مآكنت كذا ... ودخلت حيآتي وغيرتها..

السلام عليكم ورحمة الله وبركاته

كل عام وانتو بخير يا اعز الناس.. ويا اعز اخوات والله
ماشاء الله تبارك الله بينكم ترابط اخوي كبير ومع بعض دايم عساه دوم يارب
وانا اختكم ورتحت لكم ودخلت عالمكم ويارب اكون قريبه لكم...

اخواتي آنا عندي مشكله مدري هي مشكله والا انا اشوفها بنظري مشكله

المهم بدخل فيها ع طول....

انا طالبه جامعيه .. تخصصي هندسه حاسب وادرس في مدينه جده ...:)
من عايله متوسطه وحالتنا الماديه والاجتماعيه ممتازة والحمد الله ...
اخواتي انا مشكلتي دايم اتمنى واحب اكون في اعلى مراتب في الحياه هاذي ممكن تقولو اكون غنيه مره
او من الطبقات المخمليه
ادري بتضحكون زي ماضحكو اهلي بس جد تفكيري دايم كذا
احب الشهره واحب اكون الافضل تصدقون احس ماعندي قناعه ابدا
انا احمد الله واشكرو ع اهلي وعلي عايلتي كلها ... عمرهم ما قصرو معاي بشي والي ابغاه يجيني ومحترميني... ومقدريني والمكان الي ابغاه يودوني وكل شي الحمد الله يعني مو ناقصني شي
بس دايم افكر لو انخطبت مثلا من الطبقات الي في بالي اقول ماراح اوافق ابدا دول اعلى مني وكدا
وبعض الاحيان اقول وانا ايش ناقصني كل شي عندي والاي ابغاه موجود

يمكن السبب بنت خالتي مدري ايش اقول عنها هي حطت الافكار هاذي في بالي وخلتنيي افكر زي تفكيرها
معن هي كمان اهلها وحالتهم ممتازة زينا بس دايم تدخل الافكار هاذي في راسي

قبل كم شهر خطبني ولد صاحب ابويا الولد في كليه الطب ومابقى شي ويتخرج وبيكمل برا فرحت وكنت بوافق واهله علاقتهم ممتازة معانا وانا ابغا ادرس برا بس العائق كان المحرم بس دحين جا .. وعرفت بنت خالتي واتصلت عليا انتي هبله توافقين هاذا مستواه الدراسي اعلى منك
هاذا بيصير دكتور وانتي بتصيرين مبرمجه او مهندسه في شركة او بنك :44:
ماتكلمت جلست ابكي هي عارفه انا حساسه وما احب الكلام ذا بس رحت لي ابويا وقلت له كلمت ابو فلان
قلي لا والله لسى يمكن اكلمة بكره يعني بيقول اني موافقه قلت احسن ما كلمته ابويا سكت واستغرب قلي ليش جلست ابكي جلس ابويا وهوا والله كان بيخرج وبيروح العمل وعنده ارتبطات لين اليل وقلي اتكلمي ليش جاك منه شي حكيتو ع كلام بنت خالتي جلس يضحك ويقول هاذا انتي تفكيرك كذا ماربيتك ع كذا يا سوسو
انا ماكلمت ابوه بس ابغاك تفكرين وتتخذين قرار مو تفكير لعب صغار وانتي مشالله في احسن التخصصات واحسن الجامعات تفكيرين زي بنت خالتك المهم ارتحت وقلت اجل لاتكلمه وارد لك خبر قريب قلي خير ان شاء الله
واتصلت ع بنت خالتي وقلت لها خلاص ماراح استشيرك في شي انتي بتخربين حياتي عمر تفكيري ماكان كذا
انتي السبب البنت بس جالسه تضحك مدري ليش... وبس عليها ماكلمتها طبعا هي مخطوبه وخطيبها طالب في الجامعه ...

المهم

شايفين مشكلتي صراحه اكذب لو اقول كلامها الين الان مو مأثر فيني بس خلتني اقول يمكن صح كلامها ويمكن لا بس محد سوا زيها بنات خلاتي وخيلاني وعماني اتصلو ويباركون ليا والكل فرحان غير هي وهي تقول انا احبك والله وابغا مصلحتك لانك اصغر مني وانا اكبرمنك ...!!!

ابغا ارجع زي ماكنت ابغا اغير تفكيري زي ماكان كان لعب ودراسه ولا فكرت في امور كذا ومن بعد ماقبلتها تغير حالي 180 درجه ...:( الله يهديها والله احبها بس مدري ايش حكايتها..

كلنا نبغى الكمال في شي ونبغى نكون ناس مثقفين وفاهمين ونكون عنصر فعال في المجتمع وفي عيلتنا وانا ان شاء الله كذا وهوا تفكيري .... بس من دخلت الادميه حياتي تغيرت ...

ابغاكم تساعدوني وتقفون جنبي واشوف نصايحكم ... وكل شي.؟

اي صح الي خطبني خلاص وافقت والحمد الله بس لسى ماردينا خبر..ان شاء الله قريب...^_^

واتمنى لكم حياه سعيده من غير مشاكل ولا ناس معقده :mad:

:26::26: