مأسآة شعري.....هل لها حل؟

SIZE="3"]السلام عليكم ورحمة الله وبركاته

حبيباتي راح احكيلكم عن قصة شعري أو بالأحرى مأسآته وياليت احد يسعفني,,,

انا شعري كان طويل وكثيف وبشكل عام حلو يعني كنت اجلس عليه كذا طبيعي من عند الله سبحانه,,, بس كان ناقصه يصير ناعم ويتعبني مع الاإستشوار مع اني ماكنت استشور الا في المناسبات الكبيرة,,

مرة صديقتي قلت لي عن خلطة اسمها (الخلطة السوداء لفرد الشعر) واختها استخدمتها وتحسن شعرها مررررررة,, عاد في البداية استخدموها 2 من خواتي والنتيجة مرة حلوة قمت استخدمتها وتوضع لمدة 24 ساعة على الشعر ثم تغسل ,, المهم/ اول ماغسلت شعري طاح نصفه اقسم بالله ماهي مبالغة لأن الخلطة صارت يابسة جداً وصعبة تطلع بسهوله ,,, مع ان اختي صار شعرها كثير,, لكن لا حظت انو صار افضل وانعم بس من فوق ومايتعبني مع الاستشوار,,

الحين بعد سنة و7 شهور تحديدا صرت كأني عصفور منتف وشعري يطيح بالهبل والشعر الجديد بعد مانزلت الخلطة لعند اكتافي صار الجديد جاااااااااف جدا ومتعرج و(كشة) زي مايقولون حتى الاستشوار مايضبط والتعرجات صارت كثيرة لدرجة اني كرهته وما احب امشطه ابدا,, طبعاً نسبة الدم عندي 6-7 وأكيد لها دور في التساقط,,

هذي معاناااااااة شعري بعد ماكان محط انظار الجميع

اذا عندكم حل تكفوووووووووووون عطوني وابيه مجرب لأني خلاص مليت من التجارب انا الحين استخدم خلطة من: (مايونيز وزبادي وزيت زيتون اصلي وبيض) ومن فترة لفترة احط حناء طبيعي من شجرتنا لكن الوضع يزداد سوءاً لتمنى تشفون غليلي والقى عندكم الحل الأكيد لشعري
وإذا في نقطة مو مفهومة قولوها علشان اوضحها

الله لايحرمكم الأجر يااااااااااارب