لي 4شهور متزوجه وخايفه .....

السلام عليكم اخواتي ,,

انا الان لي 4 شهور متزوجه ساكنه فوق وام زوجي وشغالاتها تحت

لكن تجي عندي الشغاله واحسب حسابها معي في العشاء كل يوم

ولا اقصر عنها لما تساعدني في التنظيف اعطيها فلوس اقل شي 50


السالفه اللي الى الان اوسوس بها هي ..

في اول شهر لزواجنا قال زوجي سوي لي شاهي باخذه معي بيطلع استراحته

سويته وخلاه تحت و راح يصلي ولما رجع قالت له الشغاله

بابا انا سويت لك شاهي جديد لان شاهي اللي سوته مدام اسود !!

هو ركب سيارته وكلمني قالي كل اللي صار وكان يسألني هو صدق اسود ؟؟

يعني هو مستغرب بس مايبي يقول عشان مايخوفني


والله بعدها تخانقنا ورحت بيت اهلي وبدل مايراضيني قالي تعالي خذي اغراضك وننفصل

مع العلم ان الخناق على شي تافه ولاني قلت هي شغاله انا منيب شغاله

ثار علي وسبني وسب اهلي ودفني بغيت اطيح من الكنب !!


انا خايفه تكون حاطة لنا شي بقول لكم سبب وسوستي ..

في رمضان كانت علاقتنا تجنن مجرد مااصبحنا العيد انقلب حالنا << انفكت الشياطين
ومعروف ان الشياطين تحرس السحر او العين

****************

حتى هو شك ان فيه شي محطوط لنا !!
لانه صغير وماعنده ضعف اصلاً ,,

الشي من الاشياء اللي تشككني انه مايتحمل مني كلمه
وكل ماسويت وطبخت يقول هي طبخها احلى مع انه والله العظيم ان طبخي كلن يثني عليه ويمدحه


انا الان نفذ صبري وجيت لاهلي
يوم كلمه ابوي تخيلوا يقول لابوي انا اعرف اني اضغط عليها واعصب عليها بس غصب عني

زود شكوكي ,,,


مستحيل اشك انه له علاقه فيها بس حركة الشاهي وجرأتها انها تغيره شككتني في نواياها
:angry: