مأساة امي وموتة ابوي الغالي

أسأل الله العظيم رب العرش العظيم ان يرحم ابوي ويغفر له أسأل الله العظيم ان يتجاوز عن سيئاته ويزيد في حسناته طبعا ميت له سنه ونص لكن ميتته احس انها حلم بالنسبه لان قبل ميتته في قصه ولا هي اي قصه :44: طبع ابوي من يوم ماعرفت نفسي كنت اهابه واخاف منه كان شديد مو مو ناحية ضرب لالا بس مايضحك كثير مانقدر نسولف معه حتى اخواني قبل لا يتزوجون اصدقاهم مايجون لهم الا اذا كان هو طالع يخافون منه ويسمونه الوحش .
كان وحش لكن سبحان اللي قلب حاله بعد ماصارت في حياته احداث هي اللي غيرته :44: زي ماقلت لكم من يوم ماوعيت على هالدنيا وقبالي امي امي هي اللي تسوي وامي هي اللي تضحي وامي هي الي وووووو هي كل شي طبعا ابوي كان عاطل عن العمل من 39 سنه وامي كانت تخيط وتبيع عشان تصرف علينا وحنا بزارين الوالد من قبل على شبابه كان ماعليه ماديا بس ضاع كل شي كان كريم يعزم ويحفل ويعطي وكان الله يرحمه يحب السفر كثير ويرهي على نفسه بالسفر ويصرف على اصدقاه لمل فتح مؤسسه وصار مدير اعماله باكستاني الله لا يوفقه ابوي كل فلوسه رايحه شي بسيط يعطي امي ولا يكفي والباقي يلعب فيه لعب المهم عطى هالبكستاني توكيل وبد يلعب ذا البا كستاني من وراه وامي تقولي كنت اقوله انتبه للمؤسسه لا ينلعب بها كان يقول لا هذا ثقه مرت السنين ونصب ياسين عليه وهج هذا اسم مدير اعماله وهج وصار على الحديده ومديون بعد وصارت امي تخيط وتصرف مسكينه م العلم تعرف على صحبه سيئه وصار يطقها وكانت تتحمل عشان اخواني واخواتي ولا عندها اهل الله حسيبهم اذا جت عندهم قالوا لها بدون البزارين وتاكلين فضلتنا بعد مع العلم امي هي اللي معلمه خوالي ومدرستهم من خياطها ماتبيهم ينحرفون لا ن جدي بخيل لكن مانفع معهم تقولي كنت اخذ من ورى ابوك فلوس واجمعها علشا ن اامن مستقبلكم تاخذ هالدراهم ويحول وواثقه بجدي وخوالي مع ان مافيهم خير وتعطيهم وتقول لهم اشروا اراضي لي ولعيالي وكانوا ياخذونها ويشرون اهم من فلوسها ويوم جت تعاتبهم قالوا لها انقلعي مااحد شافنا وكتمت الحسره ودعت عليهم الله يتولاهم طبعا ابوي عاطل واخواني فصلوا من الدراسه واشتغلوا واعمارهم على 16 و17 صاروا يصرفون علينا علموني ودرسوني والوالد ماتحمل المسؤليه ابد وداي هواش هو وامي طبعا هو كان ماخذ وحده قبل امي وطلقها وكان معها بنت ويوم اخذ امي الاولي جدعت البنت على امي وعمر بنتها سنه وبدت معاناه امي البنت ترضع من الصدر وامي باقي ماحملت امي ربت اختي من ابوي واحسنت تربيتها وتزوجت من عندها لكن اختي تنكرت لها طبع امي من 24 سنه تنام بالحاله وابوي لحاله وكنت اسال امي ليه يمه ماتنامين معه كانت تقولي اناكبرت ولا ابيه كرهته من يوم مااخذته ولاصار شي بيننا كا عماتك يدرون باللي بيننا عشان كذا تركته وثاني شي امي تقول اني اهلي مختنيني وهاك الشي ماابيه وابوي الله يرحمه يحب الحريم ودايم يقول لامي باتزوج وامي تقوله رح انت ماتشتغل ماحد باغيك
