مأساه في بيتنا ساعدوني// قديم

ابيك تقرون اللي صار لنا وتحكمون على تصرفاتي احس بذنب كبييييييير
ابقولكم عن اللي صار معي انا عمري20 وعندي اختي الصغيره عمرها 18
من كانت بالمتوسط وهي كانت تكلم شباب حاولت امنعها انصحها بس مافي فايده وكنا وقتها غرقانين بمشاكل مع ابوي يعني ماكان فيه احد منتبه لها زين
المهم مرت فتره وجبرتها على ترك المكالمات
ووعدتني انها تترك هالطريق لانه بتغضب ربها و بيضرها ماينفعها من ناحية سمعتها
وخلاص توقعت ان الموضوع انتهى
بس الغريب ان اختي استمرت واستمرت واستمرت وصارت تكلم بالمدرسه
وامي وخواتي اللي اكبر مني دروا
هاوشوها ومنعوها من المكالمات حتى مع صديقاتها
وتوقعنا انها تابت من هالشي
بس هي كملت وتعرفت على بنات منتهيااااات الله يستر على الجميع
واسحبوها صديقاتها الى حد انها طلعت مع اخو وحده من صديقاتها
تطور الموضوع وصارت من شخص الى شخص
فصلناها من المدرسه
وضربناها
وحبسناها في البيت
وامي نصحتها كثير
وبعدين قالت انها تابت وكنا خايفين على مستقبلها وبما اننا كلنا جامعيات قلنا مايصير اختنا تبقى بدون مدرسه رجعناها وليتنا مارجعناها
دمرت اكثر واكثر
لدرجة اننا لقينا عندها قميص نوم
وجوالات وشرايح وكان فيها ارقام شباب كثااااااااااار
طلعناها من المدرسه وحبسناها مره ثانيه
بس كانت تطلع معنا السوق
وشرت لها جوال
واستمرت بالمكالمات والمواعده مع اننا كنا نراقبها كثير
لحد مانفذ صبرنا
هالمره ضربناها وسكرنا عليها بغرفه بس امي حنت عليها وخلتها تقعد معنا ولاننا ماكنا نبي ابوي يدري بالموضوع ويطلق امي مع ان مالها ذنب باللي تسويه اختي لانها ربتها وتعبت عليها بس _يخرج من بطن العالم فارج-
المهم اختي هربت من البيت وراحت بيت صديقتها
ورحنا وجبناها بعد فضيحه
لاننا سألنا جيرانا عنها
ومقدرنا نحبسها لان ابوي بيدري تركناها بعد مانصحناها
وتوقعنا انها تابت
بس بعد سنه
رجعناها للمدرسه على امل ان حالها صلح
وتحسنت سلوكياتها
وامي كانت تسأل عنها كثير في المدرسه
بس بنات الحرام ماخلوها ورجعوها للي كانت عليه
صدنا عندها جوال و4 شرايح وارقام شباب من ضمنهم واحد من قرايبنا
حسينا بالعار والفضيحه فعلن وبقلة الحيله لاننا كلنا بنات وابوي ظالمنا وعماتي مايرحمون وماعندنا خوال ابد يعني مالنا احد نشكي له ضربناها من جديد بس عرفنا ان الضرب مايجيب نتيجه وان البنت حالتها تدمر ومن سيئ لأسوأ
تعبنا وهلكنا وماصار بيدنا شي غير اننا نعلم ابوي
لما درت اننا بنعلمه
هرببببببببببببببببت
بس هالمره هربت مع رجااااااااااااااااااااااال
انصدمنا وبكينا وانهرنا وخفنا ان خطيب اختي الكبيره اللي يالله انخطبت يدري عن الموضوع وينفصل عنها بسبب الكلام اللي بيطلع مع ان مالها ذنب
دورنا عليها بالشارع بالسوق عند الجيران بس مالها اثر ابد وفجاءه جتنا رساله ع جوال ابوي من رجال قال بنتك عندي وبجيبها لكم لانكم عايله طيبه وماتستاهلون الفضايح
