حاااااااااااااااسه فيكي والله

شوفي انا ما اعيش مشكلتك بس اثرتي فيني وخصوصا انها مشكله الكثير


ادري انك مالك خلق نصايح هذي امك لازم تتحملين انتي الغلطانه ومن هالكلام


شوفي انت الحين تبين الحل وما تبين احد يحسسك انك غلطانه صح؟؟؟؟؟؟


المهم انا بقولك شي لا تظنين ان في حل سحري وسريع هي من زمان طبعها كذا صح
شوفي كل اللى اقدر اقولك عليه مسكي اعصابك ..مسكي اعصابك...مسكي اعصابك

يعني كوني جدامها بااااااارد تخانق بنتك مو مشكلة هي اذا شافتك عصبتي بتزيد بس اذا قلتي حق بنتك شوي شوي عيب حبيبتي سمعي كلام ماما راح تسكت

لا تشدي انتي معاها الحبل لانك راح تكونين الخسرانه :44:

ادري لازم تتحملين هذا كلام مافيه روح وتعال بس اهم شي انتي

اعصابك خليها بارده يعني لا تشدي طيعيني والله

واذا كنتي على النت وبنتك جتك قولي هلا حبيبتي ولعبي معاها يعني سوي عكس الامك تتوقعه من غير ما تزعلينها

يعني الغرض انك ما تعصبينها ولا تعصبي نفسك ويا معوده كلها شهرين والله يردك لبيتك سالمه

وانتي وين بتروحين يعني ماردك لها شوفي ما في ام مو طيبة بس الله يهديهم وصراحه انا اعاني من هذي المشكلة ما يعرفون يعبرون عن مشاعرهم

يالله الله كريم المهم شوفي انتي شرايك

السلام عليكم
اشكركم اخواتي لنصائحكم..
واحب اوضح لكم بعض الاشياء اللي فهمتوني فيها غلط
اولا انا مو متعوده ارمي نفسي في حضنها مثل ماقالوا بعض الاخوات من وانا صغيره ماذقت طعم الحضن اللي تقولوا عليه .
ثانيا انا دائما اهديلها لكن يكون مصيرها مايرضي بس عادي
ثالثا امي مو من النوع اللي يتناقش ويتفاهم انا بس اقولها كلمه تزعل وما اشوفها الا اليوم الثاني
رابعا( اختي مع الايام_ واحة الامل)
يعني لما اكون (مريضه)اوبروح للمستشفى اذاكنت مريضه اكون اخطأت؟ فين اوديهم ؟
انا مو انه عندي وقت لما اجلس ع النت لكن مضطره عشان اكتب لكم قصتي
وانا لجأت لكم عشان تساعدوني عشان نلاقي حل ...انا حكيت عن قليل من كثير بالنسبه لوضعي مع امي وانا ماشكيت همي لكم الا ادور على الحل ورضى امي اولا......انتوا فهمتوا الموضوع غير ............(سامحكم الله)

هلا حبيبتي..
انتي شكلك حساسه زياده عن الللزوم..
اعرفي ان دوشة الاطفال تزعج الكبار اشوف هالموقف عندنا في البيت اذا جت اختي او واحد من اخواني امي تصارخ عليهم بس اختي تتقبل عادي..ما تكرههم بالعكس تحبهم فوق ما تتصورين بس ازعاج الاطفال احيانا لا يطاق..في هالوقت تلاقينها زعلانه ومعصبه واحيانا تقول خذي عيالك بعديهم عني انا لو ابغى عيال كان جبت انا..والخ الخ..
تحملي عادي..وزي ما قالوا البنات هدي اعصابك..ولا تكونين حساسه..
واذا كنتي تعبانه خلي اخواتك يساعدونك في عيالك مو شرط الوالده..تعرفين الاهل اذا كبروا صاروا ما يتحملون الازعاج ويعصبون بسرعه يصير دمهم حامي ..وعند اي سبب يولعون بس هالشي طبيعي حبيبتي..لا تحطين في بالك..بس انتي اصرفي على عيالك عشان ما تحسين انك ثقيله عليهم اذا يريحك..مع انهم اهلك يعني عادي..
وانتي استسمحي امك بعد ما ينامون عيالك وقولي لها اللي يرضيك بسويه ..وشوفي اللي يرضيها..ومن كلامك واضح ان اهلك ما عندهم شغاله..فاذا كان كذا ساعدي في البيت غسلي يوم اطبخي يوم نظفي يوم..يعني خليك ايجابيه شوي اذا كنتي بصحتك ..
وعيالك سكتيهم يعني ام الثلاث شهور ربي يحفظها تنام في اليوم 25 ساعه ربي يخليها لك..والكبيره خليها تلعب باي لعبه المهم تلهيها عنك وانتي ساعدي الوالده..واذا واحد من عيالك ربي يخليهم لك احتاجك استاذني شوفي وش يبي وردي كملي شغلك..
والله اعلم..

اختك..
سبائك العسجد..

حبيبتي الفنار

ماقول الا الله يعينك ويصبرك
المشكله تكون كبيره لاكانت من الاهل ..
بس ولا يهمك يالغاليه ( تبت نارا وتصبح رمادا ) هونيها وتهون يالغاليه وتذكري انه فيه بنات لهم مع اهاليهم مصائب اكبر من كذه ...
والله حاسين فيك..
ولاتزعلين من كلام الاخوات والصراحه كلام الاخت ام عموري يثلج الصدر ..

الله يهونها عليك يارب

عزيزتي الفنار
ما تشعري به جزء يسير من معاناتي مع والدتي
حتى ان اطفالي يسألونني لماذا لا تتصلي بامك مثل اخواتك
والحضن الذي لم تعرفيه انا ايضا لم اجربه
وعذرا لانني اوقعت اللوم عليك وعلى نفسي
فهذا اسلوبي مع امي
مهما حدث انا المخطئة
واشكرك لانني كنت اعتبرنفسي الوحيدة التي لا تحبها امها
او حتى اشعر انها تغار مني ولا تتمنى لي الخير
وتحاول دائما ان تحرجني امام زوجي واهل زوجي وحتى الاغراب
ما هو الحل
بالنسبة لي اعيش باستقلال تام
ولا يمكن ان الجأ لها
وقد اضطررت لقضاء اسبوع عندها لسبب ما (تحدي مع زوجي تخيلي!!!)
وكنت اصرف كانني في فندق خمس نجوم
اطلت عليك ولكنك فتحت بابا احاول دائما ان اغلقه
والموضوع بالنسبة لي يسبب عقدة لا يمكنني التخلص منها
يمكن لانني اتجاهل كل تصرفاتها
لا ادري
اكرر اسفي