صبآآح الدلع والأنوثهــ
كل آنثى تحب الدلع بهالكون
موضوعي اليوم مآسكـ يدلع بشرتكـ ويفتحها مع الأستمرار ومعه التونر من عمايل يدكـ ياقمر
ماسك الشاي الأخضر ( أو الأبيض )
الكل يعرف إن الشاي الأخضر يحتوي على مركبات البوليفينول
وَ هالمركبات هي اللي تخلي الشاي مضاد قوي للتأكسد
نسبة هالمركبات بالشاي الأبيض أقوى من نسبتها بالشاي الأخضر ، يعني الشاي الابيض كمضاد للتأكسد أقوى من الشاي الأخضر ، المهم مالكم بالطويله
فوائد الشاي الأخضر للبشرة ( كماسك أو كريم )
- واقي ممتاز من أشعة الشمس الضارة وَ يعالج حروق الشمس
- يقي من سرطان الجلد
- يجدد خلايا البشره وَ يزيد من مرونة البشره وَ يقاوم التجاعيد وَ يساعد على شد الجلد .
- يهدئ البشرة وَ مضاد للإلتهابات وَ الحساسيه
- مضاد للكتيريا ، يحارب حبوب الشباب وَ يقي منها
- يساعد على تفتيح لون البشرة
لصنع المآسك نحتاج لـ
ملعقة طعام زبادي كامل الدسم
كيس شاي أخضر ( أو شاي أبيض)
الخيآر لك أختاري إللي تَبينه الأخضر آو الأبيض ]
الطريقه ~
في وعاء نظيف نضع ملعقة الزبادي وَ أحبها تكون مليانه ، وَ نقص كيس الشاي وَ نفرغ محتواه داخل الزبادي
الأفضل يكون الشاي ناعم عشان يكون أسهل بالمد وَ تخرج خلاصته بسهوله ، مو بالضروره طبعاً
نخلطه زين ، وَ نغطيه وَ نخليه ينقع نصف ساعه على الأقل
شخصياً أحطه بالثلاجه وَ أخليه ليلة كاملة ، من ثم نمده على وجهنا وَ نتركه من 15 إلى 20 دقيقه ، من ثم نغسل وَجهنا بماء فاتر
بعده راح تحسون بإنتعاش مو طبيعي
الماسك أقدر أسميه رفريشنق ماسك ، ماسك يعيد الحيويه ، وتحسين بالنشاط بعده ، يفتح لون البشره ، يقفل المسام ، ينقي و يشده البشره يناسب قبل المناسبات يعطيك حيويه ، أيضاً مناسب بعد البخار وَ تنظيف الوجه .
أي فئة تَستخدمه ؟
الماسك يناسب جميع أنواع البشره وَخاصه البشرة الناضجة
وش يعني بشرة ناضجة ؟ يعني البشرة الكبيرة بالعُمر ]
تونر الشاي الأبيض
التونر ( منشط البشرة )
هالتونر أنتم أحرار تستخدمون فيه المواد إللي تحبونها وَاللي تتلائم مع بشرتكم وَ تعجبكم ، بما ان بشرتي دهنية أحبه بسيط وَغير مُعقد ،
بس تقدرون تصلحون إللي تبونه .
وظيفة هالتونر ||
يقبض المسام
يفتح البشره وَ يبيضها وَ يعطيها نظاره وَ حيويه
يقاوم التجاعيد وَ يقلل من ظهورها وَ يشد البشره
يقاوم حبوب الشباب وَ البثور
ينعم البشره
مقاوم للحساسيه
التونر يستخدم بعد غسل الوجه وَ قبل الكريم المرطب ، أو بعد كل وضوء أو كل ماحسينا إنا نبي ننتعش .
لصنع التونر نحتاج لـ
كيس شاي أبيض ( او شاي أخضر )
4 ملاعق طعام ماء ورد ( او حسب الرغبه )
ملعقتين طعام عصير ليمون ( أو شرحتين ليمون غير مشمع ) أستخدمي الكميه إللي تناسبك وَ ممكن الإستغناء عنه
نصف كأس ماء مغلي
الطريقه ~
في كأس نضيف كيس الشاي ، وَ شرحات الليمون
نصب الماء المغلي ،
ونغطي الكاس ، نتركه لنصف ساعه ، نصفي الخليط ، وَ نضيف ماء الورد
( في حال إستخدمنا عصير الليمون نضيفه مع ماء الورد )
خيارات الإستخدام ~
-
نحفظه بقاروره ( زجاجيه أو بلاستيكيه ، إنتبهوا لاتستخدمون المعدنيه ) وَ ناخذ منه بالقطنه ونمسح وجهنا وَ رقبتنا .
- نحطه بمرش وَ نرشه على وجهنا كل ماحسينا إنا نحتاجه
- نصبه في قوالب الثلج وَ نحفظه بالفريزير وَكل ما أحتجنا نلفه بقطعة شاش وَنمرره على وجهنا .
إضافة ||
إذا حابين تتفنون بصنع التونر ممكن تضيفون بعض هالمكونات أو كلها ، حسب طبيعة بشرتكم :
ملعقه أو ملعقتين جل صبار
، تقدرون تستخلصونه طازج من الصبارة ، أو تشترون خلاصه الصبار جاهزه
كبسولة فيتامين e
خياره صغيرة بقشرها ، نضربها بالخلاط مع منقوع الشاي بعد مايبرد وَ نصفيه بشاش من ثم نضيف باقي المكونات
آخيرآآ ..~
الموضوع منقول من منتدى ثآآني لاكن أنا استخدمت المآآسكـ مرتين رووووعهـ وقبل
عملت بخآآر لوجهي بالنعناع وحطيته غسلته وبعدهـ مررت التونر على وجهي وهو
بارد .... انصح بعملهـ مرتين اسبوعيآآ
دمتمـ كمآآ تحبوون ~
امواج 20 @amoag_20_1
عضوة
يلزم عليك تسجيل الدخول أولًا لكتابة تعليق.
الاميره تويكس
•
يسلموووووو
شكررررررررا ان شاء الله بجررررربه بعد ما انتهي من التقشيررر
اختي وش لاحظتي بعد استعماله :icon28:
اختي وش لاحظتي بعد استعماله :icon28:
الصفحة الأخيرة