ماء ورد وهيل وزعفران

شوفواااا بنات

راح اعلمكم اليوم طبق حلو وانتم جربوا ترى اللي ما تجربه صفر في مادة الاقتصاد المنزلي

اوكي صفر او عطوني النتيجه

المقادير

1- علبه عجينة البقلاوة شرائح
2- لوز + جوز + فستق
3- سكر مطحون
4- ماء ورد منقوع فيه هيل مطحون حديث + خيوط الزعفران الاصلي اللي ريحته تهبل
5- زبدة

الطريقة اخلطي الوز المطحون مع السكر المطحون مع ماء الورد المنقوع فيه الهيل والزعفران هذا نوع

النوع الثاني شكلي في المكسرات اخلي اللوز مع الجوز مع الفستق المطحون مع باقي السكر
وماء الورد

لاحظي راح تكون عندك عجينة بس مو سائلة ناشفه لان السكر راح يتماسك مع المكسرات

افردي الرقيقة فقط رقيقة واحدة وادهنيها بالزبدة وضعي الخليط على طول الرقيقة
واطويها مع الضغط مو تخليها مفروشة تتطلع متينه يعني غليظة لالالالالا
مو حلوة خليها دقيقة يعني سمكها سمك الاصبع الصغير اوكي او سمك السيجارة ونفس لفت السيجارة تشبية بليغ الحمدلله لقيت لك تشبيه

ضعيها في الصينية المدهونه بالزبدة

وهكذا لحد ما يخلص عندك المقادير

قطعي الفائف قطع صغير طول القطعة قد لقمة فقط

ورشي عليها سمن وحمريها في الفرن من فوق وتحت

وبعدين لما تحمر طلعيها وصبي عليها القطر دافي مو بارد

والقطر يكون مطبوخ ايضا بماء الورد والزعفران والهيل

عاد شوفي الرائحه تجنن تهبل قدميها مع القهورة العربية

اختكم

نوراااااا

من قطر