بعد تجربة مريره
أيقنت ليس الخبر كالمعاينه
وليس حلم كحقيقه
ربما وجدت الشجاعه في يوم وكتبت قصتي
الصفحة الأخيرة
وغير جذي ان رب العالمين شرع التعدد وحط له ضوابط، على اساس ان الزوج عليه انه يعدل والزوجتين عليهم انهم ياخفون من الله في بعض، لكن في وقتنا الحالي الناس خربوا مفهوم التعدد صاروا الرياييل اللي عينهم فارغه ومايشبعون ياخذون الثانيه ويوم تسألينه عن السبب يقول حرمتي مافيها عيب بس انا اتزوجت عشان ما اخونها ،، واقسم بالله ان زوجته الثانيه ما ادوم وياه 6 شهور بس من يشبع طلق الثانيه ويرجع لزوجته الأولى على اساس انه ندمان وانه زوجته الثانيه ضحكت عليه ولعبة في عقله ويتم فتره ويرجع يتزوج عليها وحده ثانيه..
اما بالنسبه لبعض البنات انا بتكلم عن بنات عرفتهم ومرت معاهم نفس سالفة التعدد،، في بعض البنات الله يستر عليهم تحس بالنشوه والسعاده يوم تلقى واحد متزوج يبا يتعرف عليها او يبا يتزوجها تحس انها مرغووبه او تستانس يوم يغزل فيها ويترك زوجته او يذمها،، مرات ما تبا ترتبط فيه بس عشان تحس بالوناسه..
في وحده اعرفها كانت تربطها بعلاقه مع واحد متزوج على اساس انه ملان من حياته الروتينيه مع زوجته ويكلمها عشان يشكيلها همومه وهموم شغله وامور فالحياه،، قلتلها يا بنت الحلال شو تبين فيه هذا ريال متزوج تقولي حرام احسه محروم من الحنان وهو مثل اخويه ومن الكلام اللي ما يودي والله كان خاطري اعطيها كفففف قلتلها يعني انتي بتعوضينه الحنان اللي انحرم منه وتمت اتبررلي انه مابينهم غير علاقة اخوه،،، انزين سألتها مره قلتلها مافي اخو يتكلم مع اخته لين الساعه 2 او 3 بالليل المهم ما بطول عليكم مرت الايام ويتني وقالتلي ان فلان يحبها وهي تحبه وعلى كلامها الغبي انها تموت فيه ويموت فيها وعرض عليها الزواج وتمت علاقة الحب مايقارب 8 شهور ويوم راح فاتح زوجته انه بيتزوج وزوجته وافقت بعد ما ضغط عليها بالموافقه راح وقال للبنت وقال لها كلمي اهلج على اساس مجهز نفسه هو واهله انه يخطبها،، ردت عليه بكل برود قالتله يا فلان ترى هلي مابيوافقون عليك لانك معرس وانا ما ابا اتزوج واحد متزوج ... هو يستاهل على اللي صار فيه بس انا ابا اعرف ليش كانت تتعمد انها تشغل وقته عن زوجته ومثلت عليه انها تحبه بس عشان تحس انها مرغوبه ..
ما اقول غير حافظوا على بيوتكم يالمتزوجات ،، ترى هالاشكال منتشرين بس يا حبهم لخراب البيوت