ابوي يابنات ماكان يدري عنا متنا حيينا لا يودي ولا يجيب لا لمدرسه ولا لمستشفى ولاهو حليل مع اخواني ولا مع خواتي كانت امي متحمله مرضت بسكر وبضغط وكان يقولها ان شاء الله ادفنك وكانت تقوله امي الموت حق علينايمكن لوكتب معاناة امي ترى اللي اكتبه جزء فقط اللع يعظم اجرها وكان يقول اناباعرس واللي ابأخذها بقولها انابري من عيالي المهم راحت السنين وتزوجت انا وبعد زواجي باربع خطبنا لاخوي الصغير المهم ابوي كان يبحث عن مره تأخذه واختي من ابوي تدور له مع ان امي مربيتها بس ماتمر بها المعروف المهم كان يقل لاقاربنا ولدي بيعرس يحفلون وياخذ الحفايل له عشان يعرس بلفعل لقى وحده مطلقه مره وترملت مره ومعها ولد كبير وبنت وولد صغير يوم اعرس ابوي انصدمت امي لان كانت تقوله اشتغل وكان يقول ماراح اشتغل الا اذا تزوجت لكن بعد ماتزوج مااشتغل لانه اخذ على الراحه بس ماادري كيف طلعت الفلوس واستأجر وشرى اثاث ولا بعد تكفل بولد زوجته يصرف عليه وحنا ولا شي المهم امي انهبلت قالت مع الفقر والصبر والذل منه ومن اهله واخيط و و و وكل شي يعرس امي تقول انا ماهمن يعرس بس اللي قاطع منين طلعت الفلوس ومنين استأجر مع العلم يابنات البيت اللي عايشين فيه وابوي معنا لامي باعت ذهبها ايام الرخص وشرت ارض وبنتها من رواتب اخواني على شوي شوي قعدت تيبني بها احدش سنه لماخلصت وصار لنا بيت لولا الله ثم هي والا كان حنا بالشارع لان ابوي مايملك شي وبايده ضيع كل شي ولا اهتم لنا كل اللي يفكر فيه كيف ومتى يتزوج وبس :09: المهم ارجع لحالة امي اللي اكلها الهم طبعا امي عزت نفسها عليه وقالت طلقني هوعيا لو وشو مااطلق اخاف تعافن الحرمه ال اني ارجع لك المهم تزوج وقطع خير شر بس مكالمات واللي تخذها طلعت حق امي بالصاع صاعين يابنات ابوي صاريعرف اسناء المشاغل من كثر مايوديه ومعها بنتها وانا يوم عرسي بليموزين انا وامي واختي اجهز لنفسي ولدها يوديه المدرسه وانا اختي نروح مشي تصقعنا الشمس واختي الصغيره توديها امي مشي وهي مريضه الله يأجرها المهم كنا نترجى ابوي يجينا يقول انا ومرتي نجي والا ماابيكن بس حنا نقول لأ كان نترجى امي يجي للبيت يجتمع بجمعتنا ويالله تطيع وكان يجي كأنه مقبص ويطلع لما جا ذاك اليوم قالنا اباخلي امكم مسيار اتوني معرس وابي اتمتع مع ان خلق وفرق بين امي وهي الثانيه تمكيج وتلعمط وامي ماكانت كذا بسبب انه كارهته وهو يموت بصالة الحريم عشان كذاسج ونسانا امهم كان عندنا شغاله باسمهو قالت االشغاله باقلي لها رواتب وماراح اعطيها لانها باسم ابوك لان الشغاله لو اشتكت عالسفاره بيمسكون ابوي وهو توه معرس امي قالت له ياتطلق ياباخليك تنسحب الى الشرطه وتدفع انت والا تطلق قال لااطلق وطلق صار امي يمشي تقاعد من جدي جدي اللي بهذلها صارت تاخذ تقاعده سبحان الله المهم طلق يوم الثانيه درت انبسطت مرت سنه والحرمه الثانيه بدا يطلع الوجه الاخر بهذلت فيه مايجي عرس الا يوديها يسافر فيها اللي حنا ماقد سفرنا هي لا كل شي لها والولد اللي رباه كبر وصار طقاق هو واياه المهم ابوي بدا يتغير حس بالذنب صار يتقرب لنا وصرنا فرحانين فيه طبعا حاول يرجع امي بس هي رفضت كذا مره حاول وش اقولكم كثير حتى قبل لايموت وهو يبي يرجع امي بس ماكتب الله المهم تعلقنا فيه كأن ته مولودين حول السنه بس اخذه الموت وحنا مابعد تهنينافيه وخصوصن انا صرت احبه حب بس قدالله وماشاء فعل :icon33: المهم كانت مرته الاتبي تجينا الاتحضر شبكة اختي والعرس وامي تقول ماابيها بالطقاق وابوي يغصب علينا ويقول هماني طلقت امكم فكوني من حنة هالحرمه خلوها وامي تقول صار كانه تحدي امي تكابر وابوي يبي يفتك من حنة الثانيه تبتل تزن عليه لاولو اقولكم ابوي ماقد دخل مستشفى يوم اتزوج صار معروف بالمستشفى مرض منها وكانت لوتجيه كحه تصج اخواني بالليول يركضون ولايطلع فيه شي كان يقولي قولي لامك ترجع لي قولي لها وامي تقولي لا مابيه مرت الاشهر