حبيباتي
انا من المشتركات القديمات في هذا المنتدى الرائع, لكني ماقد شاركت ولا حاجه, بس اقرا في مواضيعكم..
لكن اليوم من بعد ما طفح الكيل قلت لازم اكتب عن مشكلتي, امكن تدوني حل.
حبيباتي مشكلتي ان زوجي حبيبي قرر بعد سبع سنين من الزواج يتزوج علي!!! ويعل لي قلبي!!
بالبادية انا كنت معترضه وطلبت منه الطلاق وضليت عن بيت اهلى اسبوعين, بس بعد ما حاكوني اخواني واقنعوني ان مالي الا زوجي, اقتنعت ارد له وسلمت امري لله.
تسالون ليه قرر يتزوج علي؟ انا الحمدلله اشوف نفسي كامله من كل النواحي ما اقصر عليه بولا شي. وبشهادته هو بعد مو بس أنا !
ماحاولنا نجيب اطفال الا بعد ماخلص دراسته الماجستير , اي بعد 5 سنين وانا اتوله على حس اطفال ببيتي, ولما بدينا نحاول ماقدرنا! ورحنا المستشفى وعملنا تحاليل وطلعت المشكله منه, لكن انا ما استسلمت ! قلت له راح نضل نحاول للأبد واذا الله ماقدر معليه اجر ان شاءءالله.. لكن من بعد ذاك اليوم وهو في برود في غرفة النوم:35: وكم مرة ناقشته بالموضوع وكانت اعذاره جدا واهيه..
ماعلينا من هذا كله, تزوج علي , وجاب مره غريبه اصغر مني ب10 سنين لبيتي , دايم تطالعني بنضرات حاقده وغاضبه مع اني دايم اطالعها باتسامه. انا الله من علي بقدر من الجمال الحمدلله , والكل كان يتمناني , وهي عاديه واقل من عاديه, احياننا اذا شفتها من دون مكياج اضحك داخل نفسي . :hahaha:
دايم اذا قعدنا الثلاثة مع بعض تقعد تتودد له بطريقه جدا بشعه ومقززة :39: :44: وهو يسمح لها طبعاّ! وانا بس اذا مسكت يده قدامها يوخرها!
ماني عارفه وش اعمل, احس اني والدتهم! اسوي لهم الغداء والعشاء واصرف عليهم! ماعاد احس اني زوجته وحبيبته زي ماكان يسميني ! عن جد اخاف مرة ادق على جواله القاه مسميني "الوالدة" هههههههههههههههه بس حبيت اضحكم شوي, لان من بعد مادخلت هالمرة لبيتي وانا ألجأ إلى الضحك عشان اروح عن نفسي.
فاعطوني حل؟ ايش التصرف الصحيح معاه؟ اتطلق واكمل حياتي مع رجال ثاني يجيني اولاد منه, ولا اصبر معاه واحاول اغير نضرته فيني واخليه يرجع يحبني زي أول؟
انا صغيرة يابنات توني 32 والكل يقول لي قدامي حياة كاملة قدامي, بس اني محتارة جدا, خصوصا ان مجتمعي يعتبر المطلقة عار عندهم, عشان كذا لازم افكر بالموضوع 100 مرة قبل لا اسوي اي شي جدي!
انا خلاص ما ابغى منه شي, لكن ابغاه يرجع يحبني ويدللني زي أول! تتوقعون بعد فترة لما يطفش منها يرجع لي؟
انا استشرتكم عشان تساعدوني الله يخلي لكم ازوواجكم وذريتكم
