نسيت اقولكم قلت له امسح ارقام البنات او سوي لهم حظر قال لا ماقدربيني وبينهم عمل والجوال من الظهر مختفي في السياره كان ودي اعطي اخوه الصغير مفتاح السياره يجيب لي الجوال وخفت
طبعا انا ابي الجوال لاني ابي اعرف طبيعة العلاقه بينه وبين البنت اللي تبيه يوديها العشى وجيب لها الملابس وشو
لانه هو مارضى يقول لي يقول لامتزوج ولا اغازل ولا مسوي حرام

بكاءه دليل ندمه

استغلي هالفرصه بتذكيره بالله وتخويفه من الحرام وعقوبه الخاين وانه يبتلى في اهل بيته
خوفيه على بناته وعلى زوجته

صدقيني الرجال اللي ما يخاف من الله يخاف على سمعته وعلى بناته واهل بيته

بعض الرجال تركه للزنا والحرام ليس خوفا من الله ولكن خوف على عقوبته في الدنيا
قولي له اقرأ قصص كثير حريم متزوجات وبنات حمايل يصادقون ويخرجون مع رجال للحرام وهذا كله لان زوجها او اخوها او ابوها صاحب حرام والله ابتلاه في اقرب الناس له
لا تفسد بناتك وتخرب سمعة اهل بيتك عشان شهوة ساعه

استغلي هالفرصة ولا تكونين سلبيه
خلاص واجهتيه يا اما يتعدل ويكون رجال
يا اما تتركين له الجمل بما حمل
ووالله ان يجيك يبوس رجليك يعلن توبته وندمه
بس خليك قوية والعبيها صح!!

وبعدين انتي علمتي اهلك فما فيه شي يخليك تتحملي وتصبري وتخافين من الفضيحه

تعاملي مع الموقف بقوة وحزم ولا يلعب عليك بكلمة حلوة ولا طلعه ويسكتك
اجلسي معه جلسه مصارحه وتفاهمي معه حول الموضوع وشوفي جواله وخليه يحذف كل بنات الشوارع اللي فيه
واشرطي ما يقفله ابد ويكون تحت نظرك كما ان جوالك تحت نظره
قولي له ما يقفل الا اللي عنده غلط ويخاف منه

الله يفرج همك هالرجال يجيبون الهم والغثااا الله يفرجهاا عليك

اختي ان شاء الله نقدر نساعدك
اولا ياليتك ماواجهتيه اقولك ليه كنتي تراقبي الوضع من بعيد وتفهمي طبيعة علاقته مع كل البنات اللي في القروب وتعرفي من اكثر وحده يكلمها وبالوقت المناسب تتصرفي وع اساس انك عرفتي بالصدفه من غير ما تتفتشي جواله واخذك للارقام وتصويرك للمحادثات نقطه تحسب لصالحك
ثانيا زوجك يبي له صبر ياليت اعرف اذا كان زوجك شمالي او جنوبي وعلى اساسه بتقدري تتعاملي معه الحين انتي لا تضعفي واصري على موقفك انه يقطع علاقته فيهن نهائيا واذا لزم الامر انه يكلمهن ع اساس شغل يكون بعلمك وامام عينك والمحادثات لا تعطيه ابدا خليها معك يمكن تحتاجيها وادعي ربك واصري على موقفك انو لازم يقطع علاقته فيهن ترى وحده قريبه لي مرت باللي مريته واكثر والحمد لله ربي نصرها عليهن وعليه انتي خلك قويه
ثالثا قولي لزوجك انك ما خبرتي اهلك ولا راح تدخليهم حتى لا تتغير نظرتهم له ويفقد احترامهم له وانك خايفه على سمعته وسمعة اولاده بس اذا عادها فانتي مضطره انك تخبريهم وتتركي له البيت