لي 3 شهور كارهه زوجي فضفضه طويله تقهر مخنوقه

السلام عليكم

كل سنه وانتم طيبين

بنات انا ولدت قبل 3 شهور

ومن بعد ما جيت بيت زوجي وانا وهو من مشكله لمشكله

الى ان انتهت المشاكل قبل شهر وصفي الجو شويا

وحصل شي غريب

وانا حامل والله يا بنات اترجاه يمشيني يقولي انتى حامل وتعبانه واصلا البحر مقفل وجده زحمه وفوق كدا تدرسي روحي ادرسي

كنت في بدايه حملي احضر رساله الماجستير يعني بله مو من حقي اتمشى يوم في الاسبوع وكنت حامل تقريبا في الثاني او الثالث

وخلصت الرساله تقريبا في السادس او السابع

وسار عذره انى محتاجه راحه وكدا

ويرميني عند امي كل خميس من المغرب لي الفجر

والجمعه اروح لاهله من 3 الظهر لين 12 بالليل
وباقي الايام في البيت

الزبده كل ما اقوله نخرج يقولي بعد ما تولدي

ايام النفاس جانى اكتئاب فضيع اقوله تكفى خرجني يحط عذره في النونو


والله يا بنات مرات كان يطلعني ويجلس يتافف طول الوقت

نخرج من 10 الين 1 ونرجع وكله وهو يتاافف وساكت ويقولي انا قرفان انا قرفان
مره طلبت منه بطاطس مشويه والله يا بنات وقفني عندها كان وقت صلاه وانا متوحمه نفسي فيها
جلس يستنى شويا وبعدها جانى يسال ضروري تاكليها

طبعا تفشلت ولقطت وجهي قلت لا مو لازم

وما اكلتها

اقوله نطلع نروح نمشي في السوق منها امشي ومنها انبسط وانا والله يشهد الله عليا انى حتى ملابس حمل ما طلبت غير واحد بنطلون اسود

وانا روحت المحل ابغى اشتريه من مصروفي بس هو دفع لي

ما يبغى يطلع معايا مره


من شهر تقريبا

انا مره كارهته

طول الوقت يقولي انتى نايمه انتى مرتاحه فين نايمه ومرتاحه وانا عندي ولد عمره اقل من 3 شهور
كل ساعتين رضعه

غير كدا انا اسهر مع النونو طول الليل عشان اجلس معاه في غرفه تانيه لان عمل زوجي مره دقيق واي لخبطه تودي لكارثه

فلازم ينام كويس ومرتاح
واواصل لين الساعه 8 عشان اصحيه عشان لا تروح علينا نومه كم مره اتاخر لانى اغفى وتروح عليا نومه وبعدها انام واقوم كل ساعتين ارضع وبعدها اقوم اطبخ الغداء

غير الغسيل والمواعيين

ويقولي جالسه مرتاحه ما عندك شي
وانا يا بنات سرت ما اطيقه كل ما اجي اتكلم معاه يقلب عليا وكل المشاكل يحط سببها فيا واذا بكي النونو حطها فيا انتى ما تعرفي شي

يعني بله النونوهات ما يبكو

الزبده انى ليا فوق الاسبوعين ما اكلمو الا للحاجه

وهو دحين متضايق يقولي ما تحبيني كيف احبك وانا كل ما تكلمت اشر على وجهي بيده يقصد مالت على وجهك

احيانا اكون وراه واشوفه يسوي لي الحركه دي بدون ما يطالع فيا

الجمعه امه كانت جايه عندنا وهو طلب عصير من الثلاجه عصير فرش

كان باقي منو شويا انا قلت له خليه لامك لانها تعبانه ما تشرب اي شي

قالي انقعلي انقلعي جيبي العصير

طبعا قمت من السفره وما اكلت معاه

وجبت له العصير وروحت

حاول يراضيني بس سويت نفسي ما زعلت المشاكل كل مالها تتصاعد

والخميس كنت بروح بيت اهلى وكنت مره متضايقه الصراحه بعدما كنت اموت واطلع معاه دحين ما اطيق طلعاته

وكل ما قالي تطلعي معايا اعطيه نفس اعذاره البايخه اقوله البحر مقفل الشوارع زحمه مافي اماكن نروح لها

سار يجبرني اطلع معاه يوديني سوق فين كنت احلم ادخله وانا حامل
وسار يوديني البحر
ووقفني عند محل البطاطس اللي اشتهيته في الحمل يبغى يشتري لي طبعا رفضت لانى عامله رجيم

حسيت ان ضميره يلومه بس مو مستعده اخرب الدايت عشانه

وسار يوديني البحر وما يقول زحمه ولا يطلع مع اصحابه الخميس

بطل كل شي

يبغى يرضيني ولا مادري تخاصم مع اصحابه مادري

الزبده انى سرت ما اروح لامي واذا رحت لها يجي ياخدني قبل 12 فين زمان ما يجي الا لمن يطلع الفجر

ويقولي تعالي نامي معايا في الليل ما يبغاني اسهر لحالي في الغرفه التانيه مع النونو

ويقولي انتى ما تحبي تجلسي معايا
طبيعي يا بنات ما احب اجلس معاه احس ما اطيقه وكل ما اجي اتكلم معاه يسوي لي حركه مالت على وجهك بيده

ولا يجلس يسبسبني

ويقول للنونو شوف جات امك الهبله اللي ما تعرف شي

بله كل هذا كيف يبغاني اجلس معاه واتكلم معاه واخرج معاه

انا كرهتو مره
خلاص
واذا ما عندو شي يقولي تعالي كبسي لي جسمي واذا قمت ابغى اروح امشي عشان الريجيم يرجعني يقولي النونو يبكي يبغى حليب وهو اصلا ما يبغى

يبغى يشغلني باي طريقه عشان اجلس يعني مالي ولا دقيقه افضى فيها لنفسي

اذا خلصت من النونو يقولي تعالي كبسي
انتى اصلا طول اليوم نايمه

وحياتي كلها سارت تكبيس لكتوفه وراسه

ما اقولكم انه ما فيه مميزات فيه مميزات بس انا سرت ما اشوفها بسبب حركاته البايخه
الاشياء الله كنت اول نفسي فيها ما كان يسويها ليا
ودحين لمن ما ابغاها جالس يسويها ليا ليش
ويقولي ايش بتسوي لو اتزوجت

قلت له عادي ما تفرق بروح اكمل دكتوراه والسنين اللي بضيعها وانا جالسه في بيتك بروح اشوف لي شغله محترمه لانه هو يقولي وظيفه لين الساعه 5 لا الين الظهر بس يقصد اشتغل في مدرسه اهليه
واكون نفسي قالي يعني ما تحبيني

لا احبك

قالي يعني ما بتزعلي وتبكي عليا قلت لا ليش ابكي وانتا تضحك

مو انا اللي انكسر

والحق انا فعلا ما بزعل لانو حياتي العمليه عندي اهم من حياتي الزوجيه

حبيت افضفض وبس