رجعها بسريه كامله
ابوي توقعنا انه يضرببها بس انه انهااااااااااااااااااااااار
وراح للمستشفى ولما رجع
ماعاده زي اول صار هادي وصامت
ومايكلم احد
وامي كذلك
اما حنا يالبنات فحالتنا صعبه مررررررررره
ضعنا ماعاد لقينا حل غير اننا نحبسها
وحبسناها بس قدرت تهرب من جديد
ياناس حنا تعبنا
ربي سلط علينا اختنا اللي من لحمنا ودمنا
وقمنا علمنا ابوي اللي قام يدور بالشارع
دورناها بكل شارع وخفنا اذا بلغنا تصير فضيحتنا رسميه
وكلناها على الله
وقمنا ندعي ربي يردها
اللهم ردها اليك رداً جميلأً
وبعدها رجعت
حمدنا ربنا وفرحنا
طبعن هنا ماقدرنا نخليها بروحها حبستها بغرفتي وسكرت عليها
وضربناها وامي قعدت تكلمها بس مافي فايده اختي تقول انها بتهرب اول ماتلقى لها فرصه
وديناها لدكتور نفسي
قال البنت مافيها شي طبيعيه وماتعاني من اي شي
وماعندها اي مشكله
اما من ناحيتها فهي قاعده تتحدانا وتقول ابهرب
يابنات انا اعصابي تعبت وصرت اوديها الحمام تكرمون واجيبها لاني اخاف انها تهرب
ومره لما وديتها الحمام كنت واقفه عند باب الحمام هالسالفه ماصار لها الا 4 ايام
ومسكتني ودفتني وحاولت انها تهرب مني وصلت الى باب الشارع بس مسكتها
ساعتها حسيت بقهر لان ربي نزع من قلبها الرحمه مارحمت امي ولا ابوي ولافكرت فينا ولابسمعتنا
وقمت ضربتها انا وخواتي وامي وابوي
وربطناها ومنعنها من كل شي من التلفزيو ن ومن القعده معنا
يعني حبسناها حبس انفرادي
طبعن لاتنسون الالم النفسي اللي كنا حاسين فيه
لان اختي كانت تعور قلبي لما اشوف كل البنات عايشين وهي محبوسه
وفاقده ابسط حقوقها سألت شيخ عن اللي سويناه قال اذا حبستوها فهو ستر لها يعني افضل
عطيناها كتب وسكرنا عليها
بس امس دخلت عليها ولقيتها تكلم نفسها تقول انا حلوه وبغير ابوي واكره عماتي
كلامها ماكان منسق
شميت ريحه مو حلوه عندها
لقيتها بايله على نفسها تكرمون
يعني اختي انجنت
ناديت امي وخواتي
شافوها وقعدوا يبكون اما ابوي فحالته يرثى لها من اول مره هربت فيها صار مايدري عن شي ولايسأل عن احد
جلسنا نصلي
وامي تدعي لها
وخواتي نفسياتهم تدمرت
احس اننا خسرنا كل شي
خسرنا سمعتنا واختنا وامي وابوي
يانااااااااااااااس انا تعبانه ومتحطمه ومو قادره اشكي لاحد لان الموضوع فضيحه
واحس ان حياتي انا وخواتي وامل الزواج عشان نرتاح من ظلم اهلنا واستعبادهم لنا تحطم

تعبت تعبت تعبت
واحس بذنب مو طبيعي لاني انا اللي كنت اضربها اكثر شي
تكفون ادعوا لي ولاهلي ان الله يغير لنا من حال الى حال
وقولوا لي وش أسوي
ماني قادره اتحمل نفذ صبري دموعي ملتني
احاول استغفر واصبر
بس ماعاد فيني ابي احد يوقف معي معنوين انا منهاره وتعبااااااااااااااااااااااااااااااااااااااااااااااااااااااااانه
ودموعي من لحظة ماشفتها تكلم نفسها الى الان وهي ماوقفت:icon33:
اللهم اجرنا في مصيبتنا واخلف لنا خير منها
ادعوا لنا وعطوني حل للي انا فيها:(