مأساة أم

هذي قصيدة كثير عجتني واثرت فيني :44:حبيت انقلها لأخواتي الحبيبات ان شاء الله تعجبكم:icon33:
(مأساة أم)
غاب أبوه اللي يضمه ولا بقيله غير أمه
أمه الأم الرحوم وكل طيب تحتويه
كلها عطف وأمومة شالت الوقت بهمومه
ودها تسعد ولدها بأي شي وتحتميه
أمنت له كل شي وحبه أبها نبض حي
ولو طلبها ما طلبها ساعي يطلب تشتريه
كافحت فيها الحياة سوت أله المعجزات
وان تأخر ما تنام الليل كله تحتريه
تبكي والدمع غشاها وتمسحه لآمن جاها
ماتبيه يشوف دمعة حزن ألمها يكتسيه
ومن بعد ماشب عوده واستوا وكبرت اعظوده
وصار متزوج بعذراء لا معاها تصير إيه
نسته أم(ن) وفتله يوم الأجواء ما صفتله
لا وقالت له أنا أبغى بيت(ن) أمك ما تجيه
كيف أصير فبيتي حره وأنا أشوف الأم غره
وخططت له ودبرت له وسوت كل اللي تبيه
ولأن شخصيته ضعيفة وأمه أشبه بالكفيفة
ما توانى لو دقايق يطرد أم(ن) ترتجيه
وقام وسواله جريمة وشالها شيلت غريمه
وعقب وصلها الرعاية صوتت له يا ولدي هيه
يا ولدي وين أنت رايح قالته والدمع سايح
وألتفت فيها ورد برد متنكر سفيه
قال أنا رجال تاجر منشغل بين المتاجر
وان بغيتيني بحاجه هذا رقمي واطلبيه
ولجل ما تجرح شعوره طاعته بأمره وشوره
وأبتعد عنها وقفا وكل ما سوت نسيه
وهمل أمه يا حسافة وصد وأعلن انحرافه
صار ما يسأل عليها ولا تلاقوا بالوجيه
وإلا هي يوم ادخلوها بالرعاية وانشدوها قالت بنبره حزينة هو ولدي والله يهديه
عنده أشغال(ن) كثيرة وكم محل(ن) هو يديره
وعاذرته بما فعل بي دامه أمره في يديه
ومن ولعها في ضناها كل هم(ن) اكتساها
وأصبحت في وضع مؤسف وضع ما تحسد عليه
وضع كل(ن) به تأثر عاشت به أسبوع وأكثر
لين روح الطهر فاضت من جسد طاهر نزيه
حلمها اللي في ولدها لا كبر يكبر سعدها
مات لحظة كفنوها ولا بقايا كود ليه
ليه هملها وجفاها وليه ما قدر وفاها

وليه يقتل حلمها اللي من زمان تعيش فيه وليه كم من ليه مرت في خيالي واستقرت
شرقت بي وغربت بي وصرت في حيره وتيه
والله ياعالم مصيبة واقعة فعلا(ن) غريبة
منها تبكي كل عين وينجرح قلب(ن) نبيه
ولكن الكلمة الأخيرة رددوها بكل ديره
وقولوا من يبغى رضا الله يطلب رضا والديه