مأساة منتظرة تتكرر معاي شو اسوي يارب ماريد اتطلق

السلام عليكم ورحمة الله وبركاتة

بنات اعتقد اغلبكم يتذكر مشكلة منتظرة والامل بالله

سبحان الله كيف كنت متاثرة وايد وايد بمشكلة هالانسانة كانت تكتب وانا اقراء

الي تكتبة احس كاني انا الي اتكلم وعندما كتبت حل مشكلتها النهائي وكانت

الطلاق انصدمت لدرجة اني حزنت عليها حزن يعلم بها الله بس الفرق بيتي وبينها اني

انا ماعندي مشكلة في الانجاب واني الحين حامل .....

بس اتكلم من ناحية الصبر الي صبرته على زوجها .... وعلى الغيرة الي تحسبها وهو

مع زوجته الثانية .........

انا اعرف ان فيه بنات ممكن مايعرفون السالفة بس مشكلتي وقصتي طويلة والوقت الحين فجر ونفسيتي زفتة حيل حيل ومب قادرة اجمع الكلام .....

بنات انا بكتبلكم كل قصتي وشلون زوجي كذب علي يوم تزوج علي وكيف كشفته

وشلون تصرفت معاه بس الوقت ونفسيتي تعبانة .....

ولي رجعة معاكم بس ياليت تدعولي بطولة البال على زوجي واني ما اتسرع في

قراري .....

ملاحظة :

انا ماكتبت مشكلتي هنية لاجل شي غير اني ابي النصيحة لاني اعرف ان في هالمنتدي بنات ماشاء الله عليهم ..... ودخيلكم ثم دخيلكم لاتحكمون علي قبل لا تسمعون قصتي .....