وهو يتقرب اكثر لنا صار حنون بمعنى الكلمه تغيرتغير:icon33: وامهم في ذاك اليوم مجتمعين عند اختي وجانا وقعد وجهه فيه شي قلنا اكيد منكده عليه تطلع وتخليه امي ما كانت تطلع تطبخ له وبواجباته اللهم الفراش ماكانت تبيه وعشان هذا السبب اعرس الموهيم جا وقعد وحكى شوي وقال لاختي وين امك قالت جو قال لها ودي اشم ريحتها قبل لااموت هي اختي ماجا على بالها ولا على بالنا انه بيموت بعد ساعتين الله يرحمه المهم قعد وقام قال اناباروح قبل لايطلع حبب عيالنا كلهم وطلعوبعد ساعتين دقت مرته على اختي من ابوي وقالت لها الحقوا على ابوكم بالمستشفى كلنتنا اختي تصيح راحت للمستشفى وقالها الدكتور وين عياله قالت ثنين منهم مسافرين واحد هنا قالها كلمي على اللي نا وكلمته وراح اخوي واخواتي كلمتهم وراحن وانا يوم جيت باروح معهم قام ولدي ولارحت اشوفه ةاثره الله يرحمه ميت من ساعه بس الدكتور ماقال لاختي ماقال لها الا بعدين عشان ماتنهار خواتي راحن ودرن وانهارن وانا دقيت على اختي وقلت وش به قالت تعالي ودعيه هي قالت كذا وانا ماادري من انا انهرت يارب سبحانك يوم صار حنون مات ماتهنيت فيه ماتهنيت بحضنه الا على كبر ودهن عوده مازال في خشمي يارب اللى اللحين احس بحضنه الي الحين اسمع صوته بأذني الله الحين احتري اسمع صوت سيارته عند بابي الى الحين بوري شيارته لاجاني قبل مايوصل الباب يضرب البوري العالي اعرف انه هو الله يرحمك كل هذا ببالي يوم سمعت كلمتها ودعيه وبالحقيقه ودعت روحي قبل لااودعه خواتي يوم وصلن للمستشفى لقوه بالثلاجه العمه قالت للدكتور ماله احد الا انا دخلوه اثلاجه ودخلوه خواتي راحوا وحبوح الحبه الاخيره وانا لأ سامحني يبه ماودعتك ما حبيت جبينك ماشميت ريحتك ماودعتك اخواني جو منا السفر ماوصلوا الا الخميس وصلوا عليه الجمعه وامي شفتوا امي بكت بكا خفنا عليها قالت العزى ببيتي أمم تعزي الله يرحمه واحد من اخواني ماشافه من3 شهور وبكى بكا مرير بحكم العمل قبل مايموت قال لاختي الكبيره شقيقتش قولي لامك تحللني لاني ظلمتها وانم يابناتي وعيالي راضي قلبي عليكم سامحوني مسامحينك يايبه انت اللي سامحنا ومرته يوم رحنا نعزيها ووقفنا الي هذي سيارة ابوي هذا عفش البر وانا ابكي لمس سيارته قبل امس عندنا والحين بس سيارته رحت الشقه ولقيت الباب مطرف ودخلت ولنا حاقده عليها الاواسمع الضحك والقهاوي ويوم شافتني انلخمت قامت تصيح تحسب مشى الدور علي واللي كرهني هو مات بالبيت ولا كلمت اخوي وقامت شقت جلابيت البيت اللي عليه وولدها معها ولبسته ثوب وشالته هي وولدها وصقع راسه بالباب وتدمى راسه ووده المستشفى لان خواتي يوم حبوه بالثلاجه راسه فيه فلقه ماقالت عن اللي صار الا لاختي من ابوي لانها كانت معها واختي كرهتها عقب اللي سوته الله يوفقها دايم ولدها يتطاق هوواياه وبالعاده تكلم اخوي لما يصير شي بس هالمره لأ ماادري وش عندها الله لايحللها بهذلت حياته والى الحين عايشه بخيره لا وتبي تعرس بعد الله يرحمك يابوي ياللي ماذقت حنانك الا قبل مماتك بسنتين وانحرمت منه يارب ياكريم اجمعني فيه بجنة الخلد شفتوا لما الواحد يفقد الحنان بعد ماذاقه على كبر وفقده بغمضة عين لاحول ولا قوة الا بالله توفي بشعبان قبل العام لاكن كل يوم حنانه يتجدد بالنسبه لي وكل يوم غلاه يزيد بقلبي وكل يوم احن له وكل يوم اموت في داخلي مليون مره االله لا يفقدكم عزيز والله يخلي لي امي الله يحفظها وياجرها آآآآآآآآآآآآآآآمين