مأساتنا في بيتنا

السلام عليكم

والله ماني عارفه شلون ابدي وشسوي
قصتي كالتالي او بالاحرى مأساتي كالآتي
انا في بيت للاسف محد يحب الثاني فيه اخواني متزوجين وكل واحد تهمه مصلحته ومصلحة زوجته وبس وخواتي ثنتين متزوجين وما يهمهم الا مصلحتهم وفوق كل هذا يكرهوني حييل وما يبوني اتزوج حتى انا عمري 26 وامي شخصيتها حيييييييل ضعيفه كلمه توديها وكلمه تجيبها ودايما خواتي يوزون امي علي وبعدين امي زف فيني وحتى دايما تحقرني وتستهزأ فيني مع اني خريجه من الجامعه وفوق كل هذا محترمه
انا حييييييل ضعت من عقب وفاة ابوي لان هو الوحيد اللي كان يحبني وانا الحين بس ابي اتزوج بس تعرفون النصيب طبعا مو بكيفي يجي

تخيلو اقولكم موقف راح اكيد تنصدمون منه اختي كل ما احد سألها عني تقول اني مابي اتزوج او تحط اعذار عشان الناس ما تخطبني
مره رفيجتها دقت عليها عشان تخطبني حق واحد تخيلو قالت لها ان اختي ما تفكر بالزواج وانا عرفت بهالشي بالصدفه من رفيجتها
والله احترت ماني عارفه شسوي انا من النوع ما اطلع وايد من البيت وحتى حفلات ما اروح ما احب اطلع ودي اتزوج بس ماني عارفه شلون وخصوصا ان اي احد يكلم خواتي علي كزواج خواتي يردونه
على العلم اني على قدر من الجمال ومو ناقصني شي والله ماني عارفه شسوي
ودي احط اسمي عند خطابه لان اغلب صديقاتي تزوجو عن طريق خطابات والحمد الله عايشين حياتهم بسعاده بس المشكله ما اعرف ارقام خطابات وصراحه استحي اطلب من رفيجاتي الارقام لان مره طلبت من وحده رقم خطابه وقالت لي اوكي وبعدين تهربت عشان ما تعطيني الرقم

بنات تكفون اللي تعرف رقم خطابات طبعا من الكويت ترسلي على الخاص والله راح ادعيلها