا اذا بنسافر الحالنا يروح يقول الاهله تجون معنا ويحطني امام الامر الواقع تعبت منه والله نفسي اغيره لكن مادري كيف
ابوه الله يحفظه وامه واخوه الغير متزوج خواته انا وش دخلني الله يصلحك تنشبني معهم ولايقتنع لو اقول اخوك صعبه لا يبداء يبرر انه عادي وكلام فاضي تدرون ورب الكعبه صايره ابدا ما اسافر واكره شي اسمه سفر بسبب حركاته ولفه ودورانه ولايحب الخصوصيه ابد واذا ناقاشته قام يلف ويدور يقول انا والله ودي اوديك الحالنا لكن ابوي الله يحفظه هو يبي يجي معنا ودايم يقول اذا بتسافرون انت وحرمتك علمنا حنا تبعكم وش تبين اسوي اطنش ابوي طبعا هذا الكلام كله كذب في كذب اعرف ابو زوجي شخصيته مو كذا ابد بعدين يجيني العلم من خوات زوجي يقولون زوجك هو بترجا ابوي نروح معاكم ماله دخل ابوي تعبت منه زوجي لازم حل والله حرمت نفسي كل شي بسبب تصرفاته